ព័ត៌មានជាតិ
ក្រសួងអប់រំដាក់ចេញវិធានការ៤ លើកកម្ពស់ឥរិយាបទ និងចរិយាសម្បទារសិស្ស
ក្រសួងអប់រំ យុវជន និងកីឡា បានដាក់ចេញនូវវិធានការចំនួន ៤ ដើម្បីលើកកម្ពស់ឥរិយាបទ និងចរិយាសម្បទារបស់សិស្សានុសិស្សឱ្យកាន់តែល្អប្រសើរ។ ការដាក់ចេញនូវវិធានការទាំងនេះ ជាការឆ្លើយតបទៅនឹងបច្ចុប្បន្នមានសិស្សមួយចំនួនតូចបានប្រព្រឹត្តិនូវអំពើអសីលធម៌ដូចជា ប្រើហិង្សា ឬវាយតប់គ្នាក្នុងសាលា ឬតាមដងផ្លូវ និងជិះម៉ូតូជ្រែពេញផ្លូវបង្កអនាធិតេយ្យដល់សង្គម។
លោក ស្រី ឃួន វិច្ឆិកា អ្នកនាំពាក្យ ក្រសួងអប់រំ យុវជន និងកីឡា មានប្រសាសន៍នៅរសៀលថ្ងៃទី១៦ ខែមករា នេះថា វិធានការចំនួន ៤ នោះ រួមមាន ទី១. ក្រសួងបានចេញសេចក្តីណែនាំដោយធ្វើបច្ចុប្បន្នកម្មរៀងរាល់ឆ្នាំ ក្នុងការអនុវត្តតាមសាលារៀនហើយ ឆ្នាំនេះក្រសួងក៏បានចេញសេចក្តីណែនាំ ស្តីពី ស្តង់ដាសាលារៀនគំរូសម្រាប់គ្រប់កម្រិតថ្នាក់ និងគ្រឹះស្ថានសាធារណៈ និងឯកជន ក្នុងនោះក្រសួងក៏បានបញ្ជាក់ពីឥរិយាបទ សីលធម៌ អ្វីដែលអនុញ្ញាត និងមិនអនុញ្ញាត។ រីឯសាលា ក៏យោងឯកសារនេះ រៀបចំជាបទបញ្ជាផ្ទៃក្នុងផងដែរ។
ទី២. ក្រសួងបានដាក់អនុវត្តកម្មវិធីក្រៅម៉ោងសិក្សា និងអនុវត្តវិធីសាស្ត្របង្រៀនថ្មី ដើម្បីលើកកម្ពស់ឥរិយាបទ និងចរិយាសម្បទា ទី៣. ក្រសួងបានដាក់បញ្ចូលរង្វាយតម្លៃលើឥរិយាបទ ជាផ្នែក១ នៃរង្វាយតម្លៃការសិក្សារបស់សិស្ស និង ទី៤. ការពង្រឹងកិច្ចសហការជាមួយសហគមន៍ និងមាតាបិតាអាណាព្យាបាល។
គួរបញ្ជាក់ថា ក្រសួងអប់រំ យុវជន និងកីឡា បានដាក់ឱ្យអនុវត្តស្ដង់ដា សាលារៀនគំរូចំនួន ៥ សម្រាប់មត្តេយ្យសិក្សារហូតដល់មធ្យមសិក្សា និងពានរង្វាន់សាលាគំរូ សម្តេចមហាបវរធិបតី និងការចូលរួមអនុវត្ត “យុទ្ធនាការសាលារៀនស្អាតគ្មានសំរាម “ដើម្បីលើកកម្ពស់គុណភាពអប់រំសម្រាប់ ឆ្នាំសិក្សាថ្មី ២០២៣-២០២៤ នេះ រួមមាន ការលើកកម្ពស់អភិបាលកិច្ចសាលារៀន ការពិនិត្យកែសម្រួល និងរៀបចំកម្មវិធីសិក្សា និងសកម្មភាពក្រៅម៉ោងសិក្សាឱ្យស្របទៅតាមតម្រូវការក្នុងការពង្រឹងចំណេះដឹង វិន័យ សីលធម៌ និងឥរិយាបថរបស់សិស្ស, ការយកចិត្តទុកដាក់លើសុខភាពរបស់សិស្ស តាមរយៈកម្មវិធីអាហារូបត្ថម្ភដល់កុមារ និងការត្រួតពិនិត្យគុណភាពចំណីអាហារនៅតាមសាលា និងការជំរុញ និងលើកទឹកចិត្តការចូលរួមរបស់មាតាបិតា អ្នកអាណាព្យាបាល និងសហគមន៍ ក្នុងការអប់រំស្របតាមពាក្យស្លោកភាពជាដៃគូរដ្ឋ និងសហគមន៍ ដើម្បីការអប់រំជាដើម៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង