ព័ត៌មានអន្ដរជាតិ
ប្រតិបត្តិការបណ្ដើរ អ៊ីស្រាអែលបញ្ជូនសម្ភារជំនួយឱ្យមន្ទីរពេទ្យធំហ្គាហ្សាបណ្ដើរ
កាលពីថ្ងៃទី១៤ ខែវិច្ឆិកា ទាហានអ៊ីស្រាអែលបានវាយចូលទៅក្នុងមន្ទីរពេទ្យដ៏ធំបំផុតរបស់ហ្គាហ្សា ហើយកំពុងឆែកបន្ទប់ក្នុងអគារ និងបន្ទប់ក្រោមដី ដើម្បីស្វែងរកក្រុមហាម៉ាស ខណៈក្រុមគ្រូពេទ្យ បុគ្គលិកសុខាភិបាល និងអ្នកជំងឺប្រមាណ ៣,០០០នាក់ ហាក់គ្មានសង្ឃឹមអាចចាកចេញនោះទេ។
មន្ទីរពេទ្យ Al Shifa នៅទីក្រុងហ្គាហ្សា បានក្លាយជាគោលដៅសំខាន់នៃប្រតិបត្តិការជើងគោក ដោយកងកម្លាំងអ៊ីស្រាអែល ព្រោះតែជឿជាក់ថា ស្នាក់ការកណ្តាលរបស់ក្រុមយុទ្ធជនហាម៉ាស គឺនៅក្នុងផ្លូវរូងក្រោមដីនៃមន្ទីរពេទ្យនេះ ប៉ុន្តែក្រុមហាម៉ាសបដិសេធ។
អ៊ីស្រាអែលបញ្ចប់ការឡោមព័ទ្ធ ដោយចូលលុកលុយទៅដល់ខាងក្នុងមន្ទីរពេទ្យប្រតិបត្តិការ ដើម្បីស្វែងរកសត្រូវ ប៉ុន្តែនៅតែមិនទាន់មានតម្រុយនៅឡើយទេ។ មុនកងទ័ពអ៊ីស្រាអែលចូលដល់ខាងក្នុង ពួកគេបានសម្លាប់អ្នកប្រយុទ្ធនៅច្រកទ្វារមន្ទីរពេទ្យមួយចំនួនផងដែរ។ យ៉ាងណាមិញ កងទ័ពបាននាំយកសម្ភារៈពេទ្យសម្រាប់អ្នកនៅខាងក្នុង ដើម្បីផ្គត់ផ្គង់សម្ភព អាហារទារក និងឧបករណ៍ថែទាំអ្នកជំងឺ ដែលនាំចូលដោយរថក្រោះ IDF ។
ទោះយ៉ាងណា ស្ថានភាពហាក់មិនល្អឡើយ ព្រោះបើតាមការបញ្ជាក់ពីវេជ្ជបណ្ឌិតវះកាត់លោក Ahmed El Mohallalati បានប្រាប់ថា បុគ្គលិកសុខាភិបាល រួមទាំងអ្នកជំងឺមួយចំនួនកំពុងលាក់ខ្លួន ដោយសារភ័យខ្លាចទ័ពអ៊ីស្រាអែល៕
ប្រែសម្រួល៖ សន្យា
ប្រភព៖ CNA
ចុចអាន៖ កងទ័ពអ៊ីស្រាអែល បើកប្រតិបត្តិការ វាយលុកចូលមន្ទីរពេទ្យធំ នៅ ហ្គាហ្សា ហើយ!
ចុចអាន៖ Aljazeera៖ កងទ័ពអ៊ីស្រាអែល សួរចម្លើយគ្រូពេទ្យ និងអ្នកជំងឺ ម្នាក់ម្តងៗ នៅហ្គាហ្សា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ