ព័ត៌មានជាតិ
ក្រសួងពាណិជ្ជកម្ម ៖ ប្រេងសាំងធ្លាក់ចុះតម្លៃបន្តិច ខណៈម៉ាស៊ូតបន្តឡើងថ្លៃ
ប្រេងសាំងបានធ្លាក់ចុះតម្លៃ ៥០រៀល មកត្រឹម ៤៦០០រៀល ក្នុងមួយលីត្រ ខណៈប្រេងម៉ាស៊ូតឡើងថ្លៃ ៥០រៀល ស្មើនឹង ៤៧៥០រៀល ដោយតម្លៃនេះ ចាប់អនុវត្តពីថ្ងៃទី ០១-១០ កញ្ញា ឆ្នាំ ២០២៣។ នេះបើតាមការប្រកាសរបស់ក្រសួងពាណិជ្ជកម្ពុជា។
ប្រេងសាំងកម្ពុជា ធ្លាក់ចុះថ្លៃនេះ ស្របពេលដែលតម្លៃប្រេងសាំងពិភពលោកបានធ្លាក់ចុះទាបបន្តិចដែរ កាលពីថ្ងៃពុធ សប្តាហ៍នេះ។ តម្លៃប្រេងឆៅអន្តរជាតិម៉ាក Brent បានជួញដូរនៅតម្លៃ ៨៣.៧៣ ដុល្លារក្នុងមួយបារ៉ែល ពោលធ្លាក់ចុះ ០.១៧ ភាគរយ បន្ទាប់ពីប៉ុន្មានថ្ងៃមុនដាក់លក់ក្នុងតម្លៃ ៨៣.៨៧ ដុល្លារក្នុងមួយបារ៉ែល ។
ចំណែកតម្លៃប្រេងរបស់ក្រុមហ៊ុនអាមេរិក West Texas Intermediate (WTI) ក្នុងរយៈពេលដូចគ្នានេះក៏ធ្លាក់ថ្លៃផងដែរ ពោលលក់ក្នុងតម្លៃ ៧៩.៩៥ ដុល្លារក្នុងមួយបារ៉ែល ធ្លាក់ចុះ ០.១៨ ភាគរយ ក្រោយលក់ក្នុងតម្លៃ ៨០.១០ ដុល្លារក្នុងមួយបារ៉ែល ។
អ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ ធ្លាប់បានប្រាប់កម្ពុជាថ្មីថា តម្លៃប្រេងឥន្ធនៈនៅកម្ពុជា ឡើងឬធ្លាក់ចុះថ្លៃ គឺអាស្រ័យលើតម្លៃប្រេងនៅលើទីផ្សារអន្តរជាតិ ព្រោះកម្ពុជា នាំចូលប្រេងពីបរទេស។
បច្ចុប្បន្ននេះប្រេងឥន្ធនៈដែលកម្ពុជាប្រើប្រាស់ គឺបាននាំចូលពីប្រទេសសិង្ហបុរី ថៃ និងវៀតណាម។ ក្រុមហ៊ុនលក់រាយនៅកម្ពុជា ដែលនាំចូលប្រេងឥន្ធនៈ មានដូចជា ក្រុមហ៊ុនតេលា សូគីម៉ិច ប៉ាប៉ា សាវីម៉ិច លឹមឡុង និងក្រុមហ៊ុនមួយចំនួនទៀត។ ចំណែកក្រុមហ៊ុនបរទេស ដែលនាំចូលប្រេងឥន្ធនៈមកស្រុកខ្មែរ រួមមាន ក្រុមហ៊ុនតូតាល់ កាល់តិច និងក្រុមហ៊ុនភីធីធី។
ក្រសួងពាណិជ្ជកម្ម បានចេញតម្លៃលក់រាយរៀងរាល់ ១០ថ្ងៃម្តង ដើម្បីឆ្លើយតបឱ្យទាន់និន្នាការនៃការប្រែប្រួលថ្លៃប្រេងឥន្ធនៈនៅលើសកលលោក៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង