ព័ត៌មានជាតិ
លោក ឈុំ សុជាតិ បែងចែកការទទួលខុសត្រូវដល់ក្រុមអ្នកនាំពាក្យក្រសួងការពារជាតិ
ក្នុងនាមជាប្រធានអ្នកនាំពាក្យក្រសួងការពារជាតិ លោកនាយឧត្តមសេនីយ៍ ឈុំ សុជាត បានសម្រេចបែងចែកភារកិច្ច និងការទទួលខុសត្រូវដល់អ្នកនាំពាក្យរបស់ក្រសួងការពារជាតិ។ ក្នុងនោះ លោក ចាប វ៉ាន្នី ជាអ្នករៀបចំព័ត៌មានពាក់ព័ន្ធនឹងកងយោធពលខេមរភូមិន្ទ និងលោក ហេង វុទ្ធី ត្រូវទំនាក់ទំនងជាមួយបណ្ដាញសារព័ត៌មានជាតិ-អន្តរជាតិ។
នៅក្នុងកិច្ចប្រជុំបែងចែកភារកិច្ច របៀបរបបការងារ និងការទទួលខុសត្រូវដល់ក្រុមអ្នកនាំពាក្យក្រសួងការពារជាតិ នៅព្រឹកថ្ងៃទី២២ ខែកញ្ញា ឆ្នាំ២០២៣នេះ លោកនាយឧត្តមសេនីយ៍ ឈុំ សុជាតិ រដ្ឋលេខាធិការក្រសួងការពារជាតិ និងជាប្រធានអ្នកនាំពាក្យក្រសួងការពារជាតិ ត្រូវទទួលបន្ទុកដឹកនាំកិច្ចការរួមរបស់អ្នកនាំពាក្យក្រសួងការពារជាតិ ចូលរួមកិច្ចប្រជុំឆ្លងរបាយការណ៍ប្រចាំត្រីមាស ឆមាស និងប្រចាំឆ្នាំរបស់ក្រសួងការពារជាតិ សម្របសម្រួលព័ត៌មានផ្ទាល់ជាមួយក្រសួងការពារជាតិ និងបណ្ដាញសារព័ត៌ជាតិ-អន្តរជាតិ។
នាយឧត្តមសេនីយ៍ ឈុំ សុជាតិ ក៏បានប្រគល់ភារកិច្ចឱ្យឧត្តមសេនីយ៍ឯក ចាប វ៉ាន្នី រដ្ឋលេខាធិការក្រសួងការពារជាតិ និងជាអនុប្រធានអ្នកនាំពាក្យក្រសួងការពារជាតិ ត្រូវទទួលបន្ទុកចូលរួមកិច្ចប្រជុំឆ្លងរបាយការណ៍ប្រចាំខែរបស់ក្រសួងការពារ ហើយធ្វើរបាយការណ៍អំពីលទ្ធផលនៃកិច្ចប្រជុំឱ្យប្រធានក្រុមអ្នកនាំពាក្យ។ ក្នុងនោះ ឧត្តមសេនីយ៍ ចាប វ៉ាន្នី ត្រូវ រៀបចំសេចក្តីបំភ្លឺ សេចក្តីប្រកាសព័ត៌មាន សេចក្ដីថ្លែងការណ៍ និងការផ្សព្វផ្សាយផ្សេងៗទៀតអំពីព័ត៌មានពាក់ព័ន្ធនឹងកងយោធពលខេមរភូមិន្ទ។
ចំណែក ឧត្តមសេនីយ៍ឯក ហេង វុទ្ធី អនុរដ្ឋលេខាធិការក្រសួងការពារជាតិ ជាសមាជិកអ្នកនាំពាក្យក្រសួងការពារជាតិ ត្រូវទទួលខុសត្រូវលើការទំនាក់ទំនងជាមួយបណ្ដាញសារព័ត៌មានជាតិ-អន្តរជាតិ និងប្រមូលចងក្រងព័ត៌មានពីគ្រប់ស្ថាប័ន កងឯកភាពចំណុះក្រសួងការពារជាតិ និងកងយោធពលខេមរភូមិន្ទ។ បន្ថែមពីនេះ លោក ហេង វុទ្ធី សហការសម្របសម្រួលអ្នកនាំពាក្យអគ្គបញ្ជាការដ្ឋាន បញ្ជាការដ្ឋានកងទ័ពជើងគោក ជើងទឹក ជើងអាកាស បញ្ជាការដ្ឋានកងរាជអាវុធហត្ថលើផ្ទៃប្រទេស បញ្ឋាការដ្ឋានអង្គរក្ស ព្រមទាំងរាយការណ៍ព័ត៌មានប្រចាំថ្ងៃជូនប្រធានអ្នកនាំពាក្យ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ