ព័ត៌មានអន្ដរជាតិ
កងទ័ព អ៊ីស្រាអែល បើកការវាយប្រហារលើជំរំជនភៀសខ្លួននៅហ្គាហ្សា សម្លាប់មនុស្សយ៉ាងតិច ៩០ នាក់
យ៉ាងហោចណាស់មនុស្ស ៩០ នាក់បានស្លាប់បាត់បង់ជីវិត និងជាង ១០០ នាក់បានរងរបួសនៅក្នុងការវាយប្រហារចុងក្រោយបំផុតពីសំណាក់កងទ័ពអ៊ីស្រាអែលទៅលើជំរំជនភៀសខ្លួន Jabalia នៅភាគខាងជើងតំបន់ហ្គាហ្សា ។
ទីភ្នាក់ងារព័ត៌មានប៉ាឡេស្ទីន Wafa បានរាយការណ៍កាលពីថ្ងៃអាទិត្យថា ការស្លាប់បាត់បង់ជីវិត ក៏ដូចជាមានអ្នករងរបួសដ៏ច្រើនសន្ធឹកសន្ធាប់បែបនេះ គឺដោយសារតែកងទ័ពអ៊ីស្រាអែលបានបើកការវាយប្រហារដ៏សាហាវ និងឃោរឃៅបំផុតទៅលើប្លុកលំនៅដ្ឋានមួយកន្លែងក្នុងទីក្រុង Jabalia ។
ទីភ្នាក់ងារ Wafa បាននិយាយនៅក្នុងរបាយការណ៍របស់ខ្លួនថា អ្នកស្លាប់ និងអ្នករងរបួសទាំងនោះភាគច្រើនជាស្ត្រី និងកុមារ ហើយរហូតមកដល់ពេលនេះក៏នៅមានមនុស្សរាប់សិបនាក់ទៀតកំពុងបាត់ខ្លួនផងដែរ ។ ទោះយ៉ាងណា អ្នកស្រុកក៏កំពុងញាប់ដៃញាប់ជើងស្វែងរកអ្នករបួស ខណៈសាកសពជាច្រើនទៀតត្រូវបានគេជឿថា ស្ថិតនៅក្រោមគំនរបាក់បែក ។
ស្របពេលជាមួយគ្នានេះ អ្នករងរបួសជាច្រើននាក់ រួមទាំងកុមារផងដែរនោះ ត្រូវបង្ខំចិត្តបញ្ជូនទៅមណ្ឌលសុខភាពក្បែរនោះ បើទោះបីជាមានអ្នកជំងឺច្រើនលើសលប់ផ្សេងទៀតកំពុងសម្រាកព្យាបាលដូចគ្នាក៏ដោយ ។
ចាប់តាំងពីព្រឹត្តិការណ៍វាយឆ្មក់ ៧ តុលាមក អ៊ីស្រាអែលបានអះអាងថា មានមនុស្សប្រហែល ១,២០០ នាក់បានស្លាប់បាត់បង់ជីវិត ខណៈនៅក្នុងទឹកដីនៃតំបន់ហ្គាហ្សាវិញមានជនជាតិប៉ាឡេស្ទីនជិត ១៩,០០០ ត្រូវបានសម្លាប់ ដោយសារតែការវាយប្រហារសងសឹករបស់អ៊ីស្រាអែល ។
រហូតមកដល់ពេលនេះ អ៊ីស្រាអែលនៅតែបង្កើនការបាញ់ផ្លោងកាំភ្លើងធំរបស់ខ្លួនទៅលើតំបន់ហ្គាហ្សាភាគខាងត្បូង ជាពិសេសគឺគោលដៅលើទីក្រុង Khan Younis និងទីក្រុង Rafah ដែលសុទ្ធសឹងតែជាកន្លែងជនភៀសខ្លួនប៉ាឡេស្ទីនភាគច្រើនកំពុងស្នាក់នៅ ។
ទន្ទឹមនោះ សកម្មភាពបង្កើនការទម្លាក់គ្រាប់បែកនៅភាគខាងត្បូង ក៏កំពុងធ្វើឲ្យស្ថានការណ៍មនុស្សធម៌កាន់តែអាក្រក់ទៅៗផងដែរ ដោយមានពលរដ្ឋប្រមាណ ២.៣ លាននាក់កំពុងខ្វះជំនួយមនុស្សធម៌ ខណៈយោងតាមអង្គការសហប្រជាជាតិ (UN) ប៉ាន់ប្រមាណថា មនុស្ស ១.៩ លាននាក់ ពោលប្រហែល ៨០ ភាគរយនៃប្រជាជននៅតំបន់ហ្គាហ្សត្រូវបានផ្លាស់ទីលំនៅ ដោយសារសង្រ្គាមដ៏រ៉ាំរ៉ៃមួយនេះ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត