ព័ត៍មានទាន់​ហេតុការណ៏
Search

ក្រុមហ៊ុន Cisco នឹង​បញ្ឈប់​បុគ្គលិក​ចំនួន​ ១១០០​នាក់​ទៀត​

​ក្រុមហ៊ុន Cisco System Inc. (​ក្រុម​ហ៊ុ​ន​ព័ត៌មានវិទ្យា​) បាន​និយាយថា ខ្លួន​នឹង​បញ្ឈប់​និយោជិត​១១០០​នាក់​ផ្សេងទៀត និង​ព្យាករ​​អំពី​ការធ្លាក់ចុះ​មួយ​នៅក្នុង​ប្រាក់ចំណូល​ប្រចាំត្រីមាស​នៅពេលដែល​ក្រុមហ៊ុន​បង្កើតជា​បណ្តាញ​នេះ​ត្រូវតែ​ដោះស្រាយ​ការប្តូរ​ទីផ្សារ​នោះ រួមទាំង​អតិថិជន​ដែល​ចូលចិត្ត Software ជាង Hardware (​ផ្នែក​រឹង​នៃ​កម្មវិធី​កុំព្យូទ័រ​) នោះ​ផង​។​

ការ​កាត់​បុគ្គលិក​នៅពេល​ថ្មីៗ​នេះ​ បាន​ពង្រីក​ផែនការ​រៀបចំ​រតនា​សម្ព័ន្ធ​ជាថ្មី​ពីមុន ដែល​ត្រូវ​បាន​ប្រកាស​កាលពី​ខែ​សីហា​កន្លងមក ដើម្បី​កាត់បន្ថយ​ការងារ​ចំនួន​ ៥៥០០​ដំឡើង ឬ​៧​ភាគរយ​នៃ​កម្លាំង​ពលកម្ម​របស់ Cisco នៅពេលនោះ​។ យោងទៅតាម​ឯកសារ​មួយ​របស់​ក្រុម​ហ៊ុន​បាន​ឲ្យ​ដឹង​ថា ការ​រាប់​ចំនួន​បុគ្គលិក​របស់ Cisco នៅ​ថ្ងៃ​ទី​២៨ ខែ​មករា នៅ​ចំ​ពេល​ការកាត់បន្ថយ​នៅ​ជុំ​ទី​១ គឺមាន​ចំនួន​ ៧១៩៥៩​នាក់​។​

ភាគហ៊ុន​របស់ Cisco បាន​ធ្លាក់ចុះ​៧,៤​ភាគរយ​ទៅដល់​ ៣១,៣៣​ដុល្លារ បន្ទាប់ពី​ការ​ជួញដូរ​រាប់​ម៉ោង​នោះ​មក នៅ​ពេល​ដែល​ក្រុមហ៊ុន​ក៏បាន​និយាយ​ផងដែរ​ថា ប្រាក់ចំណូល​ក៏បាន​ធ្លាក់ចុះ​នៅ​ត្រីមាស​ទី​៣​នៃ​ឆ្នាំសារពើពន្ធ​នោះដែរ ហើយនឹង​ធ្លាក់​កាន់តែខ្លាំង​ថែមទៀត​រហូតដល់​ចំនួន​ពី​៤​ភាគរយ​ទៅដល់​៦​ភាគរយ​នៅក្នុង​ត្រីមាស​ទី​៤​។ ក្រុមហ៊ុន Cisco ដែល​បាន​បញ្ចេញ​ឲ្យ​ដឹង​នូវ​ការបញ្ឈប់​បុគ្គលិក​នៅក្នុង​របាយការណ៍​រកប្រាក់​ចំ​ណូល​ប្រចាំត្រីមាស​របស់ខ្លួន​នោះបាន​និយាយថា ខ្លួន​បាន​ត្រៀម​ទុក​តម្លៃ​បន្ទុក​ចំនួន​ ៦១៤​លាន​ដុល្លារ​សម្រាប់​រយៈពេល​ ៩​ខែ​ដំបូង​នៃ​ឆ្នាំសារពើពន្ធ និង​សង្ឃឹមថា នឹង​ត្រៀម​ទុក​ចំនួន​ ១៥០​លាន​ដុល្លារ​ទៅ​២០០​លាន​ដុល្លារ​ថែមទៀត​នៅក្នុង​អំឡុង​ត្រីមាស​ទី​៤​។​


​ ​
នាយក​ប្រតិបត្តិ​របស់ Cisco លោក Chuck Robbins តែ​កំពុង​ព្យាយាម​ដើម្បី​ប្តូរ​អាជីវកម្ម​ពី Hardware ទៅ Software (​ផ្នែក​ទន់​នៃ​កម្មវិធី​កុំព្យូទ័រ​) វិញ និង​សេវាកម្ម​ផ្សេងៗ​ទៀត​។ ក្រុមហ៊ុន​កំពុងតែ​រក​ចំណូល​នៅក្នុង​វិស័យ​ទាំងឡាយ​ដូច​ជាស​និ្ត​សុខ​ជាដើម ប៉ុន្តែ​ខ្លួន​បាន​ប្រឈម​នឹង​ការចំណាយ​ទៅលើ​អតិថិជន​ខ្សោយ​នៅក្នុង​អាជីវកម្ម Hardware បង្កើតជា​បណ្តាញ​ព័ត៌មាន​ស្នូល​របស់ខ្លួន​នោះ​។

នៅក្នុង​បទសម្ភាសន៍​មួយ​លោក Robbins បាន​សង្កត់​ថា លោក​កំពុងតែ​បង្កើន​ប្រាក់ចំណូល​ទាក់ទង​ទៅនឹង Software និង​អាជីវកម្ម​ជាវ​។ ផ្សារ​ហ៊ុន Waal Street បាន​ទំនោរ​ទៅរក​ក្រុមហ៊ុន​មានតម្លៃ​ខ្ពស់​ថែមទៀត​ភាគច្រើន​ជាមួយ Software និង​ចំណូល​ពី​ការ​ជាវ​ច្រើនជាង​ក្រុមហ៊ុន Hardware​។ វា​បានធ្វើ​ឲ្យ​ខ្ញុំ​ចំណាយពេល​អស់​ជាច្រើន​ត្រីមាស​ដើម្បី​ទទួលបាន​នូវ​ក្រុម​មួយ​ដើម្បី​យល់ថា យើង​កំពុងតែ​ប្តូរ​ទៅកាន់​របៀប​នេះនោះ​។​
​ ​
ទាក់ទង​នឹង​ការបញ្ឈប់​បុគ្គលិក លោក Robbins បាន​បញ្ជាក់ថា ចំនួន​បុគ្គលិក​របស់ Cisco គឺ​ពិតជា​ខ្ពស់ជាង​ចំនួន​ដែល​ខ្លួន​បានប្រកាស​នៅពេល​ដំបូង​នៃ​កម្មវិធី​រៀបចំ​រចនាសម្ព័ន្ធ​ជាថ្មី​កាលពី​ខែសីហា​កន្លងមក​។ នៅ​អា​មេ​រិ​ក​ក្រុមហ៊ុន Cisco កំពុង​ប្រឈម​នឹង​ឧបសគ្គ​អំពី​អ្នកផ្តល់​សេវា និង​ទីផ្សារ​ដែល​កំពុង​ងើបឡើង​ដែល​កាន់​តែមាន​សភាព​អាក្រក់​នៅក្នុង​ត្រីមាស​ទី​៣​។ បញ្ហា​ថ្មី​មួយ​នៅ​អាមេរិក គឺ​វិស័យ​សាធារណៈ​ដែល​ត្រូវបាន​បញ្ឈប់​ដោយសារ​ពុំមាន​ថវិកា​ដែល​គេ​អាច​មើលឃើញ​ជាក់ស្តែង​។ ប្រធាន​មន្ត្រី​ហិរញ្ញវត្ថុ​លោក Kelly Kramer បាន​និយាយ​ដូច្នេះ​នៅក្នុង​ការហៅ​ទូរស័ព្ទ​ជាមួយ​វិនិយោគិន​៕
WSJ

​​



ប្រសិនបើ លោក លោកស្រីចង់ចែករំលែកនូវព័ត៌មានទាន់ហេតុការណ៍ផ្សេងៗ សូមផ្ញើ អ៊ីម៉ែលមកកាន់អាសយដ្ឋានដូចដែលបានបង្ហាញខាងក្រោម។ សម្រាប់ការផ្សាយពាណិជ្ជកម្មលើគេហទំព័រនេះ សូមទំនាក់ទំនងតាមលេខទូរស័ព្ទៈ 016 877 684