ព័ត៌មានជាតិ
សិស្សនៅរស់នៅតំបន់ស្នងអន ទទួលបានសម្ភារៈសិក្សា និងប្រជាពលរដ្ឋជាង១០០គ្រួសារ ទទួលអំណោយពីសប្បុរសជន
សិស្សានុសិស្សប្រមាណ ៥០នាក់ រស់នៅតំបន់ស្នងអន ដែលកំពុងសិក្សានៅសាលាបឋមសិក្សា ទទួលបានសម្ភារ សិក្សាពីសប្បុរសជន រីឯប្រមាណប្រមាណជាង ១៦០ គ្រួសារ ក៏ទទួលគ្រឿងឧបភោគបរិភោព ពីសប្បុរសជនផងដែរ។
នៅថ្ងៃទី២៣ ខែវិច្ឆកា ឆ្នាំ២០២៣, ក្រុមហ៊ុនអាជីវកម្មរ៉ែមាស “ឡេតចេង ម៉ាញនីង ឌីវេឡុបម៉ិន” (Late Cheng Mining) រួមជាមអាជ្ញាធរស្រុកសណ្តាន់ ចុះជួបសំណាលជាមួយសិស្សានុសិស្ស និងប្រជាពលរដ្ឋរស់នៅតំបន់ស្នងអន និងបានចែកជូនសម្ភារសិក្សា និងគ្រឿងឧបភោគបរិភោគ។
ក្នុងឱកាសនោះ លោក ស៊ិន វណ្ណវុឌ្ឍ អភិបាលស្រុកសណ្តាន់លើកឡើងថា សកម្មភាពសប្បុរសធម៌នេះ គឺជាការចូលរួមជាមួយរាជរដ្ឋាភិបាល ក្នុងការលើកស្ទួយជីវភាពរស់នៅរបស់ប្រជាពលរដ្ឋ និងចូលលើកស្ទួយការអប់រំប្រកបដោយ សមធ៌ម ស្របជាមួយចក្ខុវិស័យរបស់ក្រសួងអប់រំយុវជន និងកីឡាផងដែរ។
លោកបន្តថា ការផ្តល់ជូនសម្ភារសិក្សា ក្នុងពេលនេះ ពិតជាបានរួមចំណែកយ៉ាងសំខាន់ក្នុងការសិក្សារបស់ក្មួយៗជាសិស្ស ខណៈដែលឆ្នាំសិក្សា ២០២៣-២០២៤ នឹងចាប់ផ្តើម នៅពេលឆាប់ៗខាងមុខ។ ហើយនេះជាការជួយសម្រាលនូវបន្ទុកចំណាយក្នុងការទិញនូវសម្ភារសិក្សា ព្រោះក្មួយៗ ក្នុងម្នាក់ទទួលបាន ទាំងសម្ពាធ សម្រាប់ដាក់សម្ភារ ប៉ិច និងសៀវភៅសរសេរ។
ចំពោះប្រជាពលរដ្ឋវិញ ក៏ទទួលបាននូវគ្រឿងឧបភោគបរិភោព ដែលមានទាំងអង្ករ និងគ្រឿងទេស ក្នុងការផ្គត់ផ្គង់ជីវភាព កាត់បន្ថយចំណាយបានមួយរយៈ ព្រោះប្រជាពលរដ្ឋខ្លះមានជីវភាពខ្វះខាត ក្រោយពីជួយនូវគ្រោះធម្មជាតិ កាលពីរដូវទឹកជំនន់កន្លងមក។
លោកអភិបាលស្រុកសណ្តាន់ សំណូមពរដល់ក្រុមហ៊ុន សូមយកចិត្តទុកដាក់ដល់បងប្អូនប្រជាពលរដ្ឋ ដែលមានជីវភាពខ្វះខាត ផ្ដល់អំណោយដល់ពួកគាត់ ដើម្បីដោះស្រាយជីវភាពប្រចាំថ្ងៃ ជាបន្តបន្ទាប់ទៀត និង ជួយជួសជុលផ្លូវនៅក្នុងមូលដ្ឋានឱ្យបានល្អងាយស្រួលធ្វើដំណើរប្រកបដោយសុវត្ថិភាព។
ទន្ទឹមជាមួយគ្នានេះ លោកក៏ស្នើរដល់ក្រុមហ៊ុន ជួយធ្វើផ្លូវបន្ថែមនៅតំបន់ដាច់ស្រយាល ដើម្បីប្រជាពលរដ្ឋងាយស្រួលធ្វើដំណើរទៅមក ជាពិសេសកុមារដែលត្រូវធ្វើដំណើរមកកាន់សាលារៀន។
អ្នកសម្របស្រួលក្រុមហ៊ុន “ឡេតចេង ម៉ាញនីង ឌីវេឡុបម៉ិន” (Late Cheng Mining) លោក “Mr. Wei” លើកឡើងផងដែរថា ក្រុមបាននាំយកគ្រឿងឧបភោគបរិភោពចែកជូនដល់ប្រជាពលរដ្ឋ នៅក្នុងឱកាសនេះ មានចំនួន ១៦៣គ្រួសារ ដែលអង្ករសរុបប្រមាណជាង ៣.២០០ គីឡូក្រាម ទឹកត្រី ១៦៣យួរ ទឹកស៊ីអ៊ីវ ១៦៣យួរ ត្រីខកំប៉ុង ១៦៣យួរ និងមី ១៦៣កេះ។
ជាមួយគ្នានេះ សិស្សានុសិស្ស សរុប ៥០នាក់ ទទួលបានសម្ភារសិក្សាសរុប សៀវភៅសរសេរ ៥០០ក្បាល ប៉ិច១០០ដើម ខ្មៅដៃ១០០ដើម។ ក្នុងនោះផងដែរ ក្រុមហ៊ុនជួយជួសជុល អាគារសិក្សាមួយខ្នង ៣បន្ទប់ និងដាក់ក្តារខៀន សរសេរហ្វឺត ចំនួនកប្លេរផងដែរ៕
អត្ថបទ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង