ព័ត៌មានអន្ដរជាតិ
ស្ត្រីអាមេរិកម្នាក់ត្រូវគោព្រៃជល់បាក់ឆ្អឹងខ្នង ៧ កង់ អំឡុងពេលមិត្តប្រុសសុំរៀបការ
ស្ត្រីម្នាក់រស់នៅទីក្រុង Phoenix រដ្ឋ Arizona នៃសហរដ្ឋអាមេរិក ត្រូវបញ្ជូនទៅមន្ទីរពេទ្យភ្លាមៗ បន្ទាប់ពីត្រូវគោជល់ អំឡុងពេលមិត្តប្រុសរបស់នាងកំពុងសុំរៀបការ ។
អ្នកស្រី Amber Harris វ័យ ៤៧ ឆ្នាំបានទៅលេងឧទ្យានជាតិ Yellowstone ជាមួយកូនស្រី Rylee Eckblad និងមិត្តប្រុសរបស់នាងឈ្មោះ Chris Whitehill ហើយនៅពេល Amber ភ្លេចខ្លួន, លោក Chris បានរៀបចំគម្រោងសុំអ្នកស្រីរៀបការ ប៉ុន្តែគ្រប់យ៉ាងមិនដំណើរការដោយរលូននោះទេ ពោលផែនការទាំងស្រុងត្រូវបានបំផ្លាញ ពេលពួកគេកំពុងដើរសំដៅទៅបឹង Yellowstone ស្រាប់តែមានគោព្រៃ ២ ក្បាលដើរមកដែរ ។
អ្នកស្រី Harris រៀបរាប់លើ Facebook ថា “គ្រានោះមានមនុស្សពីរបីនាក់ និងសត្វប្រើសប្រហែល ២០ ក្បាលកំពុងដើរជុំវិញនោះ ដូច្នេះយើងរង់ចាំឲ្យពួកវាទៅអស់សិន ប៉ុន្តែនៅតាមផ្លូវយើងនៅប្រទះឃើញមានគោព្រៃ ២ ក្បាលទៀត ដោយ ១ ក្បាលនៅលើផ្លូវយើងកំពុងដើរ និងមួយទៀតនៅលើទិសដៅផ្ទុយពីយើង” ។
អ្នកស្រី Harris បន្តទៀតថា “មានសត្វគោព្រៃមួយក្បាលនៅចម្ងាយប្រហែល ៤៥ ម៉ែត្រ កំពុងឱនក្បាលចុះ ហើយធាក់ដីមុនបោលមកជល់ខ្ញុំ ។ គោព្រៃនោះបានជល់ចំទ្រូង និងពោះធ្វើឲ្យខ្ញុំបាក់ឆ្អឹងខ្នងចំនួន ៧ កង់ ប៉ះពាល់សួត និងជាំពេញខ្លួនតែម្ដង” ។
យោងតាមទីភ្នាក់ងារឧទ្យានសត្វព្រៃនៅ Yellowstone បានឲ្យដឹងថា “គោព្រៃអាចបង្កគ្រោះថ្នាក់នៅពេលចូលទៅជិតវា ក្នុងអំឡុងពេលរដូវកាលបន្តពូជ ចាប់ពីពាក់កណ្តាលខែកក្កដា ដល់ពាក់កណ្តាលខែសីហា ។ គោព្រៃជាសត្វពិបាកស្ទាបស្ទង់ចិត្តវាណាស់ និងមានសមត្ថភាពរត់លឿនជាងមនុស្សដល់ទៅ ៣ ដងឯណោះ” ។
ប៉ុន្តែទោះជាយ៉ាងណា នៅយប់ដែល Harris សម្រាកនៅពេទ្យ, Chris បានសុំនាងរៀបការម្ដងទៀតដោយជោគជ័យ និងគ្មានឧបសគ្គអ្វីឡើយ ៕
ប្រែសម្រួល៖ វារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង