កីឡា

World Cup នារី៖ ហ្វីលីពីនទទួលបាន៣ពិន្ទុដ៏សំខាន់ពីការឈ្នះ នូវែលសេឡង់

បានផុស

៨ ខែ មុន

នៅ

ថ្ងៃអង្គារ ២៥ កក្កដា ២០២៣

ដោយ

ក្រុមបាល់ទាត់នារីជម្រើសជាតិហ្វីលីពីន ទទួលបាន៣ពិន្ទុដ៏សំខាន់ បន្ទាប់ពីបានយកឈ្នះលើក្រុមម្ចាស់ផ្ទះ នូវែលសេឡង់ ដោយលទ្ធផល ១-០ សម្រាប់ការប្រកួតវគ្គសន្សំពិន្ទុពូល A ក្នុងពានរង្វាន់បាល់ទាត់នារីពិភពលោក។

គ្រាប់បាល់ជ័យជម្នះតែ១គ្រាប់គត់របស់ហ្វីលីពីន កើតឡើងនៅនាទី២៤ ក្នុងវគ្គទី១ដោយកីឡាការិនី S. Bolden តែតមួយក្បាលពេញទំហឹង ទោះបះដៃអ្នកចាំទីរបស់ នូវែលសេឡង់ ក៏បាល់នៅតែចូលទីបានសម្រេច។ ចំពោះក្រុមម្ចាស់ផ្ទះនូវែលសេឡង់ស៊ុតចូលទីហ្វីលីពីននៅនាទី៦៨ ក្នុងវគ្គទី២ ប៉ុន្តែគ្រាប់បាល់ក្រៅល្បែង ដូច្នេះចប់ការប្រកួតហ្វីលីពីនទទួលបានជ័យជម្នះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការប្រកួតលើកទី២ដូចគ្នាសម្រាប់ក្រុមទាំងពីរ និងទទួលបាន៣ពិន្ទុដូចគ្នា។ ប្រកួតលើកទី១ នូវែលសេឡង់ បានយកឈ្នះ ន័រវែស ដោយលទ្ធផល ១-០ ខណៈហ្វីលីពីនបានចាញ់ស្វីសដោយលទ្ធផល ២-០។

សម្រាប់ជ័យជម្នះនេះជាកំណត់ត្រាថ្មីមួយទៀតសម្រាប់ក្រុមនារីហ្វីលីពីន បន្ទាប់ពីបានបង្កើតប្រវត្តិសាស្ត្រលើកដំបូងក្នុងការទទួលបានកៅអីទៅជុំផ្តាច់ព្រ័ត្រ។ ជាពិសេសទៀតនោះក៏ជាក្តីសង្ឃឹមសម្រាប់ហ្វីលីពីនក្នុងការឆ្លងផុតវគ្គសន្សំពិន្ទុក្នុងពូល៕