ព័ត៌មានជាតិ
ដេប៉ូមួយបង្ហើបតម្លៃជីកសិកម្ម ស្របពេលចូលរដូវចេញវស្សាកសិករនាំគ្នាធ្វើស្រែប្រាំង
ម្ចាស់ដេប៉ូលក់ជីថ្នាំកសិកម្មរស់នៅភូមិប្រលូង ស្រុកព្រែកប្រសព្វ ខេត្តក្រចេះបានឲ្យដឹងថា ជីកសិកម្មពេលនេះមានតម្លៃធូរដូចជាប្រភេទជីបេឬជីសរីរាង្គ។
ជីមួយបេទម្ងន់ ៥០ គីឡូ តម្លៃ ១៥០ ០០០ រៀលទៅ ១៧០ ០០០ រៀល។ ចំពោះតម្លៃថ្នាំកសិកម្មវិញអាស្រ័យទៅតាមក្រុមហ៊ុន។
ម្ចាស់ដេប៉ូឈ្មោះ ហ៊ា អូន លក់ជីថ្នាំកសិកម្មនៅភូមិប្រលូងបានឲ្យដឹងថា ឆ្នាំនេះគាត់លក់ជីកសិកម្មនិងប្រភេទថ្នាំកសិកម្មដាច់ច្រើនជាងរាល់ឆ្នាំព្រោះជីមានតម្លៃធូរ ស្របពេលចេញវស្សាប្រជាកសិករមួយចំនួនដែលរស់នៅតាមតំបន់ទំនាបច្រើនធ្វើដំណាំស្រូវប្រាំង។
បើតាមការឲ្យដឹងរបស់កសិករ ជីកសិកម្មបានធ្លាក់ថ្លៃតាំងពីរដូវកាលបោះឆ្នោត។ ដោយជីកសិកម្មកម្រិតលេខមួយបានធ្លាក់ថ្លៃពីមុន ១ បេ (៥០ គីឡូក្រាម) ជាង ២០ ម៉ឺនរៀល បច្ចុប្បន្ននៅជាង ១៧ ម៉ឺនរៀលថោកជាងលើកមុន។ ចំណែកថ្នាំកសិកម្មវិញក៏មានតម្លៃធូរជាងមុនដែរ។
កសិករឈ្មោះ អឿន ដែលរស់នៅភូមិប្រលូង ស្រុកព្រែកប្រសព្វខេត្តក្រចេះបានរៀបរាប់ប្រាប់ថា គាត់ធ្វើស្រែទាំងពីររដូវទាំងប្រាំងនិងវស្សា។ ទាក់ទងតម្លៃជីកសិកម្មឆ្នាំនេះ កសិកររូបនេះប្រាប់ថាមិនមានការប្រែប្រួលតម្លៃច្រើនទេ ដែលធ្វើឲ្យកសិករមានលទ្ធភាពទិញយកមកប្រើប្រាស់លើដំណាំកសិកម្ម។
បុរសចំណាស់ម្នាក់ឈ្មោះញឹម ដែលរស់នៅភូមិឃុំជាមួយគ្នាដែលប្រកបមុខរបរធ្វើស្រែដែរនោះប្រាប់ថា គាត់ប្រើជីអុយរេដែលមានតម្លៃ ១៥០ ០០០ រៀល ក្នុងមួយបេ បន្ទាប់មកប្រើជី NPK ដែលមានតម្លៃ ១៧០ ០០០ រៀល។ បុរសរូបនេះត្រូវប្រើជីក្នុង ១ ហិកតា ២ បេរ ដោយសារតែឆ្នាំទៅគាត់ប្រមូលផលស្រូវបានច្រើនហើយស្រូវមានទីផ្សារល្អធ្វើឲ្យគាត់ចំនេញបានច្រើន។
ចំពោះជីកសិកម្មបុរសរូបនេះប្រាប់ថា បើអាចចុះនៅសល់ ១ បេចន្លោះពី ៧០ ០០០ រៀលទៅ ១០០ ០០០ រៀលអាចធ្វើឲ្យគាត់ចំនេញកាន់តែច្រើន។
យ៉ាងណាមិញ ចំពោះថ្នាំប្រើប្រាស់ទៅលើដំណាំស្រូវនិងដំណាំផ្សេងទៀតកសិកររូបបនេះប្រាប់ថានៅតែមានតម្លៃថ្លៃដូចជា ថ្នាំស្មៅនិងថ្នាំដង្កូវជាដើម៕
អត្ថបទ៖ លី រតនា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង