ព័ត៌មានជាតិ
អ្នកនេសាទនៅខេត្តស្ទឹងត្រែងម្នាក់ លក់ត្រីមួយក្បាលបានជាង១លាន៣០ម៉ឺនរៀល
ត្រីទឹកសាបនៅខេត្តស្ទឹងត្រែង ដែលប្លែកពីត្រីទឹកសាបនៅទូទាំងប្រទេសកម្ពុជា មានបីប្រភេទប្រភេទ ទី១.ត្រីប៉ាសេអុី ទី២.ត្រីប៉ាវ៉ាមុខពីរ ឬហៅថា (ត្រីមុខបាក់) និងប្រភេទទី៣.ជាប្រភេទត្រីប៉ាវ៉ាមុខ១ ត្រីដែលល្បីថា ឆ្ងាញ់ជាងគេ គឺត្រីប៉ាសេអ៉ី តែពុំមានមួយក្បាលដល់ជាងមួយលានរៀលនោះទេ។ ដោយឡែកត្រីទាំងបីប្រភេទនេះ មានមួយប្រភេទ គឺត្រីប៉ាវ៉ាមុខពីរ មានទម្ងន់១ក្បាលរហូតដល់ទៅជិត១០គីឡូ និងមានតម្លៃមួយក្បាលរហូតដល់ទៅជាង១លានរៀល។
អ្នកនេសាទបាននិយាយថា ត្រីទាំងបីប្រភេទនេះ ត្រីប៉ាសេអ៉ី ដែលល្បីថាថ្លៃហើយឆ្ងាញ់ពិសេដជាងគេក៏មិនមានតម្លៃរហូតដល់មួយក្បាលជាងមួយលានរៀលដែរ ដែលវាមានទម្ងន់បានត្រឹមតែមួយគីឡូទៅជាង២គីឡូក្រោមប៉ុណ្ណោះ។ ហើយតម្លៃមួយក្បាលក៏មិនខ្ពស់ជាងត្រីប៉ាវ៉ាមុខពីរដែរ។ ដោយឡែកត្រីប៉ាវ៉ាមុខពីរក៏ឆ្ងាញ់មិនចាញ់ត្រីប៉ាសេអ៉ីប៉ុន្មានដែរ តែប្រភេទត្រីប៉ាវ៉ាមុខពីរវាធំៗមានទម្ងន់រហូតទៅជិត១០គីឡូក្រាម មានតម្លៃរហូតទៅជាង១លានរៀល។
អ្នកនេសាទរូបនោះបានបន្តទៀតថា នៅថ្ងៃទី១៤ ខែធ្នូ ឆ្នាំ២០២៣នេះ គាត់បាននេសាទបានត្រីប៉ាវ៉ាមុខពីរមួយក្បាលដែលមានទម្ងន់រហូតជាង៨គីឡូក្រាម និងបានយកទៅលក់ឲ្យអ្នកលក់បន្តនៅផ្សារសាមគ្គីស្ទឹងត្រែងដោយក្នុងមួយគីឡូលក់បាន១៥ម៉ឺនរៀល ត្រីមួយក្បាលដែលមានទម្ងន់ជាង៨គីឡូក្រាមលក់បាន មួយលានបីសែនប្រាំមួយម៉ឺនរៀល។
អ្នកលក់ត្រីនៅផ្សារសាមគ្គីស្ទឹងត្រែងក៏បានឲ្យដឹងដែរថា ជាច្រើនឆ្នាំកន្លងមកក៏ពុំសូវមានត្រីប៉ាវ៉ាមុខពីរមានទម្ងន់ដល់ជិត ១០ គីឡូក្រាមនោះទេ។ តែនៅឆ្នាំនេះត្រីប្រភេទនេះត្រូវគេនេសាទបានមានជាង ៧គីឡូក្រាម ទៅជាង ៨ គីឡូក្រាមក្នុងមួយក្បាល។ ហើយរូបគេទិញចូលក្នុងមួយគីឡូក្រាម ១៥ម៉ឺនរៀល និងលក់ចេញវិញ១៨ម៉ឺនរៀលទៅ ២០ ម៉ឺនរៀលក្នុងមួយគីឡូក្រាម។
អ្នកលក់ត្រីរូបនោះបានបន្តទៀតថា :អ្នកដែលហ៊ានទិញត្រីដែលមានតម្លៃខ្ពស់ភាគច្រើនគឺជាម្ចាស់ភោជនីយដ្ឋានអាហារដ្ឋានធំៗនៅខេត្តស្ទឹងត្រែង ទិញទុកធ្វើម្ហូបជូនភ្ញៀវទេសចរណ៍ដែលមកកំសាន្តនៅខេត្តស្ទឹងត្រែង ចង់ស្គាល់រសជាតិត្រីឆ្ងាញ់ពិសេស។ ក្រៅពីភោជនីយដ្ឋាននៅខេត្តស្ទឹងត្រែងទិញ ក៏មានអ្នកនៅសៀមរាប និងភ្នំពេញ និងបណ្ដាលខេត្តនានាកម្មង់ទិញផងដែរ។
អ្នកលក់ត្រីបានបន្តទៀតថា:មូលហេតុវាមានតម្លៃថ្លៃបែបនេះ ដោយសារតែមិនសូវសម្បូរ ហើយរស់ជាតិរបស់វាឆ្ងាញ់ពិសេសណាស់ ពេលយកទៅធ្វើម្ហូបទទួលទានចំពោះមុខម្ហូប ដ៏ពេញនិយមដែលគេធ្វើពីត្រីប៉ាវ៉ាមុខពីរនោះចូលចិត្តយកទៅចំហុយស្ងោរជ្រក់អាំង និងបំពងជាដើម។
សូមបញ្ជាក់ថា ត្រីទឹកសាបទាំងបីប្រភេទនៅខេត្តស្ទឹងត្រែង ទី១. ត្រីប៉ាសុី ទី២.ត្រីប៉ាវ៉ាមុខពីរ ឬហៅថា(ត្រីមុខបាក់ )និងទី៣.ត្រីប៉ាវ៉ាមុខមួយ។ ត្រីទាំងបីប្រភេទនេះ ត្រីប៉ាសេអ៉ី មានរសជាតិឆ្ងាញ់ជាងគេ បន្ទាប់មានត្រីប៉ាវ៉ាមុខពីរ និងបន្ទាប់មកទៀត ទី៣.ត្រីប៉ាវ៉ាមុខ ដែលមានតម្លៃទាបជាងត្រីប៉ាស៊ីអ៊ី និងប៉ាវ៉ាមុខពីរមានតម្លៃត្រឹមតែមួយគីឡូ៨ម៉ឺនរៀលទៅ ១០ម៉ឺនរៀលតែប៉ុណ្ណោះក្នុងមួយគីឡូក្រាម៕
អត្ថបទ៖ ងិនលីម
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង