ព័ត៌មានអន្ដរជាតិ
ទីបំផុត ប៉ូឡូញ សម្រេចចិត្ត ឈប់ជួយអាវុធដល់អ៊ុយក្រែន ក្រោយលោក ហ្សេលេនស្គី និយាយដៀមដាម
ប្រទេសប៉ូឡូញ នឹងលែងផ្តល់អាវុធដល់យោធាអ៊ុយក្រែនទៀតហើយ ដោយរដ្ឋាភិបាលទីក្រុង វ៉ាសូវី នឹងងាកមកផ្តោតសំខាន់លើសន្តិសុខរបស់ខ្លួនវិញ។ នេះបើតាមការបញ្ជាក់ពីលោកនាយករដ្ឋមន្ត្រី Mateusz Morawiecki នៅថ្ងៃព្រហស្បតិ៍ទី២១ខែកញ្ញា។
ការសម្រេចចិត្តនេះ ធ្វើឡើងបន្ទាប់ពីមានជម្លោះការទូត ជុំវិញការនាំចូលគ្រាប់ធញ្ញជាតិរបស់អ៊ុយក្រែន ដែលត្រូវបានហាមឃាត់នៅក្នុងប្រទេសប៉ូឡូញ ព្រោះវាធ្វើឲ្យប៉ះពាល់ដល់ទីផ្សារក្នុងស្រុក។
លោក Morawiecki បានប្រាប់អ្នកយកព័ត៌មានថា រដ្ឋាភិបាលរបស់លោក នឹងបញ្ឈប់ការនាំចេញសព្វាវុធ ទោះខ្លួនផ្តល់ការគាំទ្រយ៉ាងខ្លាំងដល់អ៊ុយក្រែន អស់រយៈពេលជាងមួយឆ្នាំមកហើយក៏ដោយ។
លោកនិយាយថា “យើងលែងបញ្ជូនសព្វាវុធទៅអ៊ុយក្រែនទៀតហើយ ពីព្រោះឥឡូវនេះ យើងត្រូវបំពាក់អាវុធទំនើបៗដល់ខ្លួនឯងវិញ”។ ក្រោយមក លោកក៏បានព្រមានដែរថា អាចនឹងមានការដាក់បម្រាមពាណិជ្ជកម្មបន្ថែមទៀត លើទីក្រុងកៀវ។
ការអត្ថាធិប្បាយនេះ ធ្វើឡើង បន្ទាប់ពីប្រធានាធិបតីអ៊ុយក្រែន លោក វ្ល៉ាឌីមៀរ ហ្សេលេនស្គី ហាក់ដៀមដាមប្រទេសប៉ូឡូញ ក្នុងអំឡុងសុន្ទរកថាមួយនៅចំពោះមុខមហាសន្និបាតអង្គការសហប្រជាជាតិកាលពីដើមសប្តាហ៍ ដោយនិយាយថា “ប្រទេសមួយចំនួននៅអឺរ៉ុប កំពុងលេងល្ខោននយោបាយអំពីសាមគ្គីភាព និងកំពុងបង្កភាពរន្ធត់សម្រាប់គ្រាប់ធញ្ញជាតិ”។
ជម្លោះពាណិជ្ជកម្មរវាងប្រទេសទាំងពីរ បានឡើងកម្តៅកាន់តែខ្លាំងក្នុងរយៈពេលប៉ុន្មានខែថ្មីៗនេះ។ ខណៈផ្លូវដឹកជញ្ជូនសមុទ្រខ្មៅសំខាន់ៗត្រូវបានបិទដោយសារតែជម្លោះជាមួយរុស្ស៊ី, គ្រាប់ធញ្ញជាតិអ៊ុយក្រែន បានហូរចូលទៅក្នុងទីផ្សារកណ្តាលនិងអឺរ៉ុប ជាហេតុបង្កផលប៉ះពាល់យ៉ាងធំធេងដល់អ្នកផលិតក្នុងស្រុក។
កាលពីដើមខែនេះ ទីក្រុងព្រុចសែល បានដកបម្រាមនាំចូលផលិតផលកសិកម្មអ៊ុយក្រែន បន្ទាប់ពីទីក្រុងកៀវ សន្យាថា នឹងព្យាយាមរឹតបន្តឹងគ្រប់គ្រងលើការនាំចេញកសិផលរបស់ខ្លួន។ យ៉ាងណាក៏ដោយ ប្រទេសប៉ូឡូញ ហុងគ្រី ស្លូវ៉ាគី និងរូម៉ានី បដិសេធធ្វើតាមការដឹកនាំរបស់ EU។
ជាការឆ្លើយតប ទីក្រុងកៀវ បានដាក់ពាក្យប្តឹងប៉ូឡូញ ហុងគ្រី និងស្លូវ៉ាគី នៅអង្គការពាណិជ្ជកម្មពិភពលោក ដោយលោក Taras Kachka តំណាងពាណិជ្ជកម្មរបស់ប្រទេសអ៊ុយក្រែនបានហៅសកម្មភាពរបស់ពួកគេថា ខុសច្បាប់។ លោក Kachka ក៏សន្យាដែរថា អ៊ុយក្រែននឹងដាក់ទណ្ឌកម្មលើខ្ទឹមបារាំង ប៉េងប៉ោះ ស្ពៃក្តោប និងផ្លែប៉ោមរបស់ប៉ូឡូញ នៅប៉ុន្មានថ្ងៃខាងមុខនេះ៕
ប្រែសម្រួល៖ Vann Vann
ប្រភព៖ RT
ចុចអាន៖ ប៉ូឡូញ គំរាមឈប់គាំទ្រអ៊ុយក្រែន ក្នុងសង្គ្រាមជាមួយ រុស្ស៊ី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង