សេដ្ឋកិច្ច
ថៃ បញ្ចុះថ្លៃសេវាកម្មផ្សេងៗដល់ ៨០ ភាគរយដើម្បីទាញទេសចរឲ្យគ្រប់តាមគោលដៅ
ថៃបានដាក់ចេញយុទ្ធនាការ “Amazing Thailand Expat Privileges” ដោយផ្តល់ជូនកាដូពិសេសតាមរយៈការបញ្ចុះតម្លៃរហូតដល់ ៨០ ភាគរយលើសេវាកម្មជាច្រើនរួមមាន កន្លែងស្នាក់នៅ ភោជនីយដ្ឋាន សេវាសុខភាព និងការធ្វើដំណើររបស់ទេសចរបរទេសជាដើម ។
នាយកអាជ្ញាធរទេសចរណ៍ថៃ (TAT) លោកស្រី Thapanee Kiatphaibool បាននិយាយថា យុទ្ធនាការនេះមានគោលបំណងជំរុញទេសចរណ៍ក្នុងស្រុក និងជួយសម្រេចបាននូវគោលដៅទេសចរណ៍ឆ្នាំ ២០២៤ ខណៈតាមក្ដីរំពឹងនឹងរកចំណូលសរុបជាង ៨៥ ពាន់លានដុល្លារ ។
សម្រាប់យុទ្ធនាការនេះផងដែរមានកិច្ចសហការជាមួយប្រព័ន្ធទូរសព្ទ True-DTAC ដែលផ្តល់ជូនការបញ្ចុះតម្លៃជាច្រើនពីគ្រឹះស្ថានជាង ២០០ នៅទូទាំងប្រទេស ដើម្បីបម្រើដល់អ្នកប្រើប្រាស់ប្រព័ន្ធរបស់ខ្លួន ដែលរួមមានសណ្ឋាគារ នាវាកម្សាន្ត ភោជនីយដ្ឋាន ស្ប៉ា និងក្លឹបកីឡា ព្រមទាំងសួនទឹកជាដើម ។
នៅក្រោមយុទ្ធនាការនេះទៀតសោត ថៃក៏នឹងអនុញ្ញាតឲ្យភ្ញៀវទេសចរបរទេសចូលទស្សនាឧទ្យានជាតិនៅទូទាំងប្រទេសដោយឥតគិតថ្លៃផងដែរ ចន្លោះពីខែធ្នូ ឆ្នាំ២០២៣ ដល់ខែកុម្ភៈ ឆ្នាំ២០២៤ ។ មិនតែប៉ុណ្ណោះ យុទ្ធនាការនេះក៏កំពុងចែកប័ណ្ណដែលមានទឹកប្រាក់ ៥០០ បាតសម្រាប់ប្រើប្រាស់នៅស្ថានីយ៍ប្រេងឥន្ធនៈ Bangchak ផងដែរ ។
គួរបញ្ជាក់ថា ជនបរទេស និងអ្នកទេសចរអាចប្តូរ និងប្រើប្រាស់ការផ្តល់ជូនកាដូដ៏ពិសេសនេះរហូតដល់ថ្ងៃទី២៩ ខែកុម្ភៈ ឆ្នាំ ២០២៤ ដោយគ្រាន់តែធ្វើការចុះឈ្មោះនៅលើគេហទំព័រសម្រាប់ការបញ្ចុះតម្លៃ ៕
ប្រែសម្រួល៖ នាង រតនៈ
ប្រភព៖ Nation Thailand
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង