ព័ត៌មានជាតិ
ខណ្ឌរដ្ឋបាលជលផលខេត្តបាត់ដំបង ចុះបង្ក្រាបបទល្មើសនេសាទ២ករណីក្នុងស្រុកសង្កែ
កម្លាំងចម្រុះមកពីមន្ទីរ ស្ថាប័ន ផ្សេងគ្នាក្នុងខេត្តបាត់ដំបង បានចុះបង្ក្រាបបទល្មើសនេសាទ នៅក្នុងដែនបឹងទន្លេសាបក្នុងមូលដ្ឋានស្រុកសង្កែ ដែលគេដឹងថា ជាស្រុកនៃគោលដៅមួយសម្បូរទៅដោយបទល្មើសនេសាទ ក្នុងចំណោមស្រុកជាប់បឹងទន្លេសាប២ផ្សេងទៀត នៃខេត្តបាត់ដំបង។ ដែលមានបទល្មើសនេសាទមិនចាញ់គ្នាប៉ុន្មាននោះ គឺស្រុកឯកភ្នំ និងស្រុកម៉ោងឫស្សី ។
លោក ជួង សុភា នាយខណ្ឌរដ្ឋបាលជលផល បានឲ្យដឹងថា កិច្ចប្រតិបត្តិការខាងលើនេះ បានធ្វើឡើងនៅថ្ងៃទី៣០ ខែកញ្ញា ឆ្នាំ២០២៣ នៅក្នុងភូមិសាស្ត្រចំណុចខ្មៅមុខ និងខាងលិចខ្មៅមុខ ឃុំកំពង់ព្រះ ស្រុកសង្កែ ខេត្តបាត់ដំបង ដោយក្រុមជនទុច្ចរឹត បានប្រើឧបករណ៍នេសាទខុសពីការកំណត់របស់រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។ លោកបន្តថា ក្រោយទទួលបានព័ត៌មាន លោកបានបញ្ជាឲ្យមន្ត្រីក្នុងមូលដ្ឋានស្រុកចុះអនុវត្តតែម្តង ដោយមានការសហការ ជាមួយសមត្ថកិច្ចក្នុងមូលដ្ឋានផង ។
ជាលទ្ធផលនៃការបង្ក្រាប ក្នុងនោះបានកាប់បំផ្លាញចោលសាច់អួនប្រវែង ១៦០០ម៉ែត្រ បង្គោលចំនួន ៦០០ដើម ឡុកចំនួន ០៥គ្រឿង ត្រីចម្រុះចំនួន៨០គីឡូក្រាម ត្រូវបានលែងឲ្យមានសេរីភាពវិញផងដែរ ។
លោកបញ្ជាក់ថា នៅមានបទល្មើសដ៏ធំមួយទៀតដែលមានប្រវែងរាប់សិបគីឡូម៉ែត្រ នៅក្នុងស្រុកដដែល លើគោលដៅផ្សេងពីគ្នា ដែលត្រូវបានប្រជាពលរដ្ឋរាយការណ៍ ហើយលោកបានលើកថ្ងៃបង្ក្រាប ដោយមន្ត្រីថ្នាក់ក្រោមប្រចាំនៅស្រុកប្រាប់លោកថា លោកមេឃុំជាប់រវល់ ទើបសុំពន្យារយះពេលបែបនេះ តែប្រជាពលរដ្ឋដែលបានរាយការណ៍តបថា មិនគួរអូសបន្លាយពេលឲ្យបទល្មើសបែបនេះទេ ពេលដែលពួកគាត់រាយការណ៍ហើយនោះ៕
អត្ថបទ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង