ព័ត៍មានទាន់​ហេតុការណ៏
Search

ក្រុម Monaco មិន​ព្រួយបារម្ភ​ចំពោះ​គូប្រកួត​បន្ទាប់​របស់ខ្លួន​នៅ​វគ្គ​ពាក់កណ្តាល​ផ្តាច់ព្រ័ត្រ Champions League

ក្រោយ​ធ្វើដំណើរ​ដ៏​វែងឆ្ងាយ​រហូត​បាល់​ឡើង​ដល់​វគ្គ​ពាក់​កណ្តាល​ផ្តាច់​ព្រ័ត្រ Champions League ក្រុម Monaco បាន​អះអាង​ថា ពួកគេ​គ្មាន​ហេតុផល​ណា​ត្រូវ​ខ្លាចរអារ​ចំពោះ​គូប្រកួត​បន្ទាប់​របស់ខ្លួន​នោះឡើយ។

ក្រុម Monaco បាន​លត់​ក្រុម Borussia Dortmund ៣-១​កាលពី​ពុធ ពេល​ដែល​ខ្សែប្រយុទ្ធ striker Kylian Mbappe បន្ត​ទម្រង់​លេង​ដ៏​គួរ​ឲ្យ​ចាប់អារម្មណ៍​របស់ខ្លួន​ជា​មួយ​នឹង​ការរកបាន​គ្រាប់​បាល់ ដើម្បី​ធ្វើ​ឲ្យ​ក្រុម​របស់ខ្លួន​ឆ្លង​ផុត​ដំណាក់កាល​នេះ ជាមួយនឹង​ជ័យជំនះ​ទាំងពីរ​ជើង​៦-៣​។

ការអនុញ្ញាត​ឲ្យ​លេង​ស្ទីល​ប្រយុទ្ធ​របស់​គ្រូបង្វឹក Leonardo Jardim បាន​ធ្វើ​ឲ្យ​ក្រុម​មួយ​នេះ រកបាន​១៤១​គ្រាប់​ក្នុង​រដូវ​កាល​នេះ ដែល​ក្នុង​រួម​ទាំង​៣​គ្រាប់​នៅ​ក្នុង​ទឹកដី​ខ្លួន និង​៣​គ្រាប់​ទៀត​នៅក្រៅ​ទឹកដី កាលពី​នៅ​វគ្គ knockout។

គួរ​ឲ្យ​ដឹង​ថា ក្រុម Monaco ធ្លាប់​បាន​ឈានដល់​វគ្គ​ផ្តាច់ព្រ័ត្រ​កាលពី​ឆ្នាំ​២០០៤​ដោយបាន​ទម្លាក់​ក្រុម Real Madrid នៅតាម​ផ្លូវ ហើយ​អំឡុង​ការចាប់​គូ​នៅ​ថ្ងៃ​សុក្រ​នេះ ពួកគេ​អាច​នឹង​ជួប​គ្នា​ម្តងទៀត​នៅ​វគ្គ​ពាក់កណ្តាល​ផ្តាច់ព្រ័ត្រ។

ជម្រើស​គូ​ប្រកួត​មួយ​របស់​ក្រុម Monaco អាចជា​ក្រុម Atletico Madrid ដែល​បាន​ចាញ់​ការប្រកួត​វគ្គ​ផ្តាច់ព្រ័ត្រ​កាលពី​រដូវ​កាល​មុន​ជាមួយ​ក្រុម Real Madrid ឬ​អាចជា​មួយក្រុម Juventus ដែលជា​ក្រុម​ជើងឯក​រង​កាលពី​ឆ្នាំ​២០១៥។

ប៉ុន្តែ​នៅ​ពេល​សួរ​ថា ​តើ​ថា​ក្រុម​មួយណា​គាត់​នឹង​ខ្លាចរអារ​នោះ លោក Jardim បាន​និយាយថា លោក​មិនបាន​ខ្លាច​ក្រុម​ណាមួយ​ឡើយ។

គ្រូ​បង្វឹក​សញ្ជាតិ​ព័រ​ទុយ​ហ្គា​ល់​ម្នាក់​នេះ​ និយាយ​ថា លោក​គិតថា​វា​គឺជា​សំនួរ​សម្រាប់​ប្រជែង​របស់លោក​វិញ​ទេ​ដែល​ត្រូវ​ឆ្លើយ​ទៅវិញ​ទេ​។ សម្រាប់​ពួក​យើង​មិនបាន​ខ្លាច​ក្រុម​ណាមួយ​ឡើយ៕
AP



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684