ព័ត៌មានជាតិ
ប្រតិភូក្រសួងសង្គមកិច្ច នឹងចូលរួមវេទិកាអាស៊ាន-អាមេរិក នៅប្រទេសឥណ្ឌូនេស៊ី ពីថ្ងៃទី១០-១២ ខែតុលា
ប្រតិភូក្រសួងសង្គមកិច្ច អតីតយុទ្ធជន និងយុវនីតិសម្បទា របស់កម្ពុជា នឹងចូលរួមវេទិកាអាស៊ានជាន់ខ្ពស់ និងកិច្ចសន្ទនាអាស៊ាន-អាមេរិក ស្ដីពីអភិវឌ្ឍន៍បរិយាបន្នពិការភាព និងភាពជាដៃគូលើសពីឆ្នាំ២០២៥ ចាប់ពីថ្ងៃទី១០ដល់ថ្ងៃទី១២ នៅទីក្រុងម៉ាកាសា ប្រទេសឥណ្ឌូនេស៊ី ឆ្លើយតបនឹងការអញ្ជើញរបស់ក្រសួងសង្គមកិច្ចឥណ្ឌូនេស៊ី។
បើតាមលិខិតដែលក្រសួងសង្គមកិច្ចឥណ្ឌូនេស៊ី អញ្ជើញក្រសួងសង្គមកិច្ចកម្ពុជា ភាគីឥណ្ឌូនេស៊ីបានរំពឹងថា កិច្ចប្រជុំទាំងនេះ នឹងដើរតួជាវេទិកាសម្រាប់ប្រតិភូទាំងអស់ ដើម្បីចែករំលែកនូវការអភិវឌ្ឍបច្ចុប្បន្នដែលពាក់ព័ន្ធ បញ្ហាប្រឈម និងបទពិសោធន៍ ក្នុងការធ្វើឱ្យប្រសើរឡើងនូវការការពារសិទ្ធិជនមានពិការភាព និង ពិភាក្សាអំពីយុទ្ធសាស្ត្រនាពេលអនាគតនៃបរិយាបន្នសង្គម ដែលរួមមានការផ្ដល់សិទ្ធិអំណាចលើតួនាទីរបស់ជនមានពិការភាព សម្រាប់ការអភិវឌ្ឍថ្នាក់តំបន់ប្រកបដោយចីរភាព និងការពន្លឿនភាពជាដៃគូយុទ្ធសាស្ត្រ ជាមួយនឹងដៃគូរបស់អាស៊ាន និងស្ថាប័នពាក់ព័ន្ធ ក្នុងការអភិវឌ្ឍបរិយាបន្នពិការភាព។
សម្រាប់គណៈប្រតិភូក្រសួងសង្គមកិច្ច អតីតយុទ្ធជន និងយុវនីតិសម្បទា របស់កម្ពុជា ដែលនឹងចូលរួមវេទិកាទាំងនេះ មានដូចជា លោក ឯម ច័ន្ទមករា រដ្ឋលេខាធិការ ក្រសួងសង្គមកិច្ច ជាប្រធានគណៈប្រតិភូ លោក សួង ម៉េងឡុង រដ្ឋលេខាធិកា ជាសមាជិកប្រតិភូ រួមជាមួយ លោក ញ៉េប ចាន់ណេ ប្រធាននាយកដ្ឋានសហការ ជាសមាជិកប្រតិភូ និងលោក វណ្ណា សិត្យា ជំនួយការ លោក ឯម ច័ន្ទមករា ជាសមាជិកប្រតិភូ។
មែនទែនទៅ វេទិកាដែលប្រទេសឥណ្ឌូនេស៊ីធ្វើជាម្ចាស់ផ្ទះ គឺស្នើឱ្យ លោក ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទារបស់កម្ពុជា ធ្វើជាប្រធានដឹកនាំគណៈប្រតិភូ ទៅចូលរួមវេទិកាទាំងនេះ ក៏ប៉ុន្តែដោយសារតែ លោក ជា សុមេធី មានធុរៈបន្ទាន់មិនអាចដឹកនាំគណៈប្រតិភូទៅចូលរួមបាន ទើបមានការផ្លាស់ប្ដូរសមាសភាព ឱ្យ លោក ឯម ច័ន្ទមករា ដឹកនាំគណៈប្រតិភូទៅចូលរួមជំនួស។
សូមជម្រាបជូនបន្តិចថា គណៈប្រតិភូក្រសួងសង្គមកិច្ចកម្ពុជា នឹងចាកចេញពីប្រទេសកម្ពុជា នៅថ្ងៃទី០៩ ខែតុលា ហើយនឹងត្រឡប់មកកាន់ប្រទេសកម្ពុជាវិញនៅថ្ងៃទី១៣ ខែតុលា ឆ្នាំ២០២៣៕
ដោយ៖ ង៉ិល ណារ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ