កីឡា
កីឡាឆ្នេរខ្សាច់ពិភពលោកត្រូវលុបចោលព្រោះតែម្ចាស់ផ្ទះឥណ្ឌូណេស៊ីដកខ្លួន
ព្រឹត្តិការណ៍ប្រកួតកីឡាលើឆ្នេរខ្សាច់ពិភពលោក World Beach Games ឆ្នាំ២០២៣ ដែលគ្រោងធ្វើនៅកោះបាលីនៅខែក្រោយត្រូវបានលុបចោល បន្ទាប់ពីឥណ្ឌូណេស៊ីបានដកខ្លួនពីការធ្វើជាម្ចាស់ផ្ទះ ដែលធ្វើឲ្យសមាគមនៃគណៈកម្មាធិការជាតិអូឡាំពិក (ANOC) មិនមានពេលវេលាគ្រប់គ្រាន់ដើម្បីរៀបចំជម្រើសផ្សេង។
គណៈកម្មាធិការជាតិអូឡាំពិកបាននិយាយក្នុងសេចក្តីថ្លែងការណ៍មួយកាលពីថ្ងៃអង្គារ៍ថា ៖«វាជារឿងដ៏ភ្ញាក់ផ្អើល និងខកចិត្តយ៉ាងខ្លាំងដែល ANOC បានដឹងថា គណៈកម្មាធិការអូឡាំពិកឥណ្ឌូណេស៊ី (KOI) បានដកខ្លួនពីការធ្វើជាម្ចាស់ផ្ទះរៀបចំការប្រកួតកីឡាឆ្នេរខ្សាច់ពិភពលោក និងមហាសន្និបាត ANOC នៅខែសីហា ឆ្នាំ២០២៣»។
កាលពីខែតុលា ឆ្នាំ២០២១ មហាសន្និបាត ANOC បានជ្រើសរើសប្រទេសឥណ្ឌូណេស៊ីជាម្ចាស់ផ្ទះរៀបចំព្រឹត្តិការណ៍កីឡាលើឆ្នេរខ្សាច់ពិភពលោកលើកទី២ បន្ទាប់ពីទីក្រុងដូហា ប្រទេសកាតា កាលពីក្នុងឆ្នាំ២០១៩។
តាមការគ្រោងទុក អត្តពលិកប្រហែល ១,៥០០ នាក់មកពី ១០០ ប្រទេសត្រូវបានកំណត់ទៅចូលរួមប្រកួតនៅកោះបាលីចាប់ពីថ្ងៃទី ៥ ដល់ថ្ងៃទី ១៥ ខែសីហា សម្រាប់ការប្រកួតដែលផ្តោតលើយុវជនដែលរួមមានកីឡាបាល់ទាត់ឆ្នេរខ្សាច់ វាយកូនបាល់ ទូកក្តោង និងបាល់ទះឆ្នេរខ្សាច់។
គណៈកម្មាធិការជាតិអូឡាំពិកបានបញ្ជាក់ថា ឥណ្ឌូណេស៊ីបានដកខ្លួនចេញពីភារកិច្ចធ្វើម្ចាស់ផ្ទះ ដោយសារបញ្ហាថវិកា ហើយគណៈកម្មាធិការជាតិអូឡាំពិកក៏មិនមានពេលវេលាគ្រប់គ្រាន់ដើម្បីស្វែងរកប្រទេសផ្សេងធ្វើជាម្ចាស់ផ្ទះជំនួសក្នុងរយៈពេលដ៏ខ្លីបែបនេះដែរ៕
ប្រែសម្រួល៖ ផា រតនា
ប្រភព៖ CNN
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង