ព័ត៌មានអន្ដរជាតិ
ចិន បញ្ជាឲ្យពិនិត្យសុខភាពប្រចាំថ្ងៃ នៅតាមសាលារៀន ខណៈករណីជំងឺផ្លូវដង្ហើម កើនឡើងខ្លាំង
ចំពេលមានការកើនឡើងនៃជំងឺផ្លូវដង្ហើម ក្នុងចំណោមកុមារ, ក្រសួងអប់រំចិន នៅថ្ងៃអង្គារទី៥ខែធ្នូ បានសម្រេចចេញបញ្ជាឲ្យដាក់ប្រើប្រាស់នូវប្រព័ន្ធតាមដានជំងឺរាតត្បាតនៅតាមសាលារៀន និងមត្តេយ្យ ដើម្បីត្រួតពិនិត្យសុខភាពប្រចាំថ្ងៃ។
លើសពីនេះ គណៈកម្មាធិការសុខភាពជាតិចិន (NHC) ក៏បញ្ជាឲ្យធ្វើទំនើបកម្មបរិក្ខារពេទ្យ និងបង្កើនម៉ោងធ្វើការផងដែរប្រសិនបើចាំបាច់ ដើម្បីប្រឆាំងការកើនឡើងនៃជំងឺផ្លូវដង្ហើម។
យោងតាមក្រសួង, “ជារឿងចាំបាច់ណាស់ ដែលត្រូវជំរុញការបង្កើតប្រព័ន្ធតាមដានជំងឺរាតត្បាត ផ្តោតលើការដាក់ប្រព័ន្ធពិនិត្យរាងកាយពេលព្រឹក និងពេលរសៀលនៅសាលាបឋមសិក្សា និងមធ្យម ក៏ដូចជានៅតាមសាលាមត្តេយ្យ ព្រមទាំងណែនាំឲ្យដាក់ប្រព័ន្ធរាយការណ៍អំពីស្ថានភាពជំងឺរាតត្បាត ក៏ដូចជា ប្រព័ន្ធមួយដើម្បីចុះអវត្តមានសិស្សដោយសារជំងឺផងដែរ”។
មិនត្រឹមប៉ុណ្ណឹង មន្ត្រីគ្រប់គ្រងសាលា ក៏ត្រូវបានណែនាំឲ្យសហការ និងពិគ្រោះយោបល់ជាមួយអាជ្ញាធរសុខាភិបាលមូលដ្ឋានទៀតផង ចំណែកគ្រូៗ បានទទួលការណែនាំឲ្យប្រើប្រាស់បណ្តាញសង្គម ដើម្បីទាក់ទងជាមួយកូនសិស្សដែលមិនបានមករៀន។
នៅពាក់កណ្តាលខែតុលា NHC បានរាយការណ៍អំពីការកើនឡើងនៃជំងឺផ្លូវដង្ហើម ក្នុងប្រទេស ខណៈអាជ្ញាធរសន្មតថា ការកើនឡើងនេះ គឺដោយសារតែការដកបម្រាមរឹតត្បិតជំងឺកូវីដ១៩ និងការរីករាលដាលនៃមេរោគផ្សេងៗ។ ហើយមកដល់ចុងខែវិច្ឆិកា ករណីជំងឺរលាកសួត មិនចេញរោគសញ្ញា បានហក់ឡើងខ្ពស់ក្នុងចំណោមកុមារ នៅភាគខាងជើងប្រទេសចិន។
កាលពីសប្តាហ៍មុន ភ្នាក់ងាររុស្ស៊ី Rospotrebnadzor និយាយថា ប្រទេសចិនមានការកើនឡើងនៃករណីជំងឺរលាកសួត ជាពិសេសក្នុងចំណោមកុមារនៅទីក្រុងប៉េកាំង និងខេត្ត Liaoning ក៏ដូចជាជំងឺគ្រុនផ្តាសាយផងដែរ។
ភ្នាក់ងារឃ្លាំមើលខាងលើបញ្ជាក់ថា មូលហេតុចម្បងនៃជំងឺរលាកសួតនេះ គឺបណ្តាលមកពីបាក់តេរី mycoplasma ដែលកើតឡើងជាវដ្ត ហើយឈានដល់កម្រិតកំពូលរៀងរាល់៣ទៅ៧ឆ្នាំម្តង៕
ប្រែសម្រួល៖ Vann Vann
ប្រភព៖ Sputnik
ចុចអាន៖ តៃវ៉ាន់ ជំរុញឲ្យកុមារនិងមនុស្សចាស់ កុំធ្វើដំណើរទៅចិន ព្រោះជំងឺផ្លូវដង្ហើម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ