ជីវិតកម្សាន្ដ
ឆាយ វីរៈយុទ្ធ រក្សាបានចំណងស្នេហាផ្អែមល្ហែម រឹងមាំ រយៈពេលជាង ៦ ឆ្នាំ
ចំណងស្នេហារបស់តារាចម្រៀងប្រុសលោក ឆាយ វីរៈយុទ្ធ និងភរិយាអ្នកនាង សែ ចាន់ឌី គិតមកទល់ពេលនេះ បានចាប់ផ្ដើមឡើងមានរយៈពេលជាង ៦ ឆ្នាំហើយ ខណៈចំណងដៃអាពាហ៍ពិពាហ៍ពួកគេទទួលបានកូនស្រីដ៏ស្រស់ស្អាតម្នាក់ផងដែរ។
តាមការកត់សម្គាល់ក្រោយជោគជ័យលើវិស័យសិល្បៈយូរឆ្នាំមកនេះ បើក្រឡេកទៅមើលពីជីវិតគូរបស់តារាចម្រៀងលោក ឆាយ វីរៈយុទ្ធ វិញ ក៏មានសុភមង្គលខ្លាំងណាស់ដែរ ខណៈជារឿយៗ លោក និងភរិយា តែងតែបង្ហាញពីក្ដីស្រឡាញ់ និងភាពផ្អែមល្ហែមក្នុងដំណើរកម្សាន្តជាលក្ខណៈគ្រួសារ ដើម្បីឲ្យជីវិតគូកាន់តែមានន័យថែមមួយកម្រិតទៀត។
ដោយឡែកចាប់អារម្មណ៍នៅក្នុងថ្ងៃខួបកំណើត លោក ឆាយ វីរៈយុទ្ធ គឺ ត្រូវបានភរិយាអ្នកនាង សែ ចាន់ឌី ទម្លាយពីសារជូនពរយ៉ាងផ្អែមល្ហែម។ អ្នកនាង សែ ចាន់ឌី បានរៀបរាប់អត្ថន័យថា «រីករាយថ្ងៃខួបកំណើត ប្ដីសម្លាញ់ ឆាយ វីរៈយុទ្ធ (Chhay Virakyuth) ១២-០៩-២០២៣ ក្នុងថ្ងៃដ៏ពិសេសនេះ សូមជូនពរបង សូមប្រកបដោយពុទ្ធពរទាំង ៥ ប្រការ គឺ អាយុ វណ្ណៈ សុខៈ ពលៈ និងបដិភានៈ កុំបីឃ្លៀងឃ្លាតឡើយ»។
អ្នកនាង សែ ចាន់ឌី បានបន្ថែមថា «ជាពិសេស សូមឲ្យរាល់បំណងប្រាថ្នារបស់បង សូមឲ្យជោគជ័យដូចចិត្តប៉ង ស្រលាញ់បងខ្លាំងណាស់ ពីភរិយារបស់បង»។ តាមរយៈនេះ គេឃើញមានអ្នកគាំទ្រមួយចំនួន ផ្ញើសារជូនពរក្នុងថ្ងៃខួបកំណើតផងដែរ ខណៈខ្លះទៀតក៏សរសើរចំណងស្នេហាដ៏ផ្អែមល្ហែមរបស់ពួកគេដែរ។
គួររម្លឹកថា លោក ឆាយ វីរៈយុទ្ធ និងភរិយាអ្នកនាង សែ ចាន់ឌី បានសម្រេចចិត្តចូលរោងការតាមប្រពៃណី កាលពីថ្ងៃទី ២១ ខែឧសភា ឆ្នាំ ២០១៧ ដោយគិតមកដល់ពេលនេះ មានរយៈពេលជាង ៦ ឆ្នាំ មកហើយ ខណៈចំណងស្នេហាពួកគេនៅតែរក្សាបានភាពផ្អែមល្ហែមគួរឲ្យស្ងើចសរសើរ៕
អត្ថបទ ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ