ព័ត៌មានអន្ដរជាតិ
សមាជិកណាតូ ថា រុស្ស៊ី មានគ្រាប់បាញ់លើ អ៊ុយក្រែន រយៈពេល ១ ឆ្នាំទៀត
ប្រធានទីភ្នាក់ងារស៊ើបការណ៍យោធាសម្ងាត់របស់ប្រទេសអេស្តូនីលោក Ants Kiviselg បានលើកឡើងកាលពីថ្ងៃអង្គារថា បច្ចុប្បន្ននេះ រុស្ស៊ីនៅតែមានគ្រាប់កាំភ្លើងធំប្រមាណ ៤ លានគ្រាប់ទៀតសម្រាប់ទុកបាញ់ក្នុងប្រតិបត្តិការសឹកលើប្រទេសអ៊ុយក្រែន ។
លោក Kiviselg បាននិយាយថា បើរាប់តែគ្រាប់កាំភ្លើងធំនេះ រុស្ស៊ីអាចបន្តសង្រ្គាមបានរយៈពេលរហូតទៅដល់ ១ ឆ្នាំទៀត ខណៈផ្អែកលើការប៉ាន់ស្មានដោយប្រព័ន្ធផ្សព្វផ្សាយអេស្តូនីបានឲ្យដឹងថា សង្គ្រាមបច្ចុប្បន្ននេះ រុស្ស៊ីបាញ់ ១ ម៉ឺនគ្រាប់ក្នុងមួយថ្ងៃលើសមរភូមិប្រយុទ្ធជាមួយអ៊ុយក្រែន ។
ប្រធានយោធាសម្ងាត់រូបនេះបញ្ជាក់ថា ក្នុងនោះរុស្ស៊ីក៏ទទួលបានគ្រាប់កាំភ្លើងដែលត្រូវបានផ្គត់ផ្គង់បន្ថែមពីប្រទេសកូរ៉េខាងជើងប្រហែល ៣០ ម៉ឺនគ្រាប់ផងដែរ ហើយចំនួននេះប្រហែលជាគ្រប់គ្រាន់ដើម្បីប្រើប្រាស់បានប្រហែល ១ ខែ ខណៈការផ្ដល់គ្រាប់កាំភ្លើងពីសំណាក់កូរ៉េខាងជើងបង្ហាញថា រុស្ស៊ីមានគម្រោងបន្តការលុកលុយខ្លាំងដៃបន្ថែមទៀតទៅលើអ៊ុយក្រែន ។
លោក Kiviselg សង្កត់ធ្ងន់ថា កងកម្លាំងរុស្ស៊ីនៅតែមានសមត្ថភាពខ្លាំងក្លាក្នុងការប្រយុទ្ធ ហើយក៏អាចនឹងកែនទាហានជាប់កិច្ចសន្យា និងអ្នកស្ម័គ្រចិត្តបន្ថែមទៀតដើម្បីពង្រឹងកម្លាំងប្រយុទ្ធនៅតំបន់ជួរមុខផងដែរ ជាពិសេសគឺការកម្ចាត់កម្លាំងទ័ពអ៊ុយក្រែននៅក្នុងប្រតិបត្តិការសឹក មុនពេលឈានដល់រដូវរងាដែលធ្វើឲ្យស្ថានភាពដីសើម និងមានភក់ បង្កការលំបាកដល់ការចល័តរថពាសដែក ។
គួរបញ្ជាក់ថា អេស្តូនីដែលជាប្រទេសសមាជិកអង្គការណាតូ និងមានព្រំប្រទល់ជាប់ប្រទេសរុស្ស៊ីផងដែរនោះ បានបង្កើនការប្រុងប្រយ័ត្នយ៉ាងខ្លាំងនៅតំបន់ព្រំដែន ចាប់តាំងផ្ទុះប្រតិបត្តិការសឹករបស់រុស្ស៊ីលើប្រទេសអ៊ុយក្រែនកាលពីថ្ងៃទី២៤ ខែកុម្ភៈ ឆ្នាំ២០២២ ខណៈរដ្ឋាភិបាលតែងតែបញ្ចេញរបាយការណ៍ជាប្រចាំស្ដីពីស្ថានភាពសង្គ្រាមមួយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ រុស្ស៊ី ថ្កោលទោសការវាយប្រហាររបស់ក្រុមហាម៉ាស់ ប៉ុន្តែក៏ដោយសារ អ៊ីស្រាអែល ជាអ្នកបង្កហេតុមុន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ