ព័ត៌មានជាតិ
លោក ស សុខា ឱ្យសិក្សាបញ្ចុះតម្លៃធ្វើលិខិតឆ្លងដែនជូនពលរដ្ឋ ព្រោះកម្ពុជាមានតម្លៃថ្លៃជាងវៀតណាម មីយ៉ាន់ម៉ា
ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា បានណែនាំឱ្យមានការសិក្សា ពិនិត្យទិដ្ឋភាពជាក់ស្ដែងបញ្ចុះតម្លៃធ្វើលិខិតឆ្លងដែនជូនប្រជាពលរដ្ឋកម្ពុជា។ លោកបានណែនាំឱ្យសិក្សាបែបនេះ នៅក្នុងពិធីជួបសំណេះសំណាលជាមួយមន្ត្រីក្រសួងមហាផ្ទៃ នាថ្ងៃទី០៤ ខែកញ្ញា ឆ្នាំ ២០២៣នេះ។
ពីពិធីនោះដែរ លោក ស សុខា បានអះអាងថា តម្លៃធ្វើលិខិតឆ្លងដែនរបស់កម្ពុជា គឺមានតម្លៃថ្លៃជាងបណ្ដាប្រទេសក្នុងតំបន់អាស៊ានដូចជា ប្រទេសវៀតណាម ប្រទេសមីយ៉ាន់ម៉ា ដែលមានតម្លៃទាប ហើយប្រទេសថៃ និងសិង្ហបុរី ដែលមានតម្លៃមធ្យម។ ជុំវិញបញ្ហាកម្ពុជាមានតម្លៃធ្វើលិខិតឆ្លងដែនថ្លៃជាងប្រទេសជិតខាងនេះ លោកបានណែនាំឱ្យអង្គភាពជំនាញ សិក្សាជាមួយភាគីពាក់ព័ន្ធដើម្បីបន្ថយតម្លៃថ្លៃធ្វើលិខិតឆ្លងដែនក្នុងកម្រិតណាមួយ បង្កជាភាពងាយស្រួល ផ្ដល់ភាពកក់ក្ដៅជូនប្រជាពលរដ្ឋកម្ពុជា កុំឱ្យពីមួយអណត្តិទៅមួយអណត្តិ តម្លៃធ្វើលិខិតឆ្លងដែនចេះតែមានការឡើងថ្លៃជារៀងរហូត។
ជាការកត់សម្គាល់ តម្លៃធ្វើលិខិតឆ្លងដែនក្នុងប្រទេសកម្ពុជា គឺមានតម្លៃ ១១៥ដុល្លារ ដោយរងចាំមួយខែទើបទទួលបានលិខិតឆ្លងដែនរួចរាល់ ប្រសិនបើប្រជាពលរដ្ឋមានតម្រូវការចាំបាច់ ត្រូវការលិខិតឆ្លងដែនប្រញាប់ ពលរដ្ឋត្រូវបង់ប្រាក់ក្នុងតម្លៃលើសពី១១៥ដុល្លារ៕
ដោយ៖ ង៉ិល ណារ៉ាត់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង