ព័ត៍មានទាន់​ហេតុការណ៏
Search

កីឡាករ Andy Murray និង Rafael Nadal ឆ្លង​ផុត​ការប្រកួត Monte Carlo Masters ដូចគ្នា​

កីឡាករ Andy Murray បាន​វិលត្រឡប់​ពី​ការអ​វត្តមាន​រយៈពេល​១​ខែ​ដោយសារ​របួស​កែងដៃ​ជាមួយនឹង​ជ័យជំនះ 7-5, 7-5 លើ​កីឡាករ Gilles Muller នៅ​ការប្រកួត Monte Carlo Masters​។​

​កីឡាករ​លំដាប់​ថ្នា​ក់លេ​ខ​១​ពិភពលោក​ម្នាក់នេះ ត្រូវបាន​ចូលរួម​ប្រកួត​នៅ​ជុំ​ទី​៣​ផងដែរ ដោយ​កីឡាករ​ជើងឯក​៩​សម័យកាល Rafael Nadal​ដែល​បាន​យកឈ្នះ​កីឡាករ​អង់គ្លេស Kyle Edmund ក្នុង​លទ្ធផល​ពិន្ទុ 6-0, 5-7, 6-3 នៅ​ការប្រកួត​ទី​៤០០​ក្នុង​អាជីព​វាយ​តឺ​ន្នី​ស​របស់គាត់​។

កីឡាករ Murray បាន​យកឈ្នះ​កីឡាករ Muller នៅ​ការប្រកួត​មួយ​ដែល​ប្រើពេល​២​ម៉ោង ស្របពេល​ដែល​លោក​កំដៅ​សាច់ដុំ​សម្រាប់​ការប្រកួត French Open ចន្លោះ​ខែឧសភា និង​មិថុនា​ខាងមុខនេះ​។

ប៉ុន្តែ​កីឡាករ​វ័យ​២៩​ឆ្នាំ​ម្នាក់នេះ លេង​អន់​គួរសម​ផងដែរ ជាមួយនឹង​ការបង្ក​កំហុស​ទ្វេដង​រហូតដល់​ទៅ​៨​លើក មុនពេល​ដែល​អាច​ទម្លុះ​ភាពទាល់ច្រក​បាន​។

កីឡាករ Murray បាន​និយាយ​ថា លោក​ពិតជា​លេង​ល្អ ពេល​ដែល​ការប្រកួត​ដំណើរការ​ទៅ ហើយ​ជាក់ស្តែង​ណាស់​ថា ការប្រកួត​ដំបូង​គឺ​មិនអាច​ទៅ​យ៉ាង​រលូន​បាន​នោះទេ​។

លោក​បន្តថា ប៉ុន្តែ​នៅពេលដែល​អ្នក​អវត្តមាន​អស់​រយៈពេល​ជាច្រើន​សប្តាហ៍​បែបនេះ វា​គឺជា​រឿង​ធម្មតា​ទេ​ដែល​យើង​លេង​មិនសូវ​បានល្អ​នោះ​។

សូម​បញ្ជាក់​ថា វា​គឺជា​ការប្រកួត​លើកដំបូង​របស់​កីឡាករ Murray នៅ​ការប្រកួត ATP ចាប់តាំងពី​មាន​របួស​កែងដៃ ដែល​ការប្រកួត​ចុងក្រោយ​របស់លោក​បានធ្វើ​ឡើង​ពេល​ចាញ់​កីឡាករ Vasek Pospisil នៅ​ជុំ​ទី​២​នស​ការប្រកួត Indian Wells កាលពី​ថ្ងៃទី​១២ ខែឧសភា​កន្លងទៅ​៕
AFP



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684