ព័ត៌មានអន្ដរជាតិ
ឯកាពេក ស្ត្រីជប៉ុនម្នាក់ហៅទូរស័ព្ទសង្គ្រោះបន្ទាន់ក្លែងក្លាយរហូតដល់ ២,៧៦១ ដង
ប៉ូលិសជប៉ុនកាលពីពេលថ្មីៗនេះបានចាប់ខ្លួនស្រ្តីម្នាក់ឈ្មោះ Hiroko Hatagami បន្ទាប់ពីអ្នកស្រីបានហៅទូរស័ព្ទសង្គ្រោះបន្ទាន់ក្លែងក្លាយច្រើនដងពេក រហូតដល់ទៅ ២,៧៦១ ដង ដោយសារតែឯកាពេក និងចង់ឲ្យមានអ្នកយកចិត្តទុកដាក់មកលើអ្នកស្រី ។
បច្ចុប្បន្នស្ត្រីវ័យ ៥១ ឆ្នាំដែលរស់នៅទីក្រុង Matsudo ក្នុងខេត្ត Chiba របស់ប្រទេសជប៉ុន និងមិនមានការងារធ្វើផងនោះ ត្រូវប៉ូលិសចាប់ខ្លួន ព្រោះសង្ស័យថា អ្នកស្រីបានរារាំងប្រតិបត្តិការរបស់នាយកដ្ឋានពន្លត់អគ្គីភ័យក្នុងតំបន់ ។
ទន្ទឹមនោះ ប៉ូលិសខេត្ត Chiba បាននិយាយថា អ្នកស្រី Hatagami បានហៅទូរស័ព្ទសង្គ្រោះបន្ទាន់ជាច្រើនលើកច្រើនសារ និងចល័តទីតាំងគ្រប់កន្លែងក្នុងសង្កាត់របស់គាត់ ។
ជាមួយគ្នានេះដែរ កាសែត Mainichi បានរាយការណ៍ថា ការហៅទូរស័ព្ទមួយចំនួនរបស់អ្នកស្រី Hatagami ទាក់ទងនឹងបញ្ហាសុខភាពក្លែងក្លាយដូចជា ឈឺក្រពះធ្ងន់ធ្ងរ ការប្រើថ្នាំលើសកម្រិត និងឈឺជើងជាដើម ។ នៅចន្លោះខែសីហា ឆ្នាំ២០២០ និងខែឧសភា ឆ្នាំ២០២៣ គាត់បានហៅទូរស័ព្ទជាច្រើនដងឲ្យនាយកដ្ឋានពន្លត់អគ្គីភ័យទីក្រុង Matsudo បញ្ជូនរថយន្តសង្គ្រោះបន្ទាន់មកយកអ្នកស្រី ប៉ុន្តែបន្ទាប់មកអ្នកស្រីបានបដិសេធមិនទទួលការព្យាបាល ឬមិនទទួលស្គាល់ថាខ្លួនបានហៅទូរស័ព្ទមួយនេះឡើយ ។
លុះចាប់ខ្លួនបានជោគជ័យ ទើបអ្នកស្រី Hatagami សារភាពចំពោះការចោទប្រកាន់នេះ ដោយប្រាប់អ្នកស៊ើបអង្កេតថា អ្នកស្រីធ្វើបែបនេះ ដោយសារតែចង់មានគ្នីគ្នា ព្រោះរាល់ថ្ងៃគាត់ឯកាណាស់ និងចង់ឲ្យមានគេយកចិត្តទុកដាក់ជាមួយខ្លួន ។
មែនទែនទៅ នាយកដ្ឋានពន្លត់អគ្គិភ័យ និងស្ថានីយ៍ប៉ូលិសធ្លាប់ព្រមានអ្នកស្រី Hatagmi ឲ្យបញ្ឈប់ការហៅទូរស័ព្ទជាច្រើនដងរួចមកហើយ ប៉ុន្តែអ្នកស្រីមិនស្ដាប់នោះទេ ដូច្នេះទើបនាយកដ្ឋានទីភ្នាក់ងារសង្គ្រោះបន្ទាន់បានដាក់ពាក្យបណ្ដឹងទៅប៉ូលិសនៅថ្ងៃទី ២០ ខែមិថុនា ដែលនាំទៅដល់ការចាប់ខ្លួនអ្នកស្រីតែម្ដង ៕
ប្រែសម្រួល៖ វារី
ចុចអាន៖ ឯកាពេក ស្ត្រីជប៉ុនម្នាក់ធ្វើការហៅទូរស័ព្ទសង្គ្រោះបន្ទាន់ក្លែងក្លាយ ២៧៦១ ដង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង