កីឡា
Bounphachan ប្តេជ្ញាធ្វើឲ្យបានល្អបំផុតសម្រាប់ព្រះខ័នរាជស្វាយរៀង
កីឡាករជម្រើសជាតិឡាវ Bounphachan Bounkong បានប្តេជ្ញាធ្វើឲ្យល្អបំផុតសម្រាប់ក្លិបព្រះខ័នរាជស្វាយរៀងជាផ្ទះដែលរូបគេទើបតែចូលរួមសម្រាប់រដូវកាល២០២៣-២៤។
បន្ទាប់ពីត្រូវបានបង្ហាញខ្លួនជាផ្លូវការកាលពីថ្ងៃទី១៧ ខកក្កដា អតីតសមាជិកក្លិប Young Elephants បាននិយាយថា ៖«ខ្ញុំសប្បាយចិត្តណាស់ដែលបានចូលរួមក្រុម ហើយក្រុមនេះគឺជាក្រុមដ៏ល្អមួយ មានវិជ្ជាជីវៈខ្ពស់ មានធនធាន និងគោរពគ្នាទៅវិញទៅមក ក្រុមមានថ្នាក់ដឹកនាំដែលល្អ។ ខ្ញុំសង្ឃឹមថា នឹងបានរួមចំណែកជួយក្រុមឲ្យទទួលបានជ័យជម្នះក្នុងការប្រកួត»។
«ចំពោះអ្នកគាំទ្រកម្ពុជា និងឡាវ ខ្ញុំសង្ឃឹមថា នឹងទទួលបានការគាំទ្រពីអ្នក ដើម្បីលើកទឹកចិត្តខ្ញុំ និងក្រុម។ ខ្ញុំប្តេជ្ញាខិតខំឲ្យបានខ្លាំងបំផុតសម្រាប់ក្លិបនេះ ហើយលេងដើម្បីមិត្តរួមក្រុមរបស់ខ្ញុំ និងភាពជោគជ័យរបស់ក្លិប»។ សមាជិកជម្រើសជាតិឡាវបានសង្កត់ធ្ងន់។
ខ្សែបម្រើប្រយុទ្ធ Bounphachan Bounkong បានជួយឲ្យក្លិប Young Elephants ឈ្នះជើងឯកលីគកំពូលឡាវ២រដូវកាលគឺឆ្នាំ២០២២ និង២០២៣ ព្រមទាំងឈ្នះពាន Lao Cup Winner ២លើក។
នៅក្រុមជម្រើសជាតិឡាវវិញ Bounphachan បានជាប់តាំងពីយុវជនអាយុក្រោម១៩ឆ្នាំរហូតដល់ឈុតធំ។ រូបគេបានបង្ហាញខ្លួនយុវជនជម្រើសជាតិអាយុក្រោម១៩ឆ្នាំបាន៦ដងក្នុងនោះស៊ុតបាន៦គ្រាប់។ រូបគេបង្ហាញខ្លួនឲ្យជម្រើសជាតិឡាវអាយុក្រោម២៣ឆ្នាំបាន១០ដង រកបាន៥គ្រាប់ និងបង្ហាញខ្លួនឲ្យឈុតធំ១០ដងរកបាន៤គ្រាប់។
រូបគេបានក្លាយជាកីឡាករឆ្នើមបំផុតប្រចាំព្រឹត្តិការណ៍ AFF U-23 Championship ដែលរៀបចំការប្រកួតនៅប្រទេសកម្ពុជាឆ្នាំ២០២២ បន្ទាប់ពីស៊ុតចូលម៉ាឡេស៊ី២គ្រាប់ ជួយឲ្យ U23 ឡាវ ឡើងវគ្គពាក់កណ្តាលផ្តាច់ព្រ័ត្រ៕
អត្ថបទ៖ វីរបុត្រ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត