ព័ត៍មានទាន់​ហេតុការណ៏
Search

ក្រសួង​ជំនាញ​យក​ខេត្តបាត់ដំបង ​ជា​មជ្ឍមណ្ឌល​រួម ​លើ​ការប្រមូល​ផល​ដំឡូង​មី​ពី​កសិករ ឆ្ពោះទៅកាន់​ទីផ្សារ​ប្រទេស​ចិន​

បាត់ដំបង ៖ ក្រសួងពាណិជ្ជកម្ម​សម្រេច​ជ្រើស​រើសយក​ស្រុក​ភ្នំព្រឹក​ ក្នុង​ខេត្តបាត់ដំបង​ ជា​មជ្ឍមណ្ឌល​រួម​ លើ​ការប្រមូលទិញ​ដំឡូង​មី​ ផ្គត់ផ្គង់​ត្រង់​ទៅកាន់​ទីផ្សារ​ប្រទេស​ចិន​ ដើម្បី​ដោះស្រាយ​វិបត្តិ​ទីផ្សារ ​ដែល​ធ្លាក់​ទាប​តាម​មាត់​ឈ្មួញ​ ជា​កត្តា​ធ្វើ​ឲ្យ​ប្រជាកសិករ​ខាតចុងខាតដើម​។​

យោងតាម​ការដកស្រង់​របាយការណ៍​នៃ​ទិវា​ដំឡូង​មី ​ក្រោម​ប្រធានបទ​ជំរុញ​ការលើកកម្ពស់ផលិតផល​ដំឡូង​មី​កម្ពុជា​ បានឲ្យ​​ដឹង​​ថា ​ក្រសួងពាណិជ្ជកម្ម​ និង​ក្រសួងកសិកម្ម​រុក្ខាប្រមាញ់ ​និង​នេសាទ​ បាន​ជំរុញ ​និង​ការលើកទឹកចិត្ត​ឲ្យ​កសិករ​ដាំដំឡូង​មី​ ខិតខំ​ប្រឹងប្រែង​ពង្រីក​បន្ត​ក្នុង​ការដាំដុះ​ ឲ្យ​កាន់តែ​ខ្លាំងក្លា​ថែមទៀត។ ជាពិសេស​ សម្រាប់​កសិករ​ក្នុង​ខេត្តបន្ទាយមានជ័យ​,​ ប៉ៃលិន​ និង​បណ្តា​ស្រុក​នានា​ក្នុង​ខេត្តបាត់ដំបង ​ដែលមាន​សក្តានុពល​ខាង​ផលិត​ដំឡូង​មី​ ជា​មធ្យម​ក្នុង​មួយឆ្នាំ​បាន​ជាង ​១​សែន​ហិកតា ​ដំណាំ​ពោត​ជាង ​៦​ម៉ឺន​ហិកតា​ និង​ដំណាំ​រួមផ្សំ​ផ្សេងៗ​ជាង ​២​សែន​ហិកតា​ទៀត​។

​ការបង្កើតឡើង​នូវ​គោលនយោបាយ​ ស្របតាម​យុត្តិសាស្ត្រ​ចតុកោណ​ដំណាក់កាល​ទី​៣ ​របស់​រាជរដ្ឋាភិបាល​កម្ពុជា​នេះ​ ដោយសារ​ក្រសួង​ពាក់​ព័​ន្ធទាំង​ ២​ខាងលើនេះ ​មើលឃើញ​ការដាំដុះ​ដំឡូង​មី​ ពោត​ ដំណាំ​សណ្តែក​ជាដើម​ មាន​សន្ទុះ​ខ្លាំងក្លា​ ប៉ុន្តែ​នៅពេលដែល​ប្រមូល​ផល​ កសិករ​ប្រឈម​ខ្លាំង​ជាមួយ​តម្លៃ​ក្នុង​ទីផ្សារ​ រហូត​ជំពាក់​បំណុល​ ធនាគា​ក្រុមហ៊ុន​ផងដែរ​។​

លោក​ ច័​ន្ទ ​សុផល​ អភិបាល​ខេត្តបាត់ដំបង​ បាន​បញ្ជាក់ថា ​លទ្ធផល​ដែល​សម្រេចបាន​នេះ ​ក្រសួងពាណិជ្ជកម្ម​បានប្រគល់​សិទ្ធិឲ្យដៃ​គូរ​ក្រុមហ៊ុន​ GOODWAYAGRI​ ក្នុង​ការប្រមូលទិញ​ក​សិ​ផល​ពី​កសិករ​ ដូចជា​ស្រូវ​,​ ដំឡូង​មី​,​ ពោត​,​ សណ្តែក​ជាដើម​ សម្រាប់​បម្រើ​ការនាំ​ចេញទៅ​ក្រៅប្រទេស​។

​លើសពីនេះ​ទៀត​នោះ បាន​ផ្តល់ឱកាស​ដល់​ប្រជាពលរដ្ឋ​ផ្ទាល់​នៅតាម​តំបន់​ព្រំដែន​ រួមទាំង​សហគមន៍​ដំឡូង​មី​ទាំងមូល​ បាន​ផ្លាស់ប្តូរ​បច្ចេកទេស​ ការ​ដាំ​ដុះ​ជាមួយ​ក្រុមហ៊ុន​ កាត់បន្ថយ​ការចំណាយ​ដើមទុន​ច្រើន​ សំដៅ​លើកកម្ពស់​គុណភាព​ដំណាំ ​ឲ្យបាន​ត្រឹម​ត្រូវមាន​ស្តង់ដា​ រួមចំណែក​ជាមួយ​រាជរដ្ឋាភិបាល​ក្នុងការ​អភិវឌ្ឍ​​លើ​វិស័យសេដ្ឋកិច្ច​សង្គម​ បាន​ឆ្ពោះទៅរក​ការកែលំអរ​ជីវភាព​របស់​ប្រជាពលរដ្ឋ​ឲ្យ​បាន​សមរម្យ​ ដើម្បី​កាត់បន្ថយ​នៅ​ភាពក្រីក្រ​របស់​ប្រជាពលរដ្ឋ​៕​



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 012 454 575 និង 012 499 114