ព័ត៌មានជាតិ
លោក លី សូវ៉ាន់ ជំរុញនិស្សិតឲ្យចូលរួមប្រកួតប្រជែងភាពច្នៃប្រឌិត ដើម្បីលើកកម្ពស់ការយល់ដឹង AMR នៅកម្ពុជា
លោក លី សូវ៉ាន់ ទីប្រឹក្សាក្រសួងសុខាភិបាល ប្រធាននាយកដ្ឋានប្រយុទ្ធនឹងជំងឺឆ្លង និងជាប្រធានក្រុមការងារបច្ចេកទេស AMR នៃក្រសួងសុខាភិបាល បានជំរុញទឹកចិត្តនិស្សិតសាកលវិទ្យាល័យឱ្យចូលរួមក្នុងកម្មវិធីប្រកួតប្រជែងគំនិតច្នៃប្រឌិតរបស់យុវជន(ថ្ងៃទី០២ ដល់ថ្ងៃទី០៤ ខែសីហា) ដើម្បីលើកកម្ពស់ការយល់ដឹងអំពី AMR នៅកម្ពុជា។
ការប្រកួតប្រជែងនេះ មានគោលបំណងលើកកម្ពស់ការអភិវឌ្ឍនៃយុទ្ធនាការទំនាក់ទំនងប្រកបដោយភាពច្នៃប្រឌិតដែលអាចមានឥទ្ធិពលលើប្រជាជនកម្ពុជាក្នុងការកំណត់អាទិភាពសកម្មភាព ដើម្បីបញ្ឈប់ និងទប់ស្កាត់ AMR ។ ទន្ទឹមនឹងនោះ គំនិតក្នុងក្រុមដែលឈ្នះក្នុងកម្មវិធី និងឃើញដំណោះស្រាយ ត្រូវបានអនុវត្ត និងផ្សព្វផ្សាយក្នុងអំឡុងពេលសប្តាហ៍ការយល់ដឹងអំពី AMR ពិភពលោកនៅក្នុងខែវិច្ឆិកា ឆ្នាំនេះ។ នេះបើតាមការឲ្យដឹងរបស់ នាយកដ្ឋានប្រយុទ្ធជំងឺឆ្លង (CDC) នៅថ្ងៃទី០៣ ខែសីហា ឆ្នាំ២០២៣។
ភាពស៊ាំនឹងឱសថប្រឆាំងមេរោគ (AMR) គឺជាការគំរាមកំហែងជាសកលចំពោះសុខភាពសាធារណៈ ដោយការឆ្លងមេរោគបាក់តេរីកាន់តែពិបាកព្យាបាល និងមានតម្លៃខ្ពស់ ។ ក្នុងឆ្នាំ ២០១៩ ការស្លាប់ដោយការឆ្លងបាក់តេរីមានចំនួន ៧ លាននាក់នៅទូទាំងពិភពលោក ដែលធ្វើឱ្យវាក្លាយជាមូលហេតុទីពីរនៃការស្លាប់ទូទាំងពិភពលោក។ អាស្រ័យហេតុនេះ បានជាក្រសួងសុខាភិបាល ក្រសួងបរិស្ថាន និងក្រសួងកសិកម្ម រុក្ខាប្រមាញ់ និងនេសាទ សហការជាមួយអង្គការសុខភាពពិភពលោក (WHO) បានដាក់ឱ្យដំណើរការកម្មវិធីប្រកួតប្រជែងគំនិតច្នៃប្រឌិតរបស់យុវជនជាលើកដំបូងនៅកម្ពុជា។
សូមបញ្ជាក់ថា ភាពសុំានឹងឱសថប្រឆាំងមេរោគ ឬ AMR បង្កឡើងដោយសារលទ្ធភាពរបស់អតិសុខុមកាយវិវត្ដទៅជាស៊ាំទៅនឹងឱសថសង្រ្គោះជីវិតជាច្រើនប្រភេទដែលប្រើសម្រាប់ប្រឆាំងនឹងជំងឺឆ្លង ធ្វើឲ្យឱសថទាំងនោះបាត់បង់ប្រសិទ្ធិភាពក្នុងការបង្ការ និងព្យាបាលរោគដែលបង្កឡើងដោយបាក់តេរី វីរុស បារ៉ាស៊ីត និងផ្សិតទាំងនោះ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ