ព័ត៌មានអន្ដរជាតិ
អាមេរិក និងអឺរ៉ុបបង្កើនការទូតទ្វេដងដើម្បីរម្ងាប់ភាពតានតឹងនៅមជ្ឈិមបូព៌ា
កាលពីថ្ងៃសៅរ៍ ទី៦ ខែមករា ឆ្នាំ២០២៤ មន្ត្រីទូតជាន់ខ្ពស់របស់សហរដ្ឋអាមេរិក និងសហភាពអឺរ៉ុបបានចាប់បង្កើនបេសកកម្មការទូតទ្វេដងនៅមជ្ឈិមបូព៌ាដោយមានគោលបំណងរម្ងាប់ភាពតានតឹងដែលកំពុងគំរាមកំហែងដល់ភាពវឹកវរ និងជម្លោះរីកកាន់តែធំនៅក្នុងតំបន់។
លោក Antony Blinken រដ្ឋមន្ត្រីក្រសួងការបរទេសសហរដ្ឋអាមេរិកបានចាប់ផ្តើមទស្សនកិច្ចរយៈពេល៥ថ្ងៃទៅតំបន់មជ្ឈិមបូព៌ាដោយមានជួបប្រជុំនៅក្នុងប្រទេសតួកគី ហើយលោក Josep Borrell មន្ត្រីទូតជាន់ខ្ពស់បំផុតរបស់សហភាពអឺរ៉ុបបានទៅទស្សនកិច្ចនៅទីក្រុង Beirut របស់ប្រទេសលីបង់។
កិច្ចខិតខំប្រឹងប្រែងផ្នែកការទូតបានធ្វើឡើងចំពេលហិង្សាថ្មីជាបន្តបន្ទាប់នៅក្នុងជម្លោះព្រំដែនរវាងប្រទេសលីបង់ និងអ៉ីស្រាអែលដែលត្រូវបានអ្នកវិភាគមើលឃើញទំនងជាចំណុចក្តៅផ្ទុះជម្លោះកាន់តែធំ។
ក្រុម Hezbollah បានបាញ់គ្រាប់រ៉ុក្កែតជាច្រើនពីភាគខាងត្បូងលីបង់ចូលទៅទឹកដីអ៉ីស្រាអែលកាលពីថ្ងៃសៅរ៍ ខណៈការឆ្លើយតបបឋមចំពោះការសម្លាប់មេដឹកនាំក្រុមហាម៉ាស់នៅតំបន់ Beirut កាលពីសប្តាហ៍មុនក្នុងការវាយប្រហារទ្រង់ទ្រាយធំចូលអ៉ីស្រាអែល។
លោក Borrell បានសម្តែងការព្រួយបារម្ភយ៉ាងខ្លាំងអំពីការឆ្លើយតបគ្នាដោយអាវុធ និងបាននិយាយថា វាជារឿងសំខាន់ដែលលីបង់មិនត្រូវបានអូសចូលទៅក្នុងជម្លោះហ្គាហ្សា។ «យន្តការការទូតនៅតែបន្តបើកចំហរ។ សង្គ្រាមមិនមែនជាជម្រើសតែមួយនោះទេ តែវាជាជម្រើសដ៏អាក្រក់បំផុត»។
អ្នកវិភាគជាច្រើនជឿថា ជម្លោះគ្រប់ជ្រុងជ្រោយរវាង Hezbollah និងអ៉ីស្រាអែលនៅតែមិនទំនងនោះទេ ថែមទាំងមិនបានរៀបចំដែលធ្វើឲ្យប្រឈមមរណភាព ការចំណាយ និងការបំផ្លិចបំផ្លាញ។
ក្នុងសុន្ទរកថា២កាលពីសប្រាហ៍មុន លោក Hassan Nasrallah មេដឹកនាំអង្គការអ៉ីស្លាមនិយមបានគំរាមសងសឹកចំពោះការសម្លាប់លោក Saleh al-Arouri អនុប្រធានដឹកនាំនយោបាយរបស់ក្រុមហាម៉ាស់ ប៉ុន្តែមិនបានប្តេជ្ញាពីការបង្កើនការវាយប្រហារធំលើអ៉ីស្រាអែលនោះទេ។
ក្រុមហាម៉ាស់ និង Hezbollah ជាសម្ព័ន្ធមិត្តជិតស្និទ្ធនឹងប្រទេសអ៉ីរ៉ង់ ហើយលោក Arouri បានស្លាប់នៅតំបន់មួយដែលជាបន្ទាយរបស់ Hezbollah។ មេដឹកនាំហាម៉ាស់ផ្សេងទៀតស្ថិតនៅតំបន់ហ្គាហ្សា ប្រទេសកាតារ និងតួកគី។
ការប្រយុទ្ធគ្នានៅតែបន្តក្នុងតំបន់ហ្គាហ្សា ខណៈជម្លោះរវាងហាម៉ាស់ និងអ៉ីស្រាអែលបានអូសបន្លាយចូលដល់ខែទី៤ ជាពិសេសទាំងក្នុង និងនៅជិតភាគខាងត្បូងទីក្រុង Khan Younis។
លោករដ្ឋមន្ត្រីការបរទេសអាមេរិក Blinken បានជួបប្រធានាធិបតីតួកគី លោក Recep Tayyip Erdoğan នៅទីក្រុងអ៉ិស្តង់ប៊ូល និងត្រូវទៅបំពេញទស្សនកិច្ចនៅអ៉ីស្រាអែល West Bank, ហ្ស៊កដានី កាតារ អារ៉ាប់រួម អារ៉ាប៊ីសាអ៊ូឌីត និងអេហ្ស៊ីប។
សហរដ្ឋអាមេរិកបានចាប់ផ្តើមគាំទ្រអ៉ីស្រាអែលចាប់តាំងពីការផ្ទុះសង្គ្រាមជាមួយហាម៉ាស់កាលពីបីខែមុន។ ទោះបីជាយ៉ាងណា លោក Blinken ត្រូវបានគេរំពឹងដាក់សម្ពាធលើនាយករដ្ឋមន្ត្រីអ៉ីស្រាអែល លោក Benjamin Netanyahu ដើម្បីគិតគូរលើការការពារជនស៊ីវិលជាចម្បងនៅតំបន់ហ្គាហ្សា អនុញ្ញាតឲ្យជំនួយកាន់ច្រើនចូលទៅក្នុងទឹកដី និងគ្រប់គ្រងរដ្ឋមន្ត្រីស្តាំនិយមដែលបានអំពាវនាវឲ្យពលរដ្ឋប៉ាឡេស្ទីនផ្លាស់ទីលំនៅដែលវោហាសាស្ត្របែបនេះត្រូវបានអាមេរិកថ្កោលទោសថាជាការមិនទទួលខុសត្រូវ។
លោក Netanyahu បានខឹងសម្បារនឹងរដ្ឋាភិបាលក្រុងវ៉ាស៊ីនតោនដែលបានបដិសេធពាក់ព័ន្ធនឹងផែនការលំអិតណាមួយសម្រាប់អភិបាលកិច្ចតំបន់ហ្គាហ្សា នៅពេលការវាយប្រហាររបស់អ៉ីស្រាអែលបញ្ចប់ និងបានបដិសេធចំពោះជម្រើសពេញចិត្តរបស់អាមេរិក។
ការវាយប្រហាររបស់អ៉ីស្រាអែលនៅហ្គាហ្សាបានសម្លាប់មនុស្សជាង២២៤០០នាក់ ដែលជាង២ភាគ៣ជាស្ត្រី និងកុមារ។ នេះបើយោងតាមក្រសួងសុខាភិបាលដែលគ្រប់គ្រងដោយហាម៉ាស់ ហើយមនុស្សជាច្រើនត្រូវបានគេគិតថា បានជាប់នៅក្រោមគំនរបាក់បែក និងមានអ្នករបួសរាប់ពាន់នាក់។
នៅថ្ងៃសៅរ៍ម្សិលមិញ លោក Blinken បានបញ្ចប់ទស្សនកិច្ចនៅប្រទេសហ្ស៊កដានី។ បន្ទាប់មកលោកបានធ្វើដំណើរទៅប្រទេសកាតារ អារ៉ាប់រួម និងអារ៉ាប៊ីសាអ៊ូឌីតនៅថ្ងៃអាទិត្យ និងចន្ទ មុនពេលធ្វើដំណើរទៅអ៉ីស្រាអែល និង West Bank នៅថ្ងៃអង្គារ៍ និងពុធ។ ចុងក្រោយលោកទៅប្រទេសអេហ្ស៊ីប៕
ប្រែសម្រួល៖ វីរបុត្រ
ប្រភព៖ theguardian
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ