ព័ត៌មានជាតិ
អាហារូបករណ៍សម្រាប់គ្រូបង្រៀនភាសាអង់គ្លេសចូលរួមវគ្គសិក្សានៅសិង្ហបុរី
ក្រសួងអប់រំ យុវជន និងកីឡា បានចេញសេចក្តីប្រកាសពីអាហារូបករណ៍សម្រាប់គ្រូបង្រៀនភាសាអង់គ្លេស អាចចូលរួមវគ្គបណ្តុះបណ្តាលនៅប្រទេសសិង្ហបុរី នៅព្រឹកថ្ងៃទី១២ ខែកក្កដា ឆ្នាំ២០២៣នេះ។
វគ្គបណ្តុះបណ្តាលភាសាអង់គ្លេសរបស់មជ្ឈមណ្ឌលស៊ីមេអូ RELC សម្រាប់ឆ្នាំ២០២៤ខាងមុខ គឺធ្វើឡើងតាមរយៈសិក្សាផ្ទាល់នៅប្រទេសសិង្ហបុរី និងតាមបែបចម្រុះ។ អាហារូបករណ៍នេះ ផ្តល់ជូនដោយមានចម្រុះចំនួន១៦កន្លែង លើឯកទេសជំនាញបង្រៀនភាសាអង់គ្លេស។ សម្រាប់លក្ខខណ្ឌវិញ គឺបេក្ខជនជាគ្រូបង្រៀនផ្នែកភាសាអង់គ្លេសនៅតាមគ្រឹះស្ថានឧត្តមសិក្សា និងមធ្យមសិក្សាចំណេះទូទៅ។ ជាមួយគ្នានេះ ក៏ត្រូវមានលិខិតបញ្ជាក់ពីប្រធានអង្គភាពសម្រាប់ការអនុញ្ញាតឱ្យចូលរួមវគ្គបណ្តុះបណ្តាលនេះផងដែរ។
ចំពោះដំណើរការជ្រើសរើស គឺមាន៣ដំណាក់កាល។ ដំណាក់កាលទី១ គឺពិនិត្យលើពាក្យដាក់អាហារូបករណ៍សមស្របតាមលក្ខខណ្ឌអាហារូបករណ៍ទេ? ដំណាក់កាលទី២ បន្ទាប់ពីពិនិត្យឃើញមានបុគ្គលមានសមត្ថភាពសមស្របហើយ គឺនឹងធ្វើការតេស្តសមត្ថភាពជាភាសាអង់គ្លេស (Online English Test)។ ដំណាក់កាលទី៣ លទ្ធផលតេស្ត នឹងត្រូវផ្ញើតាមរយៈអ៊ីម៉ែលទៅកាន់បេក្ខជនផ្ទាល់។
សូមជម្រាបថា ប្រសិនបើបេក្ខជនមានបំណងចង់ដាក់ពាក្យអាហារូបករណ៍ អាចយកឯកសារដាក់នៅការិយាល័យស៊ីមេអូ នាយកដ្ឋានព័ត៌មាន និងកិច្ចការអាស៊ាន ដែលមានទីតាំងនៅសាលាមធ្យមសិក្សាគោរុកោសល្យមត្តេយ្យមជ្ឈឹម មុនថ្ងៃទី ១៦ ខែតុលាឆ្នាំ២០២៣។ ថ្ងៃផុតកំណត់នេះ សម្រាប់វគ្គបណ្តុះបណ្តាល C111 C112 MTESOL C113 និង C419។ សម្រាប់វគ្គបណ្តុះបណ្តាល C103 C423 C325 នឹងផុតកំណត់នៅថ្ងៃទី០៥ ខែកុម្ភៈ ឆ្នាំ២០២៤៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង