ព័ត៌មានអន្ដរជាតិ
លោក ចូ បៃដិន ប្រកាសផ្តល់ជំនួយ ២០០លានដុល្លារទៀត ឲ្យអ៊ុយក្រែន
ប្រធានាធិបតីអាមេរិកលោក ចូ បៃដិន បានយល់ព្រមផ្តល់ជំនួយយោធាបន្ទាន់ក្នុងទំហំទឹកប្រាក់ ២០០លានដុល្លារទៀតដល់ប្រទេសអ៊ុយក្រែន។ លោកបានប្រកាសបែបនេះ ក្នុងអំឡុងកិច្ចប្រជុំនៅការិយាល័យ Oval ជាមួយប្រធានាធិបតីអ៊ុយក្រែន វ្ល៉ាឌីមៀរ ហ្សេលេនស្គី កាលពីថ្ងៃអង្គារទី១២ខែធ្នូ។
កិច្ចប្រជុំនេះកើតឡើង បន្ទាប់ពីសេចក្តីព្រាងច្បាប់ដែលមានបំណងផ្តល់ជំនួយចំនួន៦០ពាន់លានដុល្លារសម្រាប់ទីក្រុងកៀវ ត្រូវបានរារាំងនៅក្នុងព្រឹទ្ធសភាអាមេរិកកាលពីសប្តាហ៍មុន ខណៈគណបក្សសាធារណរដ្ឋ ទាមទារឲ្យគណបក្សប្រជាធិបតេយ្យ ត្រូវរឹតបន្តឹងលើការគ្រប់គ្រងអន្តោប្រវេសន៍នៅតាមព្រំដែនភាគខាងត្បូងសហរដ្ឋអាមេរិកជាមុនសិន ជាថ្នូរនឹងការអនុម័តជំនួយអ៊ុយក្រែន។
ថ្លែងទៅកាន់អ្នកសារព័ត៌មានបន្ទាប់ពីកិច្ចប្រជុំកាលពីថ្ងៃអង្គារ លោក បៃដិន ទទូចថា សភានឹងផ្តល់មូលនិធិបន្ថែមសម្រាប់អ៊ុយក្រែន ហើយការបរាជ័យចំពោះរឿងនេះ នឹងក្លាយជា កាដូបុណ្យណូអែលដ៏ធំបំផុត សម្រាប់ប្រធានាធិបតីរុស្ស៊ីលោក វ្ល៉ាឌីមៀរ ពូទីន។
លោក បៃដិន បន្តថា “ការសម្រេចចិត្តដែលយើងធ្វើនៅពេលនេះ នឹងកំណត់អនាគតសម្រាប់ទសវត្សរ៍ខាងមុខ ជាពិសេសនៅតំបន់អឺរ៉ុប”។
គួរបញ្ជាក់ថា ជំនួយចុងក្រោយតម្លៃ២០០លានដុល្លារដែលប្រកាសដោយលោក បៃដិន គឺនឹងបានតាមរយៈការប្រើសិទ្ធិអំណាចរបស់ប្រធានាធិបតី (PDA) ដែលអនុញ្ញាតឲ្យរដ្ឋបាលលោក បៃដិន ផ្ទេរអាវុធពីស្តុកអាមេរិកដោយមិនចាំបាច់មានការយល់ព្រមពីសភា ក្នុងករណីបន្ទាន់។
កញ្ចប់នេះនឹងរួមបញ្ចូលគ្រាប់សម្រាប់ប្រព័ន្ធមីស៊ីល HIMARS, កាំជ្រួចប្រឆាំងវិទ្យុសកម្មល្បឿនលឿន, ប្រព័ន្ធប្រឆាំងរថពាសដែក, គ្រាប់កាំភ្លើងធំ, មីស៊ីល, គ្រាប់រំសេវ, គ្រាប់កាំភ្លើងធុនតូច៤លានគ្រាប់, ម៉ាស៊ីនភ្លើង និងឧបករណ៍ផ្សេងទៀត ក៏ដូចជាគ្រឿងបន្លាស់នានា។
សហរដ្ឋអាមេរិកបានបញ្ជូនជំនួយជាង ១០០ ពាន់លានដុល្លារដល់ទីក្រុងកៀវរួចទៅហើយ ចាប់តាំងពីជម្លោះជាមួយរុស្ស៊ីផ្ទុះឡើង ក្នុងនោះបូករួមទាំងជំនួយយោធា ក៏ដូចជាសាច់ប្រាក់ ដើម្បីជំរុញរូបិយប័ណ្ណអ៊ុយក្រែន ព្រមទាំងការផ្តល់ប្រាក់សោធននិវត្តន៍ និងប្រាក់ខែដល់មន្ត្រីរដ្ឋផងដែរ៕
ប្រែសម្រួល៖ Vann Vann
ប្រភព៖ RT
ចុចអាន៖ លោក ហ្សេលេនស្គី អង្វរករសុំជំនួយយោធាពីអាមេរិក មុនជំនួបជាមួយលោក បៃដិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី