ព័ត៌មានជាតិ
មន្ត្រីជាន់ខ្ពស់ក្រសួងមហាផ្ទៃ ផ្លាស់ប្ដូរបទពិសោធន៍ការងារ ជាមួយក្រសួងសន្តិសុខសាធារណៈ នៃប្រទេសឡាវ
នាព្រឹកថ្ងៃអង្គារ៍ ទី០៣ ខែតុលា ឆ្នាំ២០២៣នេះ លោក លោក សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ បានជួបប្រជុំផ្លាស់ប្តូរបទពិសោធន៍ការងារ ជាមួយគណៈប្រតិភូអគ្គនាយកដ្ឋានភស្តុភារ ក្រសួងសន្តិសុខសាធារណៈ នៃសាធារណរដ្ឋប្រជាធិបតេយ្យប្រជាមានិតឡាវ នៅទីស្ដីការក្រសួងមហាផ្ទៃ។
លោក សេង យូអ៊ាន់ បានចាត់ទុកកិច្ចផ្លាស់ប្ដូរបទពិសោធន៍ លើកនេះ ក៏ជាឱកាសពិសេស ដើម្បីទទួលបានបទពិសោធន៍ល្អៗបន្ថែមទៀត ដើម្បីជាមូលដ្ឋានសម្រាប់កែតម្រង់ជាមួយការងារជាក់ស្ដែង ធានាឲ្យការផ្គត់ផ្គង់ការងារ ភស្តុភារហិរញ្ញវត្ថុកាន់តែល្អប្រសើរ រួមចំណែកអនុវត្តផែនការកិច្ចសហប្រតិបត្តិការ របស់ក្រសួងទាំងពីរ ឱ្យទទួលបានលទ្ធផលជាវិជ្ជមាន និងរីកចម្រើនជាយូរអង្វែងតទៅ ព្រមទាំងបន្តពង្រឹង និងពង្រីកចំណងសាមគ្គីភាព និងកិច្ចសហប្រតិបត្តិការរវាងអង្គភាពទាំងពីរ។
ជាមួយគ្នានេះ លោក សេង យូអ៊ាន់ ក៏បានស្វាគមន៍ និងសម្តែងនូវសេចក្តីសោមនស្សរីករាយ ចំពោះវត្តមានគណៈប្រតិភូ អគ្គនាយកដ្ឋានភស្តុភារ ក្រសួងសន្តិសុខសាធារណៈ នៃប្រទេសឡាវ ដែលបានអញ្ជើញមកបំពេញទស្សនកិច្ចផ្លូវការ ដើម្បីផ្លាស់ប្ដូរបទពិសោធន៍លើការងារជំនាញនាពេលនេះ។
ជាក់ស្ដែង នេះជាលើកទីពីរហើយ ដែលអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ នៃកម្ពុជា បានសហការទទួលមិត្តឡាវ ដើម្បីផ្លាស់ប្ដូរបទពិសោធន៍ជាមួយគ្នា ដោយកាលពីលើកទីមួយគឺបានរៀបចំឡើងក្នុងឆ្នាំ២០១៩៕
ដោយ៖ ង៉ិល ណារ៉ាត់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី