ជីវិតកម្សាន្ដ
ក្រោយបាត់បង់ម្តាយ សុវត្ថិ ឌីធារិកា ថាអារម្មណ៍នាងស្ទើរភ្លេចការងារមួយចំនួន
គិតមកដល់ពេលនេះ អ្នកម្ដាយនិងលោកឪពុកជាទីស្រលាញ់របស់តារាចម្រៀងស្រីវ័យក្មេង កញ្ញា សុវត្ថិ ឌីធារិកា បានចែកឋានទៅចោលនាងជាង ១ ឆ្នាំមកហើយ។ យ៉ាងណាមិញ គ្រប់ពេលគេតែងសង្កេតឃើញនាងបង្ហាញការនឹករលឹកជាខ្លាំងដល់ពួកគាត់ទាំង ២ នាក់រហូតមក។
មហាជនអាចនៅចាំបានហើយថា អ្នកមានគុណទាំង ២ រូប របស់ សុវត្ថិ ឌីធារិកា បានជួបនូវរឿងរ៉ាវដ៏សោកសៅជាទីបំផុតក្រោយពេលដែលលោកឪពុក នឹង អ្នកម្ដាយ ជាទីស្រលាញ់ត្រូវបាត់បង់ជីវិតដោយមួយប៉ប្រិចភ្នែកព្រមគ្នាក្នុងហេតុការណ៍ក្រឡាប់រថយន្តនៅស្រុកឆែប ខេត្តព្រះវិហារ។ ការចាកចេញទៅរបស់អ្នកមានគុណក្នុងពេលតែមួយនេះដែរ គឺជារឿងពិបាកនឹងទទួលយកខ្លាំងបំផុតសម្រាប់ សុវត្ថិ ឌីធារិកា ។
ថ្វីត្បិតលោកឪពុក-អ្នកម្តាយ របស់នាង បានចែកឋានទៅជាង ១ឆ្នាំ មកហើយក្តី តែសម្រាប់តារាស្រី សុវត្ថិ ឌីធារិកា នៅតែបង្ហាញការឈឺចាប់ នឹងបង្ហោះខ្លឹមសារត្អូញត្អែរនឹកដល់លោកមានគុណ ទាំងពីរ ដោយមិនទាន់បានរំសាយចិត្ត ឬបំភ្លេចបានទេ។ ដោយសារហេតុផលនេះ ទើប សុវត្ថិ ឌីធារិកា បានបញ្ជាក់ មុននេះថា អារម្មណ៍នាងពេលខ្លះស្ទើរ ភ្លេចការងារមួយ ចំនួនដែលត្រូវទៅបំពេញបន្ទាប់ពីម្ដាយលាចាកលោកទៅ។
តារាចម្រៀងកញ្ញា សុវត្ថិ ឌីធារិកា បានថ្លែងឲ្យដឹងដូច្នេះថា “កាលពីមុននាងមានអ្នកម៉ាក់គ្រាន់សួរ រំលឹកថា ស្អែកមានច្រៀង ឬថតអី្វអត់ទេកូន …? ប៉ុន្តែពេល នេះ ថ្ងៃនេះ សឹងតែភ្លេចថាមានកម្មវិធីថតឲ្យគេទៅ ហើយ”។
តាមរយៈការលើកឡើងនេះក៏មានអ្នកគាំទ្រ និងមិត្តភក្តិមួយចំនួនធំបានផ្ញើ សារលើកទឹកចិត្តដល់ សុវត្ថិ ឌីធារិកា គ្រប់គ្នា។
សូមជម្រាបដែរថាកាលពីថ្ងៃទី១៧ ខែឧសភា ឆ្នាំ២០២២ តារាចម្រៀង ស្រី សុវត្ថិ ឌីធារិកា មានទុក្ខជាទម្ងន់ដោយសារតែលោក ឪពុក នឹងអ្នកម្ដាយជាទីស្រលាញ់ត្រូវបាត់បង់ជីវិតព្រមគ្នាក្នុងហេតុការណ៍គ្រោះថ្នាក់ចរាចរណ៍នៅស្រុកឆែប ខេត្តព្រះវិហារ។ ដំណឹងនេះបានធ្វើឲ្យអ្នកគាំទ្រ និងមិត្ត ភក្តិរួមអាជីពសិល្បៈជាច្រើនបង្ហាញការចូលរួមរំលែកទុក្ខ និងរន្ធត់ចិត្តខ្លាំងនូវការ បាត់បង់ដ៏ធំធេង គឺឪពុក និងអ្នកម្តាយ សុវត្ថិ ឌីធារិកា ដោយគ្មានថ្ងៃវិលត្រឡប់៕
អត្ថបទ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ