ព័ត៌មានជាតិ
សកម្មភាពថ្ងៃដំបូងនៃយុទ្ធនាការឃោសនាបោះឆ្នោត របស់គណបក្សប្រជាជនកម្ពុជាខេត្តសៀមរាប
សៀមរាប ៖ នាព្រឹកថ្ងៃទី០១ ខែ កក្កដា ឆ្នាំ២០២៣នេះ គណបក្សប្រជាជនកម្ពុជាខេត្តសៀមរាប បានរៀបចំប្រារព្ធអង្គមិទ្ទិញអបអរសាទរខួបលើកទី ៧២ឆ្នាំ ថ្ងៃកំណើតបក្សប្រជាជនកម្ពុជា (២៨ មិថុនា ១៩៥១-២៨ មិថុនា ២០២៣) និង បើកយុទ្ធនាការឃោសនាបោះឆ្នោត ជ្រើសតាំងតំណាងរាស្ត្រ នីតិកាលទី៧ នៃរដ្ឋសភា ក្រោមអធិបតីភាពដ៏ខ្ពង់ខ្ពស់សម្ដេចពិជ័យសេនា ទៀ បាញ់ អនុប្រធានគណបក្សប្រជាជនកម្ពុជា និងជាប្រធានក្រុមការងារថ្នាក់កណ្តាល ចុះជួយមូលដ្ឋានខេត្តសៀមរាប ។
ពិធីនេះបានប្រារព្ធធ្វើឡើងយ៉ាងមហោឡារិកនៅតំបន់ឃុងយ្យូ ខេត្តសៀមរាប ដោយមានការអញ្ជើញចូលរួមពីសំណាក់ឯកឧត្តម លោកឧកញ៉ា លោកជំទាវ ជាសមាជិកសមាជិកាក្រុមការងារ ថ្នាក់កណ្តាលចុះជួយខេត្ត ប្រធាន និង សមាជិកសមាជិកាគណៈកម្មាធិការគណបក្សប្រជាជនខេត្ត មន្ទីរ អង្គភាព ក្រុង សង្កាត់ ព្រមទាំងអស់លោកលោកស្រីជាសមាជិក សមាជិកា មកពីសាខាបក្សមន្ទីរ អង្គភាព និង សង្កាត់ទាំង១២ ប្រមាណ ជា២ម៉ឺន២ពាន់នាក់ ដោយរួមការដង្ហែក្បួនយុទ្ធនាការរបស់សមាជិកបក្សស្រុកទាំង១១ផងដែរ។
បន្ទាប់ពីបានស្តាប់ និង ទស្សនាការផ្សាយផ្ទាល់នូវសន្ទរកថានយោបាយ របស់សម្តេចតេជោ ហ៊ុន សែន ប្រធាន គណបក្សប្រជាជនកម្ពុជា ក្នុងមិទិ្ទញខួបអនុស្សាវរីយ៍លើកទី៧២ ថ្ងៃបង្កើតគណបក្សប្រជាជនកម្ពុជា និង ពិធីបើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ ២០២៣ របស់សមាជិកសមាជិការួចមក មានប្រសាសន៍នោះសម្តេចពិជ័យសេនា ទៀ បាញ់ បានលើកឡើងថា ចាប់តាំងពីថ្ងៃបដិសន្ធិមក គណបក្សប្រជាជនកម្ពុជា បានប្រកាន់ខ្ជាប់ជានិច្ចនូវគោលបំណង និងឧត្តមគតិរបស់ខ្លួន គឺឈរនៅខាងប្រជាជន ផ្សារភ្ជាប់រួមសុខទុក្ខជាមួយប្រជាជន ពុះពារជម្នះគ្រប់ឧបសគ្គ ហ៊ានធ្វើពលិកម្មឥតរុញរា ដើម្បីកម្ពុជា ឯករាជ្យ សន្ដិភាព សេរីភាព ប្រជាធិបតេយ្យ អព្យាក្រឹត្យ និងវឌ្ឍនភាពសង្គម។
ក្នុងរយៈពេលជាង៤០ឆ្នាំកន្លងមកនេះ កម្ពុជាបានប្រែក្លាយពីវាលពិឃាតនៃរបបប្រល័យពូជសាសន៍ ពីសមរភូមិនៃសង្គ្រាមដ៏រាំរ៉ៃ ពីការបែកបាក់ជាតិ និងគំនរផេះផង់ទៅជាទឹកដីសន្តិភាព ឯកភាព សេរីភាព ប្រជាធិបតេយ្យ នីតិរដ្ឋ និងអភិឌ្ឍន៍លើគ្រប់វិស័យ។ សម្តេចបានថ្លែងថា ទោះបីស្ថិតក្នុងកាលៈទេសៈណាក្ដីក៏ គណបក្សប្រជាជនកម្ពុជានៅតែរក្សាខ្ជាប់នូវគោលបំណង និងឧត្តមគតិរបស់ខ្លួន ដើម្បីកសាង និង ការពារប្រទេសកម្ពុជាមួយ ឯករាជ្យ សន្តិភាព សេរីភាព ប្រជាធិបតេយ្យ អព្យាក្រឹត និងវឌ្ឍនភាពសង្គម។ ការសម្រេចបាន កំណើនសេដ្ឋកិច្ចខ្ពស់ ប្រកបដោយ ចីរភាពក្នុងរយៈពេលជាង២ទសវត្សមកនេះ បានធ្វើឲ្យកម្ពុជាចេញផុតពីប្រទេសមានចំណូលទាបទៅជាប្រទេស មានចំណូលមធ្យមកម្រិតទាប ហើយកំពុងខិតខំពុះពារសម្រេចនូវចក្ខុវិស័យរបស់ខ្លួន ជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០។
សម្តេចបានបន្តទៀតថា ភាពក្រីក្ររបស់ប្រជាជនត្រូវបានកាត់បន្ថយជាបន្តបន្ទាប់ ជីវភាពរបស់ ប្រជាជនត្រូវបានលើកកម្ពស់ជាលំដាប់ សន្តិសុខ សណ្តាប់ធ្នាប់ សុខសុវត្ថិភាពសង្គមមានភាពល្អប្រសើរ លទ្ធិប្រជាធិបតេយ្យ ចាក់ឫសកាន់តែរឹងមាំក្នុងសង្គមខ្មែរ។ កម្ពុជាបាននឹងកំពុងចូលរួមដោយស្មើភាព និង ស្មើសិទ្ធិ ក្នុងកិច្ចការអន្តរជាតិនានាទាំងក្របខណ្ឌតំបន់ និងសកល។ បច្ចុប្បន្ន ប្រជាជនយើងកំពុងរស់នៅប្រកបដោយភាពសុខដុមរមនា មានក្តីសង្ឃឹម និងមានឱកាសសម្រាប់មនុស្សគ្រប់រូប ជាពិសេសសម្រាប់ក្មួយៗ ជាយុវជនជំនាន់ក្រោយ។
សម្តេចពិជ័យសេនា ទៀ បាញ់ បានមានប្រសាសន៍ថា ការបោះឆ្នោតជ្រើសតាំងតំណាងរាស្ត្រ អាណត្តិទី៧ នៅថ្ងៃទី២៣ ខែកក្កដា ឆ្នាំ២០២៣នេះ ដែលមានគណបក្សនយោបាយចំនួន១៨ចូលរួម ដោយឡែកខេត្តសៀមរាប មានគណបក្សនយោបាយ ចំនួន១៤គណបក្សដែលបានចូលរួម។ ក្នុងនោះដែរសម្តេចក៏មានសង្ឃឹមជឿជាក់ថា គ្រប់គណបក្សនយោបាយដែលចូលរួមការបោះឆ្នោត និង មជ្ឈដ្ឋានផ្សេងៗទៀត និង ធ្វើឲ្យសកម្មភាព ក្នុងដំណាក់ការយុទ្ធនាការឃោសនា ក៏ដូចនៅពេលបោះឆ្នោត និង ក្រោយពេលបោះឆ្នោត នឹងអនុវត្តត្រឹមត្រូវតាមច្បាប់ និង នីតិវិធីដែលបានកំណត់ ព្រមទាំងគោលការណ៍នៃលទ្ធិប្រជាធិបតេយ្យ ក្នុងជំហរគោរពសិទ្ធិសេរីភាព ឆន្ទៈ និង ផលប្រយោជន៍របស់ប្រជាជនជាម្ចាស់ឆ្នោត ព្រមទាំងជំរុញដល់សមាជិកបក្សទាំងអស់ សូមអញ្ជើញទៅបោះឆ្នោតឲ្យបានគ្រប់ៗគ្នា ជូនគណបក្សប្រជាជនកម្ពុជា។
ក្នុងនោះសម្តេចពិជ័យសេនា ទៀ បាញ់ ក៏បានធ្វើការប្រកាសយ៉ាងឧឡារិក ក្នុងការហែក្បួនបើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣នៅខេត្តសៀមរាប ។ ក្នុងក្បួនហែបើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣ របស់គណបក្សប្រជាជននៅតាមបណ្តា ស្រុក ឃុំទូទាំងខេត្តសៀមរាប ក៏បានធ្វើពិធីដង្ហែយ៉ាងអធិកអធម ដោយមានការលាយឡំទៅនឹងសម្លេងឧគ្ឃោសនស័ព្ទ និង សម្រែកជ័យឃោស ប្រកបទៅដោយខ្លឹម សារអត្ថន័យ នៃគោលនយោបាយរបស់គណបក្ស ហើយក្បួនដង្ហែទាំងនោះ ក៏បានដង្ហែឆ្ពោះទៅកាន់សង្កាត់ ឃុំរៀងៗខ្លួនផងដែរ។ មធ្យោបាយចូលរួមដង្ហែយុទ្ធនាការឃោសនាបោះឆ្នោត របស់គណបក្សប្រជាជនកម្ពុជា ក្នុងឱកាសនោះមានរថយន្តតូច ធំចំនួន ៥៧០គ្រឿង ម៉ូតូចំនួន ២ពាន់១៣០គ្រឿង ម៉ូតូរ៉ឺម៉ក់ ចំនួន ៣៦០គ្រឿងផងដែរ។
ក្នុងយុទ្ធនាការនៅថ្ងៃដំបូង យើងសង្កេតឃើញមានការដង្ហែក្បួនយុទ្ធនាការឃោសនា របស់គណបក្សប្រជាជនកម្ពុជាមួយតែប៉ុណ្ណោះ។ តាមការបញ្ជាក់របស់គណៈកម្មាធិការរៀបចំការបោះឆ្នោតខេត្តសៀមរាប បានឲ្យដឹងថា ក្រៅពី គណបក្សប្រជាជន គណបក្សនយោបាយផ្សេងទៀត និងធ្វើការដង្ហែក្បួនរបស់ខ្លួនទៅតាមកម្មវិធីដែលគណបក្សនយោបាយនីមួយៗបានកំណត។ សូមបញ្ជាក់ផងដែរថា ចំនួនគណបក្សនយោបាយដែលមានក្នុងខេត្តចំនួន១៤គណបក្ស ដែលមានឈ្មោះចូលរួមការបោះឆ្នោតជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣តែប៉ុណ្ណោះ៕
ដោយ ៖ គឿនវេត
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ