ព័ត៌មានជាតិ
អ្នកនាំពាក្យ៖ កោះចំនួនពីរក្នុងចំណោមកោះ៣០នៅខេត្តព្រះសីហនុមានបណ្តាញអគ្គិសនីប្រើប្រាស់
លោក ឃាង ភារម្យ អ្នកនាំពាក្យសាលាខេត្តព្រះសីហនុ បានឱ្យដឹងថា ក្នុងចំណោមកោះចំនួន៣០នៅខេត្តព្រះសីហនុ មានតែកោះពីរប៉ុណ្ណោះដែលមានបណ្តាញអគ្គិសនីជាតិប្រើប្រាស់ប្រចាំថ្ងៃ។ ក្រៅពីនេះនៅមិនទាន់មាននៅឡើយទេដោយសារកោះខ្លះមិនសូវមានមនុស្សរស់នៅ។
លោកបានបន្តថា កោះចំនួនពីរដែលមានភ្ជាប់បណ្តាញអគ្គិសនីប្រើប្រាស់រួមមាន កោះរ៉ុង ស្ថិតនៅក្នុងក្រុងកោះរ៉ុងដែលកោះនេះទើបដាក់ឱ្យដំណើរការជាផ្លូវការគម្រោងសាងសង់ខ្សែបណ្តាញតង់ស្យុងមធ្យមកប់ក្រោមបាតសមុទ្រ និងអាកាសពីខេត្តកោះកុងមកសង្កាត់កោះរ៉ុង កាលពីថ្ងៃទី២១ ខែមិថុនា ឆ្នាំ២០២៣។ ចំណែកកោះមួយទៀត គឺកោះស្រមោចស្ថិតនៅក្នុងតំបន់រាម។
លោក ឃាង ភារម្យ បានបន្តទៀតថា ក្នុងចំណោមកោះទាំង៣០មានតែកោះចំនួន២ប៉ុណ្ណោះគឺកោះរ៉ុង និងកោះរ៉ុងសន្លឹម
មានប្រជាពលរដ្ឋរស់នៅច្រើនជាងគេ។ ចំណែកកោះផ្សេងៗទៀតមិនសូវមានប្រជាពលរដ្ឋរស់នៅទេ និងកោះតូចៗខ្លះ មិនមានមនុស្សរស់នៅតែម្តង។
គួរបញ្ជាក់ថា ខេត្តព្រះសីហនុមានកោះចំនួន៣០ ថ្មដុះចំនួន២ និងថ្មប៉ប្រះទឹកចំនួន៥ នៅតាមបណ្តាក្រុងស្រុកចំនួន៤។
ក្នុងនោះ នៅក្នុងក្រុងព្រះសីហនុមានកោះ៥ និងថ្មដុះចំនួន១មានដូចជា កោះដែកគោល កោះពស់ កោះថាស កោះព្រាប កោះត្រេះ និងថ្មដុះអាចម៍សត្វ។ ក្រុងកោះរ៉ុងមានកោះចំនួន១៧ ថ្មដុះ១ និងថ្មប៉ប្រះទឹក៤រួមមានកោះរ៉ុង កោះបង កោះអូន កោះមូល កោះរ៉ុងសន្លឹម កោះតូច កោះកូន កោះព្រីង កោះដូងក្រៅ កោះវៀរ កោះតាង កោះមួយ កោះដំឡូងកោះពីរលិច កោះពីរកើត កោះពូលោវ៉ៃលិច (កោះតា) កោះពូលោវៃកើត(កោះយាយ) ថ្មដុះត្រងោល ថ្មប៉ប្រះទឹកព្រីង ថ្មប៉ប្រះទឹកសារ៉ាសែន ថ្មប៉ប្រះទឹកចៅ និងថ្មប៉ប្រះទឹកឌឺផុនរីហ្វ។
ស្រុកព្រៃនប់មានកោះ៧រួមមាន កោះចន្លុះ (កោះប្រើស)កោះក្របី កោះតាគៀវ កោះឬស្សី កោះស្រម៉ោច កោះសំពោចនិងកោះថ្មី។ ស្រុកស្ទឹងហាវមានកោះចំនួន១ និងថ្មប៉ប្រះទឹក១ គឺកោះដូងក្នុង និងថ្មប៉ប្រះទឹកអន្លង់ស៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត