ព័ត៌មានជាតិ
ដឹងអ្វីខ្លះពីគម្រោងរ៉េដបូកជួរភ្នំក្រវាញ ជួយកម្ពុជារកចំណូលរាប់លានដុល្លារក្នុងមួយឆ្នាំៗ?
ការបង្កើតគម្រោងរ៉េដបូកជួរភ្នំក្រវាញខាងត្បូង
គម្រោងរ៉េដបូកជួរភ្នំក្រវាញខាងត្បូងមានក្រសួងបរិស្ថានជាម្ចាស់គម្រោង និងអនុវត្តដោយអង្គការសម្ព័ន្ធមិត្តសត្វព្រៃ។ គម្រោងរ៉េដបូកតំបន់ជួរភ្នំក្រវាញខាងត្បូងបានចាប់ផ្តើមអនុវត្តតាំងពីឆ្នាំ ២០១៥ ដែលមានសហគមន៍ចំនួន ២៩ បានចូលរួម។
ការបង្កើតគម្រោងរ៉េដបូក ដើម្បីឆ្លើយតបទៅនឹងការគំរាមកំហែងទៅលើតំបន់ទេសភាពជួរភ្នំក្រវាញខាងត្បូង។ គម្រោងបង្កើតឲ្យមានអត្ថប្រយោជន៍ប្រកបដោយនិរន្តភាពទាំងសម្រាប់សហគមន៍និងជីវចម្រុះ។
កម្ពុជាទាញចំណូលពីការលក់ឥណទានកាបូនពីព្រៃឈើ
ក្នុងចំណោមប្រទេសអាស៊ី ៤៤ ប្រទេស កម្ពុជាជាប្រទេសមួយដែលអាចរកចំណូលពីការលក់ឥណទានកាបូនពីធនធានព្រៃឈើ។
កម្ពុជាទទួលបានចំណូលប្រមាណ ១១ លានដុល្លារ ពីការលក់ឥណទានកាបូនឲ្យទៅក្រុមហ៊ុនអន្តរជាតិធំៗលើពិភពលោកចាប់ពីឆ្នាំ២០១៦។ បច្ចុប្បន្ននៅអាស៊ានមានតែកម្ពុជានិងឥណ្ឌូណេស៊ីប៉ុណ្ណោះ ដែលបានលក់ឥណទានកាបូនក្នុងទីផ្សារកាបូនស្ម័គ្រចិត្ត។ ក្រុមហ៊ុនដែលបានទិញឥណទានកាបូនក្នុងទីផ្សារស្ម័គ្រចិត្ត មានក្រុមហ៊ុន Disney, Shell និងក្រុមហ៊ុន Gucci ជាដើម។
ការអនុវត្តគម្រោងរ៉េដបូកបានផ្តល់ប្រយោជន៍ជាច្រើនសម្រាប់ប្រទេសកម្ពុជា ជាពិសេសការទាញបានចំណូលពីការលក់កាបូនពីក្រុមហ៊ុននៅក្រៅប្រទេស។ ក្រុមហ៊ុនទាំងនោះបានបញ្ចេញឧស្ម័នកាបូនិកបំពុលបរិយាកាស ហើយដើម្បីដោះដូរឲ្យមានតុល្យភាព ក្រុមហ៊ុនទាំងនោះត្រូវរកទីតាំងសមស្របដែលមានព្រៃឈើ ដើម្បីស្រូបឧស្ម័យផ្ទះកញ្ចក់កាត់បន្ថយផលប៉ះពាល់ដល់បរិយាកាសភពផែនដី។
គិតតាំងពីការអនុវត្តគម្រោងរ៉េតបូកជួរភ្នំក្រវាញខាងត្បូង បានជួយការពារនិងរក្សាបានការបំពុលឧស្ម័នបាន ១១០ លានតោនក្នុងរយៈពេល ១០ ឆ្នាំ។
ឲ្យតែមានព្រៃ មិនខ្វះការអភិវឌ្ឍ
គម្រោងរេដបូកបានធ្វើឲ្យកម្ពុជាមានភាពល្បីល្បាញ ដែលបានរួមចំណែកក្នុងការការពារពីការបំពុលបរិស្ថាននិងការប្រែប្រួលអាកាសធាតុ។ ចំណូលពីការលក់ឥណទានកាបូន បានយកទៅប្រើប្រាស់អភិវឌ្ឍដល់សហគមន៍មូលដ្ឋានដូចជាការសាងសង់ហេដ្ឋារចនាសម្ព័ន្ធមានផ្លូវ ស្ពាន អណ្តូងទឹក សាលារៀន មណ្ឌលសុខភាពនៅតាមសហគមន៍។
ឱកាសជីវភាពថ្មីប្រកបដោយនិរន្តភាព ការផ្ដល់ការងារដោយផ្ទាល់ ជម្រើសសកម្មភាពបង្កើតចំណូល និងការផ្តួចផ្តើមបណ្ដុះគំនិតវិនិយោគផ្នែកធុរកិច្ច ចាត់ចែងរៀបចំដើម្បីកាត់បន្ថយសំពាតទៅលើបរិស្ថាន ព្រមពេលដែលសុខុមាលភាពរបស់សហគមន៍ត្រូវបានលើកកំពស់ឲ្យបានខុសប្លែកជាងពេលមុន។
ជាក់ស្តែង «ភូមិសុវណ្ណាបៃតង»ក្លាយជាភូមិគំរូផ្នែកកសិកម្មដំបូងគេនៅតំបន់ជួរភ្នំក្រវាញដែលទទួលបានអត្ថប្រយោជន៍ពីគម្រោងរេដបូក។ គម្រោងរេដបូកបានជួយទ្រទ្រង់រហូតអាចប្រែក្លាយភូមិសុវណ្ណាបៃតងនៅក្នុងស្រុកបុទុមសាគរ ខេត្តកោះកុងក្លាយជាទីតាំងមួយឱ្យពលរដ្ឋជាង ២០០ គ្រួសារ មានលទ្ធភាពផ្គត់ផ្គង់ជីវភាពដោយរបរកសិកម្មមិនចំណាកស្រុក។
ការដំណើរការគម្រោងរ៉េដបូកជួរភ្នំក្រវាញ
គម្រោងរ៉េដបូកតំបន់ជួរភ្នំក្រវាញខាងត្បូង ត្រូវបានផ្តួចផ្តើមរៀបចំឡើងដើម្បីជួយជំរុញឲ្យមានការកាត់បន្ថយនិងការបន្សាំទៅការប្រែប្រួលអាកាសធាតុ អភិរក្សជីវចម្រុះ និងបង្កើតឲ្យមានជម្រើសជីវភាពរស់នៅ ស្របតាមផែនការរបស់អង្គការសហប្រជាជាតិ ក្នុងការកាត់បន្ថយការបញ្ចេញឧស្ម័នផ្ទះកញ្ជក់ ដែលបណ្ដាលមកពីការបាត់បង់ និងរេចរឹលព្រៃឈើ (រ៉េដបូក)។
ផ្ទៃដីទីតំាងគម្រោងរ៉េដបូកតំបន់ជួរភ្នំក្រវាញខាងត្បូងមានទំហំ ៤៤២ ៨៧១ ហិកតាក្នុងនោះមួយផ្នែកស្ថិតនៅក្នុងឧទ្យានជាតិជួរភ្នំក្រវាញខាងត្បូង និងមួយផ្នែកទៀតស្ថិតក្នុងដែនជម្រកសត្វព្រៃតាតៃ ហើយដែលផ្តល់ចំណែកដ៏សំខាន់នៃតំបន់អេកូព្រៃទឹកភ្លៀង ជាទីកន្លែងអភិរក្សជីវចម្រុះដ៏សំខាន់ជាងគេមួយក្នុងចំណោមទីកន្លែងអភិរក្សជីវចម្រុះដឹសំខាន់ៗជាងគេទាំង ២០០ ទីតាំងនៅលើភពផែនដី។
គម្រោងរ៉េដបូកតំបន់ជួរភ្នំក្រវាញខាងត្បូង ស្ថិតនៅចំចំណុចសំខាន់បំផុត នៃឧបទ្វីបឥណ្ឌា-ភូមា ជាទីតំាងសំបូរដោយជីវចម្រុះដ៏សំខាន់មួយក្នុងចំណោមទីតំាងជីវចម្រុះសំខាន់ៗទាំង ៣៤ កន្លែង នៅលើពិភពលោក និងជាទីជម្រាលដ៏ចំាបាច់នៅឈូងសមុទ្រថៃ គ្របដណ្ដប់ដោយគម្របព្រៃឈើប្រភេទផ្សេងៗគ្នា រួមមានទាំងព្រៃស្រោងពណ៌បៃតងជានិច្ច និងព្រៃស្រល់ខ្ពង់រាប រហូតដល់គម្របព្រៃតំបន់ទំនាប មានព្រៃស្មាច់តំបន់ដីសើម វាលស្មៅលិចទឹក បឹង និងព្រៃកោងកាងមាត់សមុទ្រ។
គម្របព្រៃចម្រុះប្រភេទនេះគឺជាជម្រកសត្វដែលមានចំនួនយ៉ាងហោចណាស់ ៥៦ ប្រភេទ យោងតាមបញ្ជីថនិកសត្វបក្សី និង សត្វល្មូនដែលកំពុងរងគ្រោះជាសកលរបស់អង្គការ អាយ-យូ-ស៊ី-អ៊ិន ដែលក្នុងនោះ រួមមាន ក្រពើភ្នំ និងក្រុមសត្វដំរីអាស៊ី។ តំបន់ទេសភាពនេះ ត្រូវបានរាជរដ្ឋាភិបាលកម្ពុជាចាត់ទុកជាឱកាសនៃការដោះលែងសត្វខ្លាឲ្យទៅរស់នៅក្នុងព្រៃធម្មជាតិវិញផងដែរ។
ទីជម្រាលប្រភពទឹកតំបន់ជួរភ្នំក្រវាញខាងត្បូងមានសារៈសំខាន់សម្រាប់មច្ឆាជាតិនៅឈូងសមុទ្រថៃ ដោយសារទីជម្រាលនេះបានផ្តល់ទឹកសាបដល់ប្រភេទព្រៃកោងកាងជាប់ៗគ្នាមានទំហំធំជាងគេ ដែលនៅសេសសល់នៅឈូងសមុទ្រនេះនោះគឺដែនជម្រកសត្វព្រៃពាមក្រសោប ដែលជាជម្រកសម្រាប់មច្ឆាជាតិបង្កកំណើតដំសំខាន់នៅក្នុងតំបន់។ តំបន់នេះផ្តល់ចំណីអាហារដល់ប្រទេសថៃកម្ពុជានិងវៀតណាមនិងបំពេញតួនាទីនិយ័តកម្មអាកាសធាតុនៅឧបទ្វីបអាស៊ីអគ្នេយ៍។
គម្រោងរេដបូកតំបន់ជួរភ្នំក្រវាញខាងត្បូងមានផ្លូវទឹកធំៗចំនួន ២២ ភូមិចំនួន ៣៤០០ និងខេត្តចំនួន ៦។ គម្រោងនេះផ្តល់ការគាំទ្រដល់ការលើកកំពស់ជីវភាពរស់នៅរបស់ប្រជាពលរដ្ឋចំនួន ២១ ភូមិ ស្ថិតក្នុង ៩ ឃុំ នៅតាមបរិវេណនិងជុំវិញទីតំាងគម្រោង។
លើសពីនេះទៅទៀត សហគមន៍នៃភូមិចំនួន ៩ ក្នុងឃុំចំនួន ៤ អាចនឹងទទួលអាហារូបករណ៍សម្រាប់ការអប់រំ។ សហគមន៍ទាំងនេះមានចំនួនគ្រួសារប្រជាពលរដ្ឋសរុបរួម ៣៩៥៧ គ្រួសារ។
បញ្ហាប្រឈម
ទោះបីជាព្រៃឈើមានសារៈសំខាន់ដ៏ធំធេងបែបនេះក្តី តែការប្រែក្លាយដីព្រៃឈើជាទ្រង់ទ្រាយតូចៗឲ្យទៅជាដីកសិកម្មដែលគ្មានការត្រួតពិនិត្យគ្រប់គ្រងធ្វើឡើងដោយជនចំណូលថ្មី និងការប្រែក្លាយដីព្រៃឈើឲ្យទៅជាចម្ការកសិ-ឧស្សាហកម្ម ដោយវិស័យឯកជនបានធ្វើឲ្យតំបន់ជួរភ្នំក្រវាញខាងត្បូង ស្ថិតក្នុងចំណោមតំបន់ទេសភាពព្រៃឈើដែលកំពុងទទួលរងការគំរាមកំហែងខ្លាំងជាងគេនៅកម្ពុជា។
សហគមន៍ប្រជាពលរដ្ឋនៅតាមទីជនបទ រស់នៅអាស្រ័យទៅលើការផលិតផលកសិកម្មខ្នាតតូច ដើម្បីទ្រទ្រង់ជីវភាពរស់នៅរបស់ខ្លួន។ កង្វះឱកាសការងារសម្រាប់ប្រជាពលរដ្ឋដែលកំពុងតែ មានចំនួនកើនឡើង រួមផ្សំកង្វះចំណេះដឹងក្នុងការកែលំអរបច្ចេកទេសធ្វើកសិកម្ម បានធ្វើឲ្យប្រជាពលរដ្ឋមូលដ្ឋានកាប់ឆ្ការព្រៃដើម្បីដាំដំណាំពាណិជ្ជកម្ម។
ដើមហេតុចំបងដែលនាំឲ្យមានការកាប់បំផ្លាញព្រៃឈើ គឺដោយសារតែមានតម្រូវការដីច្រើនសម្រាប់ធ្វើកសិកម្មនិងដាំដំណាំពាណិជ្ជកម្ម នៅក្នុងទីតាំងគម្រោងរេដបូកតំបន់ជូរភ្នំក្រវាញខាងត្បូង និងក្នុងខេត្តកោះកុងទាំងមូល។ ចំនួនមនុស្សនៅក្នុងខេត្ត និងនៅក្នុងតំបន់បានកើនឡើងយ៉ាងច្រើនគួរឲ្យកត់សម្គាល់ ក្នុងរយៈមួយទសវត្សចុងក្រោយនេះ។
កំណើនចំនួនមនុស្សគឺបណ្តាលមកពីជនចំណូលថ្មីនិងអត្រាកំណើតរបស់កុមារនៅក្នុងភូមិដែលនៅជុំវិញ។ បច្ចុប្បន្ននេះ ចំណេះដឹងមូលដ្ឋាននៅមានកម្រិតទាបដោយសារតែតម្រូវការ ពលកម្មកុមារ ដើម្បីជួយការងារដាំដុះក្នុងគ្រួសារ នៅពេលថ្ងៃ ដែលបង្កើតឲ្យមានវដ្តនៃភាពក្រីក្រព្រមទាំងបង្កឲ្យមានការកាប់បំផ្លាញព្រៃឈើផងដែរ។ ដើមហេតុផ្សេងទៀតដែលនាំឲ្យមាន ការកាប់បំផ្លាញព្រៃឈើផងដែរនោះរួមមាន ការកាប់ឈើខុសច្បាប់ដែលទាក់ទាញមនុស្សឲ្យចូលមកកាន់តំបន់នេះកាន់តែច្រើន និងការផលិតធ្យូង។ សកម្មភាពទាំងនេះត្រូវបាន ប្រព្រឹត្តិឡើងជាពិសេសដោយសហគមន៍មូលដ្ឋាន ដើម្បីបានប្រភពចំណូលបន្ថែម។
កិច្ចការអនុវត្តបន្ត
ការការពារគម្រោងរេដបូកតំបន់ជួរភ្នំក្រវាញខាងត្បូង អាចសម្រេចទៅបានដរាបណានៅមានការបន្តការល្បាតពេញលេញក៏ដូចជាការផ្តល់នូវសកម្មភាពគម្រោងបន្ថែមដលសហគមន៍ បំណងកាត់បន្ថយដើមហេតុនៃការបាត់បង់ព្រៃឈើ។ ក្នុងនេះមានសកម្មភាពគម្រោងចម្បងចំនួនពីរគឺការធ្វើកសិកម្មពេញលេញ និងអេកូទេសចរណ៍សហគមន៍។ សកម្មភាពនេះនឹងជួយឲ្យមានភាពប្រសើរឡើងនូវសុវត្ថិភាពផ្នែកហិរញ្ញវត្ថុរបសហគមន៍ និងថយចុះនូវការដកហូតធនធានមកប្រើប្រាស់ដោយគ្មាននិរន្តភាពនៅក្នុងតំបន់គម្រោង៕
សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន
Breaking News! ប្រធានាធិបតី វៀតណាម ប្រកាសលាលែងពីតំណែង
នេន ទុំ ប្រកាសផលិតចម្រៀងបន្សល់ទុកស្នាដៃចុងក្រោយដល់វីរ:សិល្បករអាយ៉ៃលោក ព្រហ្ម ម៉ាញ
ប្រជាជននៅ ឥណ្ឌូណេស៊ី-ម៉ាឡេស៊ី ពហិការមិនចូលហាង McDonald’s និង Starbucks
លោកស្រី ឱ វណ្ណឌីន ជំរុញឱ្យគ្រប់មណ្ឌលសុខភាពត្រូវយកចិត្តទុកដាក់ខ្ពស់ក្នុងការព្យាបាល និងថែទាំអ្នកជំងឺ
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង