កីឡា
អត្តពលិករុស្សី និងបេឡារុស្ស នឹងមិនចូលរួមប្រកួតកីឡាអាស៊ីនៅចិនឡើយ
អត្តពលិករុស្ស៊ី និងបេឡារុស្ស នឹងមិនចូលរួមប្រកួតក្នុងព្រឹត្តិការណ៍កីឡាអាស៊ី (Asian Games) ឆ្នាំ២០២២ លើកមកឆ្នាំ២០២៣ នៅទីក្រុង Hangzhou ប្រទេសចិនឡើយ បន្ទាប់ពីគណៈកម្មាធិការអូឡាំពិកអន្តរជាតិ (IOC) បានសន្និដ្ឋានថាផែនការនេះ “មិនអាចទៅរួច” ។
ក្រុមប្រឹក្សាអូឡាំពិកអាស៊ី (OCA) បានបោះឆ្នោតនៅក្នុងមហាសន្និបាតរបស់ខ្លួននៅទីក្រុងបាងកក ក្នុងប្រទេសថៃ កាលពីខែកក្កដា ដើម្បីអនុញ្ញាតឱ្យអត្តពលិករហូតដល់ ៥០០នាក់មកពីប្រទេសទាំងពីរចូលរួមប្រកួតក្នុងព្រឹត្តិការណ៍កីឡាអាស៊ី ដែលនឹងត្រូវបើកនៅទីក្រុង Hangzhou នៅថ្ងៃទី២៣ ខែកញ្ញា ខាងមុខនេះ។
IOC បានយល់ព្រមស្វែងរកសំណើរបស់ OCA ដើម្បីអនុញ្ញាតឱ្យអត្តពលិករុស្ស៊ី និងបេឡារុស្សចូលរួមក្នុងព្រឹត្តិការណ៍នេះជាការជម្រុះអូឡាំពិក ឆ្នាំ២០២៤ លើកីឡាមួយចំនួនរបស់ខ្លួននៅឯកិច្ចប្រជុំកំពូលអូឡាំពិកកាលពីឆ្នាំមុន។
IOC បាននិយាយថា ៖«គំនិតនៃការអនុញ្ញាតឱ្យអត្តពលិកដែលមានលិខិតឆ្លងដែនរុស្ស៊ី និងបេឡារុស្ស ចូលរួមកីឡាអាស៊ីឆ្នាំ២០២៣ ត្រូវបានស្វែងយល់ ដូចបានពិភាក្សានៅកិច្ចប្រជុំកំពូលអូឡាំពិក កាលពីខែធ្នូ ឆ្នាំ២០២២ ប៉ុន្តែមិនអាចធ្វើទៅបានដោយសារហេតុផលបច្ចេកទេស»។
អ្នកនាំពាក្យអូឡាំពិកអាស៊ី បាននិយាយថា នឹងមិនមានអត្តពលិករុស្ស៊ី និងបេឡារុស្ស ចូលរួមក្នុងកីឡាអាស៊ី នោះទេ។ វាគឺជាការសម្រេចចិត្តរបស់គណៈកម្មាធិការអូឡាំពិកអន្តរជាតិ មិនមែនអូឡាំពិកអាស៊ី នោះទេ។
អត្តពលិករុស្ស៊ី និងបេឡារុស្ស មិនអាចចូលរួមប្រកួតក្នុងព្រឹត្តិការណ៍កីឡាទ្វីបអឺរ៉ុបកាលពីដើមឆ្នាំនេះ ដោយសារការលុកលុយលើអ៊ុយក្រែនដែលបានចាប់ផ្តើមនៅក្នុងខែកុម្ភៈ ឆ្នាំ២០២២។
ព្រឹត្តិការណ៍កីឡាអាស៊ី លើកទី១៩ ឆ្នាំ២០២២ នៅទីក្រុង Hangzhou គ្រោងនឹងដំណើរការចាប់ពីថ្ងៃទី២៣ ខែកញ្ញា ដល់ថ្ងៃទី០៨ ខែតុលា៕
ប្រែសម្រួល៖ មន្នីរ័ត្ន
ប្រភព៖ insidethegames.biz
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង