ព័ត៌មានអន្ដរជាតិ
អ្នកនាំពាក្យក្រសួងការបរទេស ចិន និយាយយ៉ាងខ្លីរឿងលោក Qin Gang ដែលត្រូវដកតំណែង
ប្រធានាធិបតីចិនលោក Xi Jinping កាលពីថ្ងៃអង្គារបានចុះហត្ថលេខាលើសេចក្ដីសម្រេចតែងតាំងលោក Wang Yi ជារដ្ឋមន្ត្រីការបរទេសថ្មីជំនួសលោក Qin Gang បន្ទាប់ពីរដ្ឋមន្ត្រីការបរទេសចាស់រូបនេះបានអវត្តមានដ៏អាថ៌កំបាំងអស់រយៈពេល ១ ខែកន្លងមក ។
ពាក់ព័ន្ធនឹងបញ្ហានេះដែរ អ្នកយកព័ត៌មានបានចាក់សួរលោកស្រី Mao Ning អ្នកនាំពាក្យក្រសួងការបរទេស ម្តងហើយម្តងទៀតថាមានអ្វីកើតឡើងចំពោះលោក Qin Gang ដែលរហូតមកដល់ពេលនេះ លោកនៅតែមិនទាន់ត្រូវបានគេឃើញជាសាធារណៈនៅឡើយ ខណៈមន្ត្រីជាច្រើនរូបក៏បានបដិសេធមិនផ្តល់ចម្លើយជាក់លាក់ណាមួយផងដែរ ។
មិនបង្អង់យូរ អ្នកនាំពាក្យក្រសួងការបរទេសចិន លោកស្រី Mao Ning បាននិយាយយ៉ាងខ្លីថា “យើងមិនមានព័ត៌មានលម្អិតដើម្បីផ្តល់ឲ្យនោះទេ ដោយសារតែទីភ្នាក់ងារព័ត៌មាន Xinhua បានរាយការណ៍អំពីបញ្ហានេះរួចហើយ” ។
ទោះយ៉ាងណា ក្រសួងការបរទេសចិនធ្លាប់បានលើកឡើងកាលពីពេលកន្លងមកហើយថា លោក Qin Gang មិនអាចបន្តបំពេញភារកិច្ចជារដ្ឋមន្ត្រីការបរទេសបានទៀតនោះទេ ដោយសារតែ “បញ្ហាសុខភាព” ។
ស្របពេលជាមួយគ្នានេះ អ្នកប្រើប្រាស់បណ្ដាញសង្គមចិនជាច្រើនក៏មានការភ្ញាក់ផ្អើលយ៉ាងខ្លាំងផងដែរចំពោះព័ត៌មានដែលលោក Qin Gang បាត់មុខពីក្រសែភ្នែកមហាជន ក៏ដូចជាការតែងតាំងតំណែងរដ្ឋមន្ត្រីការបរទេសជំនួសលោក ខណៈអ្នកលេងបណ្ដាញសង្គមទាំងនោះបានដាក់មូលហេតុចំនួន ២ លើបញ្ហានេះ គឺដោយសារតែសុខភាព និងរឿងអាស្រូវផ្ទាល់ខ្លួន ។
គួរបញ្ជាក់ថា លោក Qin Gang ធ្លាប់កាន់តំណែងជាអ្នកនាំពាក្យក្រសួងការបរទេស និងជាឯកអគ្គរដ្ឋទូតរបស់ចិនប្រចាំនៅសហរដ្ឋអាមេរិក ។ បន្ទាប់មកលោកត្រូវបានតែងតាំងជារដ្ឋមន្ត្រីការបរទេសនៅខែធ្នូ ឆ្នាំ២០២២ ខណៈ ៣ ខែក្រោយមក អតីតរដ្ឋមន្ត្រីការបរទេសរូបនេះក៏បានក្លាយជាទីប្រឹក្សារដ្ឋ ដែលមានឋានៈស្មើឧបនាយករដ្ឋមន្ត្រី ហើយលោកក៏ជាមន្ត្រីមួយរូបដែលលោក Xi Jinping ទុកចិត្តខ្លាំងបំផុតផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ លោក Wang Yi ចូលមកកាន់តំណែងចាស់វិញជា រដ្ឋមន្ត្រីការបរទេស ចិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង