ព័ត៍មានទាន់​ហេតុការណ៏
Search

ក្រុមហ៊ុន GM នឹង​កាត់បន្ថយ​ការធ្វើ​ប្រតិបត្តិការ​នៅ​ឥណ្ឌា និង​នៅ​អា​ហ្រ្វិក​ខាងត្បូង​ ​

​ក្រុមហ៊ុន General Motors Co មាន​ផែនការ​ដើម្បី​បោះបង់​ការលក់​រថយន្ត​នៅ​ប្រទេស​ឥណ្ឌា នៅ​ដំណាច់​នៃ​ឆ្នាំនេះ ហើយនឹង​លក់​ការធ្វើ​ប្រតិបត្តិការ​នៅ​ប្រទេស​ទ​អាហ្វ្រិក​ខាងត្បូង​ជា​ជំហាន​ចុងក្រោយ​បំផុត​នៅក្នុង​យុទ្ធសាស្ត្រ​មួយ​នៃ​ការផ្តោត​ការយកចិត្តទុកដាក់​ទៅលើ​បញ្ហា​ប្រាក់ និង​ការខិតខំ​ទៅលើ​បញ្ហា​វិស្វកម្ម និង​ទីផ្សារ​ដែល​អាច​ទទួលបាន​ផលចំណេញ​ថែមទៀត​។​

​ក្រុមហ៊ុន​ផលិត​រថយន្ត​នៅ​ទីក្រុង Detroit នេះ​បាន​និយាយ​នៅ​ថ្ងៃ​ព្រហស្បតិ៍​ ទី​១៨ ខែឧសភា​ថា ខ្លួន​នឹង​គិត​តម្លៃ​ ៥០០​លាន​ដុល្លារ​នៅ​ត្រីមាស​ទី​២​ ដើម្បី​រៀបចំ​រចនាសម្ព័ន្ធ​ប្រតិបត្តិការ​នៅ​ប្រទេស​ឥណ្ឌា អាហ្វ្រិក និង​សិង្ហ​បុរី​។ GM នឹង​លុបចោល​ភាគច្រើន​នៃ​ផែនការ​វិនិយោគ​១​ពាន់​លាន​ដុល្លារ ដើម្បី​កសាង​នូវ​បណ្តាញ​ថ្មី​នៃ​រថយន្ត​តម្លៃ​ទាប​នៅ​ប្រទេស​ឥណ្ឌា​។ ក្រុមហ៊ុន GM បាន​និយាយថា ប្រហែល​២០០​លាន​ដុល្លារ​នៃ​ការគិត​តម្លៃ​នេះ គឺជា​ការចំណាយ​ជា​សាច់ប្រាក់​។ ទង្វើ​នេះ​នឹងត្រូវ​បាន​គេ​រំពឹងថា នឹង​សន្សំសំចៃ​បាន​១០០​លាន​ដុល្លារ​នៅក្នុង​មួយឆ្នាំ នៅក្នុង​វិស័យ​ធ្វើ​អាជីវកម្ម​នៅលើ​ពិភពលោក​របស់ GM ដែល​កាលពី​ឆ្នាំកន្លងមក​បាន​ខាតបង់​ប្រហែល​៨០០​លាន​ដុល្លារ​។ ក្រុមហ៊ុន​បាន​និយាយ​ដូច្នេះ​។​

​ប្រធាន​របស់​ក្រុមហ៊ុន GM លោក Dan Ammann បាន​និយាយប្រាប់​ទីភ្នាក់ងារ​ព័ត៌មាន Reuters នៅក្នុង​ការធ្វើ​សម្ភាសន៍​មួយ​ថា ទង្វើ​នៃ​ការរៀបចំ​រចនាសម្ព័ន្ធ​ជាថ្មី​ចុងក្រោយ​បំផុត និង​ការសម្រេច​នៅពេល​ថ្មីៗ​នេះ​ជា​បន្តបន្ទាប់ ដើម្បី​ចាកចេញ​ពី​ទីផ្សារ​ដែល​មិន​ផ្តល់​ផលចំណេញ​នេះ​ធ្វើ​ឲ្យ GM ប្រមូលបាន​ប្រាក់​ថែមទៀត និង​ការខិតខំ​ខាង​វិស្វកម្ម និង​ពេលវេលា​នៃ​ការគ្រប់គ្រង​ធំ​ជាង​ទៅលើ​ការចំណាយ​នៅ​កន្លែង​ដែល​ក្រុមហ៊ុន​ខ្លាំង​រួមទាំង​អាជីវកម្ម​រថយន្ត​ឥត​ដំបូល​ក្រោយ និង​រថយន្ត SUV នៅ​ប្រទេស​ចិន និង​នៅ​អា​មេរិ​ក​ខាងជើង​នោះ​ផង​ជា​កន្លែង​ដែល GM មាន​ផលិតផល​ដ៏​ថ្មីស្រឡាង​មកដល់​នោះ​។​



​ក្រុមហ៊ុន GM ក៏បាន​និយាយ​ផងដែរ​ថា ខ្លួន​កំពុងធ្វើកា​រវិ​និ​យោ​គប្រ​ហែល ​៩០០​លាន​ដុល្លារ​នៅក្នុង​មួយឆ្នាំ​នៅក្នុង​ការខិតខំ​មួយ ​ដើម្បី​អភិវឌ្ឍ​រថយន្ត​ស្វ័យប្រវត្តិ និង​សេវា​ដឹកជញ្ជូន​។ ក្រុមហ៊ុន GM ដូច​គូប្រឆាំង​របស់ខ្លួន​នៅ Detrot នោះដែរ គឺ​ក្រុមហ៊ុន Ford Motor Co បាន​រកឃើញថា កាន់​តែមាន​សភាព​ថ្លៃ​ឡើងៗ ​ដើម្បី​ប្រកួតប្រជែង​នៅក្នុង​ទីផ្សារ​ដែល​កំពុង​ងើបឡើង​នៅ​ខាងក្រៅ​ប្រទេស​ចិន​។​

ក្រុមហ៊ុន GM លក់​រថយន្ត​បានតែ​ចំនួន ​៤៩០០០​គ្រឿង​នៅ​ប្រទេស​ឥណ្ឌា និង​ប្រទេស​អាហ្វ្រិក​ខាងត្បូង​រួមបញ្ចូល​គ្នា​នៅក្នុង​ឆ្នាំកន្លងមក​។​
​ ​
នាយក​ប្រតិបត្តិ​លោកស្រី Mary Barra បានធ្វើ​ដំណើរ​ទៅ​ទីក្រុង​ញូវដែល្លី នៅក្នុង​ឆ្នាំ​២០១៥ ដើម្បី​ប្រកាស​នូវ​ផែនការ​មួយ​ដើម្បី​វិនិយោគ​១​ពាន់​លាន​ដុល្លារ​នៅ​ទីនោះ ដើម្បី​កសាង​នូវ​បណ្តាញ​ថ្មី​មួយ​នៃ​គំរូ​រថយន្ត Chevrolet ដែលជា​ផ្នែក​មួយ​នៃ​ការអភិវឌ្ឍ​កម្មវិធី​រថយន្ត​នៅ​ទីផ្សារ​ដែល​កំពុង​ងើបឡើង​នៅលើ​ពិភពលោក ដែល​ហៅ​កាត់​ថា GEM​។ ចាប់តាំងពី​ពេលនោះ​មក​ការលក់​រថយន្ត​ជា​សរុប​នៅ​ឥណ្ឌា​បាន​ធ្លាក់ចុះ ហើយ​ក្រុមហ៊ុន GM បាន​បរាជ័យ​ក្នុងការ​ទទួលបាន​នូវ​ការទាក់ទាញ​ប្រឆាំងនឹង​ក្រុមហ៊ុន​កំពុងកាន់​តំណែង​ដូចជា Maruti Suzuki India ជាដើម​។​
​ ​
ឥឡូវនេះ​ក្រុមហ៊ុន GM មាន​ផែនការ​ដើម្បី​បញ្ឈប់​ការលក់​រថយន្ត​ម៉ា​ក Chevrolet នៅ​ដំណាច់​នៃ​ឆ្នាំនេះ ហើយ ​និង​ផលិត​តែ​រថយន្ត​ ដើម្បី​នាំចេញ​នៅ​រោងចក្រ​នៅសល់​របស់ខ្លួន​នៅ Talegaon​។ បច្ចុប្បន្ន​ក្រុមហ៊ុន​នេះ​ប្រើ​បុគ្គលិក​ចំនួន​ ២៥០០​នាក់​នៅ​ទីនោះ​៕
Reuters



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684