កីឡា
ព្រំ សំណាង ប្រាប់ថា ជីវិតសព្វថ្ងៃប្រៀបដូចជាការយល់សប្តិ
ជីវិតរបស់កីឡាករប្រដាល់គុនខ្មែរ ព្រំ សំណាង បានផ្លាស់ប្តូរស្ទើរទាំងស្រុងនៅក្នុងរយៈពេលប្រមាណ៣ឆ្នាំចុងក្រោយដែលបានធ្វើឲ្យរូបគេស្ទើរតែមិនគួរឲ្យជឿពីជីវិតរបស់ខ្លួនមានថ្ងៃនេះ។
ព្រំ សំណាង ដែលចាប់ផ្តើមឡើងកូដខ្លាំងពេលចេញទៅប្រកួតនៅសង្វៀន Thai Fight កាលពីដើមឆ្នាំ២០២៣ បានរៀបរាប់ថា ប៉ុន្មានឆ្នាំចុងក្រោយមិននឹកស្មានខ្លួនឯងមានអ្វីគ្រប់យ៉ាងចាប់តាំងពីបានទៅប្រកួតនៅប្រទេសថៃក៏ចាប់ផ្តើមល្បី និងទទួលបានការឧបត្ថម្ភថវិកាជាបន្តបន្ទាប់។
កីឡាករមកពីខេត្តកំពង់ស្ពឺបាននិយាយថា ៖«មកពីសំណាងដូចឈ្មោះរបស់ខ្ញុំក៏ថាបាន។ ណាមួយគេមើលឃើញពីជីវិតខ្ញុំតស៊ូ វេទនារបស់ខ្ញុំច្រើនណាស់។ បើរៀបរាប់ពីជីវិតវេទនារបស់ខ្ញុំគេស្តាប់នឹងស្រក់ទឹកភ្នែក។ គេមើលងាយ គ្មានផ្ទះរស់នៅសមរម្យ គេមិនឲ្យតម្លៃទេការងារមិនច្បាស់លាស់»។
«ពីមុនរកតែលុយ៥០០រៀលទិញការ៉ែមឲ្យកូនក៏គ្មាន។ អីចឹងហើយឥឡូវនេះឃើញគេអត់ ខ្ញុំាអាណិតណាស់ ខ្ញុំក៏ឆ្លៀតដាក់ទាន១ម៉ឺន ២ម៉ឺន ព្រោះនឹកឃើញពេលខ្ញុំអត់។ សូម្បីតែខ្ចីលុយគេ៥០០រៀលពេលមានឃើញគេលក់ការ៉ែម ចង់ទិញឲ្យកូន យើងមានតែចាប់កូនចូលផ្ទះ»។ កីឡាករបានរៀបរាប់។
ព្រំ សំណាង បន្តថា កាលពីមុនខ្លួនគ្មានការងារធ្វើមិនច្បាស់ទេ សូម្បីប្រដាល់ក៏មិនទៀងទាត់។ ជូនកាលបានឡើងប្រកួត ប៉ុន្តែហ្វឹកហាត់មិនដិតដល់ និងមានបញ្ហាជាមួយក្លិបចាស់ផង ប៉ុន្តែចាប់តាំងពីចេញទៅប្រកួតនៅថៃមក អ្នកគាំទ្រ ឯកឧត្តម ឧកញ៉ា លោកជំទាវ បានជួយឧបត្ថម្ភច្រើនណាស់ចាប់តាំងពី១ដុល្លារក៏ពួកគាត់ផ្ញើឲ្យដែរ។
«ប្រៀបធៀបជីវិតពីមុនខុសគ្នាខ្លាំងណាស់។ ពីមុនយើងហាត់ផង នឹកឃើញដល់ប្រពន្ធកូនបានអ្វីហូប បានអីសងគេ។ តើអនាគតយើងទៅជាយ៉ាងណា បើយើងនៅតែបន្តវេទនាបែបនេះ? មិននឹកស្មានថា ខ្លួនឯងមានថ្ងៃនេះ ដូចយល់សប្តិអីចឹង។ រាល់ថ្ងៃនេះស្មានតែខ្លួនឯងយល់សប្តិតើ ពីព្រោះពីមុនគ្មានអ្វីសោះ តែឥឡូវនេះមានអ្វីៗគ្រប់យ៉ាងសម្រាប់រស់នៅ»។
សព្វថ្ងៃ ព្រំ សំណាង មានផ្ទះ រថយន្ត និងហាងកាត់សក់ មានដី ជាទាហាន ហើយមានការងារជាទូតសុច្ឆន្ទៈឲ្យប៊ូសស្ត្រងដែលធ្វើឲ្យរូបគេរកចំណូលបានរាប់ពាន់ដុល្លាររាល់ការប្រកួតម្តងៗ។ រូបគេបានឈ្នះខ្សែក្រវាត់ជាច្រើនក្នុងរយៈពីរឆ្នាំចុងក្រោយដូចជាខ្សែក្រវាត់គុនខ្មែរអន្តរជាតិ KIFខ្សែក្រវាត់អន្តរជាតិ Thai Fight ខ្សែក្រវាត់គ្រុឌគុនខ្មែរអន្តរជាតិ ខ្សែក្រវាត់គុនខ្មែរពិភពលោក តេជោសន្តិភាព មេដាយមាសស៊ីហ្គេម ឆ្នាំ២០២៣ និងខ្សែក្រវាត់ក៏ដូចជាពានរង្វាន់ជាច្រើនទៀត៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)