ព័ត៌មានអន្ដរជាតិ
រកឃើញវាលស្រែអាយុកាល ៥៥០០ឆ្នាំ នៅប្រទេស ចិន
ក្រុមបុរាណវិទូ បានរកឃើញទីតាំងទំហំ១០០០ម៉ែត្រការ៉េ នៅក្នុងតំបន់វប្បធម៌ Hemudu នៃទីក្រុង Ningbo ដោយនេះលាតត្រដាងពីប្រព័ន្ធធារាសាស្រ្តសម័យបុរាណ សំណល់នៃការដាំដុះស្រូវ និងព័ស្តុតាងនៃជីវភាពរស់នៅរបស់ប្រជាជន ក្នុងតំបន់ទន្លេ Yangtze ខាងក្រោម ហើយអ្វីដែលចាប់អារម្មណ៍បំផុតគឺថា ការរកឃើញបុរាណវត្ថុយុគថ្មរំលីង នៅក្នុងខេត្ត Zhejiang ភាគខាងកើតប្រទេសចិន បានបង្ហាញពីវាលស្រែបុរាណ ដែលមានអាយុកាលប្រមាណពី ៥៣០០ទៅ៥៥០០ឆ្នាំ។
ការរកឃើញនេះ ក៏រៀបរាប់អំពីសកម្មភាពរបស់មនុស្សសម័យនោះ ដូចដែលរាយការណ៍ដោយបណ្ឌិត្យសភាស្រាវជ្រាវទីក្រុង Ningbo ផ្នែកគ្រប់គ្រងបេតិកភណ្ឌវប្បធម៌ ដែរ។
ក្នុងអំឡុងពេលនៃការជីកកកាយ បុរាណវិទូបានរកឃើញពំនូកចំនួន៣ អណ្តូង៩ និងដាននៃស្រូវនិងស្មៅ។ ពួកគេក៏បានរកឃើញប្រព័ន្ធធារាសាស្ត្រ និងប្រព័ន្ធលូ និងផ្លូវដែលតភ្ជាប់វាលស្រែទៅផ្ទះអ្នកស្រុកផងដែរ។
ការសិក្សាបង្ហាញថា រណ្តៅទាំងនេះគឺជាលទ្ធផលនៃជីកយកផ្លូវទឹក ដើម្បីភ្ជាប់ទៅប្រឡាយជុំវិញ ហើយវាបង្ហាញឲ្យឃើញនូវប្រព័ន្ធកសិកម្មសម័យបុរាណដ៏ទូលំទូលាយ ហើយផ្តល់ជាចំណេះដឹងសំខាន់ៗ អំពីបច្ចេកទេសកសិកម្ម នៅក្នុងតំបន់វាលទំនាប។
វប្បធម៌ Hemudu ដែលមានដើមកំណើតមកពីទីប្រជុំជន Hemudu នៃទីក្រុង Ningbo គឺជាអរិយធម៌បុរាណមួយ ដែលល្បីល្បាញដោយសារការរីកចម្រើនផ្នែកកសិកម្ម និងសំណង់អគារដ៏ទាក់ភ្នែក។
កាលពីខែធ្នូឆ្នាំ២០២០ ប្រព័ន្ធផ្សព្វផ្សាយចិនបានរាយការណ៍ថា ក្រុមបុរាណវិទូបានរកឃើញវាលស្រែចំណាស់ជាងគេបំផុតរបស់ពិភពលោកនៅតំបន់ Yuyao នៃខេត្ត Zhejiang ប្រទេសចិន ដែលមានអាយុកាលប្រហែល៦៣០០ឆ្នាំ។
មានទីតាំងនៅ Shi’ao ក្បែរតំបន់ Hemudu, វាលស្រែបុរេប្រវត្តិទាំងនេះ បានគ្របដណ្តប់លើផ្ទៃដីប្រហែល៩០០០០០ម៉ែត្រការ៉េ៕
ប្រែសម្រួល៖ Vann Vann
ប្រភព៖ Sputnik
ចុចអាន៖ ភ្ជួរស្រែប្រទះឃើញគ្រាប់មីន ខ្នាត១២០អុក មិនទាន់ផ្ទុះនៅកណ្តាលវាលស្រែ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត