ព័ត៌មានអន្ដរជាតិ
អ៊ីស្រាអែល ចោទ ក្រុមហាម៉ាស ថា យកស្ត្រី និងកុមារជាង ១០០ នាក់ធ្វើជាខែលការពារ
យោងតាមប្រភពពីទាហានអ៊ីស្រាអែលបានឲ្យដឹងថា ក្រុមប្រដាប់អាវុធប៉ាឡេស្ទីនហាម៉ាសបានយកស្ត្រី និងកុមារមួយក្រុមធំធ្វើជាខែលការពារប្រឆាំងនឹងការវាយលុកពីសំណាក់កងកម្លាំងការពារជាតិអ៊ីស្រាអែល (IDF) ដែលបានបុកទម្លុះចូលច្រកសំខាន់ៗរបស់ក្រុមហាម៉ាសនៅតំបន់ហ្គាហ្សាស្ទ្រីប ។
មន្ត្រី IDF ចំនួន ២ រូបដែលបានឃើញហេតុការណ៍នេះបានប្រាប់គេហទំព័រ Ynet ថា “ក្រុមហាម៉ាសបានបញ្ជូនស្ត្រី និងកុមារចំនួន ១០០ នាក់ឲ្យដើរតួជាខែលការពារមនុស្សដើម្បីការពារបរិវេណសំខាន់ៗនៃច្រកចូលតំបន់ហ្គាហ្សា នៅមុនពេលដែលទ័ពអ៊ីស្រាអែលបុកទម្លុះចូលដោយជោគជ័យនៅភាគខាងជើងតំបន់មួយនេះ” ។
ទោះយ៉ាងណា របាយការណ៍នោះមិនបាននិយាយថាតើទាហានអ៊ីស្រាអែលដោះស្រាយស្ថានការណ៍នេះដោយរបៀបណានោះទេ ខណៈ IDF គ្រាន់តែបញ្ជាក់ថា សមាជិកក្រុមហាម៉ាសប្រហែល ៥០ នាក់ត្រូវបានសម្លាប់ ក្នុងអំឡុងពេលប្រតិបត្តិការជើងគោកក្នុងរយៈពេលប៉ុន្មានថ្ងៃនេះ ។
កន្លងមក អ៊ីស្រាអែលធ្លាប់បាននិយាយម្ដងហើយម្ដងទៀតថា ក្រុមហាម៉ាសកំពុងប្រើប្រាស់ជនស៊ីវិលធ្វើជាខែលការពារមនុស្សនៅទីតាំងជាច្រើន រួមទាំងព្រះវិហារ សាលារៀន និងនៅមន្ទីរពេទ្យជាដើម ខណៈក្រុមហាម៉ាសដែលត្រូវចាប់ខ្លួនក៏បានសារភាពដែរថា ការធ្វើបែបនេះ ដោយសារតែដឹងថា អ៊ីស្រាអែលនឹងមិនហ៊ានទម្លាក់គ្រាប់បែកលើទីតាំងស៊ីវិលទាំងនេះនោះទេ ។
គួរបញ្ជាក់ថា ភាពតានតឹងថ្មីដែលបានផ្ទុះឡើងនៅមជ្ឈិមបូព៌ាបានអូសបន្លាយពេលជិត ១ ខែទៅហើយ បន្ទាប់ពីក្រុមហាម៉ាស់បានបើកការវាយប្រហារមកលើទឹកដីអ៊ីស្រាអែលចេញពីតំបន់ហ្គាហ្សាស្ទ្រីបកាលពីព្រឹកព្រលឹមថ្ងៃទី៧ ខែតុលា ដោយបានសម្លាប់មនុស្សជាង ១,៥០០ នាក់ ដែលភាគច្រើនជាជនស៊ីវិល ។
ចំណែកនៅតំបន់ហ្គាហ្សាវិញ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សជិត ១ ម៉ឺននាក់ និងលើស ៣២,០០០ នាក់ រងរបួស ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕
ប្រែសម្រួលដោយ ៖ ជីវ័ន្ត
ប្រភព ៖ Times of Israel
ចុចអាន ៖ អាមេរិក ឲ្យ អ៊ីស្រាអែល ផ្អាកប្រយុទ្ធគ្នាដើម្បីផ្ដល់ជំនួយមនុស្សធម៌ តែលោក Netanyahu បដិសេធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ