ព័ត៌មានជាតិ
ក្រសួងការងារ ស្នើឱ្យអ្នកជំនាញចិន មកបណ្តុះបណ្តាលយុវជនខ្មែរ ស្របតាមការចង់បានរបស់រោងចក្រសហគ្រាសចិន
អនុរដ្ឋលេខាធិការ ក្រសួងការងារ និងបណ្ដុះបណ្ដាលវិជ្ជាជីវៈ លោកស្រី ហ៊ឹម សុធារ័ត្ន ស្នើឱ្យភាគីចិនជួយបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនកម្ពុជាបន្ថែមទៀត។ សំណើនេះធ្វើឡើងក្នុងសុន្ទរកថាគន្លឹះ «វេទិកាកម្រិតខ្ពស់នៃធនាគារខួរក្បាលកម្ពុជា-ចិនលើកទី៣ រៀបចំដោយ បណ្ឌិត្យសភាវិទ្យាសាស្ត្រសង្គមចិន និងរាជបណ្ឌិត្យសភាកម្ពុជា នៅរដ្ឋធានីប៉េកាំង ប្រទេសចិន កាលពីពេលថ្មីៗនេះ។
ការស្នើឱ្យចិនជួយបណ្តុះបណ្តាលជំនាញវិជ្ជាជីវៈដល់យុវជនកម្ពុជានេះ លោកស្រីថា គឺដើម្បីឆ្លើយតបទៅនឹងការចង់បានរបស់រោងចក្រសហគ្រាសចិនដែលមាននៅប្រទេសកម្ពុជាស្រាប់ រួមទាំងការត្រៀមខ្លួនទទួលវិនិយោគិនថ្មីពីចិនបន្ថែមទៀត ពិសេសឆ្លើយទៅនឹងចក្ខុវិស័យ និងទិសដៅរបស់រាជរដ្ឋាភិបាលកម្ពុជាអាណត្តិទី៧ ដែលណែនាំឱ្យក្រសួងសហការជាមួយវិស័យឯកជន ដើម្បីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជន ១លាន៥សែននាក់ ដែលមកពីគ្រួសារក្រីក្រ និងងាយរងហានិភ័យ រួមការបង្កើតទារកដ្ឋាន និងមត្តេយ្យសហគមន៍ នៅតាមតំបន់ក្បែររោងចក្រ សហគ្រាស។
លោកស្រីបានលើកឧទាហរណ៍ថា បើសិនជាវិនិយោគិនចិន ចង់វិនិយោគទៅលើផ្នែកមេកានិក ឬក៏រថយន្ត អគ្គិសនី ដូច្នេះជម្រើសទី១ ក្រសួងស្នើឱ្យភាគីចិនផ្តល់អ្នកជំនាញមកបង្រៀនយុវជនខ្មែរដែលជាគោលដៅទាំង ១លាន៥សែននាក់ ដើម្បីចេះទាំងទ្រឹស្តី និងការអនុវត្តជាក់ស្តែង។
ចំពោះជម្រើសទី២ លោកស្រីថា ក្រុមហ៊ុនចិនដែលមាននៅស្រុកខ្មែរស្រាប់ អាចផ្តល់ជាឱកាស សម្រាប់យុវជនកម្ពុជាហាត់ការ ក្នុងរយៈពេលសមស្របណាមួយ ដើម្បីទទួលបានជំនាញពិតប្រាកដ។ នៅពេលដែលយុវជនទាំងនោះទទួលបានចំណេះជំនាញហើយ ក្រុមហ៊ុនអាច ទទួលយកយុវជនបម្រើការងារនៅទីនោះតែម្តង។
លោកស្រីចាត់ទុកថា នេះជាគោលនយោបាយឈ្នះៗទាំងភាគីកម្ពុជា និងចិន ពោលគឺរោងចក្រក៏មានសង្វាក់ផលិតកម្មខ្ពស់ អាចនាំចេញបានច្រើន ចំណែកឯយុវជនកម្ពុជាក៏មានចំណេះជំនាញពិតប្រាកដ អាចប្រកួតប្រជែងតម្រូវការទីផ្សារការងារនាពេលបច្ចុប្បន្ន ឈានទៅសម្រេចគោលដៅក្នុងការប្រែក្លាយកម្ពុជាជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងប្រទេសដែលមានប្រាក់ចំណូលកម្រិតខ្ពស់នៅឆ្នាំ២០៥០។
ក្នុងរយៈពេល ២ឆ្នាំ នៃការរីករាលដាលនៃជំងឺកូវីដ ១៩ កន្លងទៅនេះ អនុរដ្ឋលេខាធិការក្រសួងការងាររូបនេះ ថា យុវជនខ្មែរមានឱកាសតិចតួចណាស់ក្នុងការទទួលបាននូវការបណ្តុះបណ្តាលវិជ្ជាជីវៈ និងជំនាញបច្ចេកទេសផ្សេង។ ដូច្នេះហើយតម្រូវឱ្យមានស្តារ និងបណ្តុះបណ្តាលជំនាញផ្សេងៗទៅដល់យុវជនទាំងនោះ៕
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ