កីឡា
សិក្ខាកាម២៥រូបទទួលបានចំណេះដឹងកម្រិតខ្ពស់លើជំនាញកីឡាទូកក្តោង
សិក្ខាកាមចំនួន២៥រូបបានបញ្ចប់វគ្គបណ្តុះបណ្តាលបច្ចេកទេសកម្រិតខ្ពស់នៃការរៀបចំកីឡាទូកក្តោងកាលពីថ្ងៃទី២៦ ខែមករា ឆ្នាំ២០២៤ នៅតំបន់អភិវឌ្ឍទីក្រុងរណប Bay of Lights ខេត្តព្រះសីហនុ។
សហព័ន្ធកីឡាទូកក្តោងកម្ពុជាបានរៀបចំវគ្គបណ្តុះបណ្តាលរយៈពេល៣ថ្ងៃនេះឡើង បន្ទាប់ពីការធ្វើជាម្ចាស់ផ្ទះកីឡាអាស៊ីអាគ្នេយ៍ (ស៊ីហ្គេម) លើកទី៣២ ឆ្នាំ២០២៣ នៅទីលានតេជោ ខេត្តព្រះសីហនុ កាលពីខែឧសភា ឆ្នាំ២០២៣ កន្លងមក សហព័ន្ធទទួលបានបទពិសោធថ្មីៗជាច្រើន និងរកឃើញពីចំណុចខ្វះខាតមួយចំនួនដែលទាមទារឲ្យមន្ត្រីបច្ចេកទេសសិក្សារៀនសូត្របន្ថែមដើម្បីអភិវឌ្ឍខ្លួនឲ្យឈានដល់កម្រិតអន្តរជាតិ។
វគ្គបណ្តុះបណ្តាលដែលបានចាប់ផ្តើមពីថ្ងៃទី២៤ ដល់ទី២៦ ខែមករា ឆ្នាំ២០២៤ បានផ្តោតសំខាន់លើជំនាញកម្រិតខ្ពស់នៃការរៀបចំទម្រង់ប្រកួត ការប្រើប្រាស់ទង់សញ្ញា សម្លេងសំគាល់ និងច្បាប់បញ្ញតិ្តផ្សេងៗ ព្រមទាំងការអនុវត្តជាក់ស្តែងលើផ្ទៃទឹកដែលមានសិក្ខាកាមចំនួន២៥រូបចូលរួម។
និយាយដោយឡែក សិក្ខាកាមទាំងអស់បានក្លាយជាធនធានមនុស្សដ៏សំខាន់របស់សហព័ន្ធកីឡាទូកក្តោងកម្ពុជា ប៉ុន្តែជារួមជាធនធានមនុស្សក្នុងវិស័យកីឡារបស់កម្ពុជាសម្រាប់ការត្រៀមរៀបចំព្រឹត្តិការណ៍ថ្នាក់ជាតិ និងអន្តរជាតិផ្សេងៗនាពេលខាងមុខ។ ជាពិសេសការត្រៀមខ្លួនធ្វើជាម្ចាស់ផ្ទះការប្រកួតកីឡាយុវជនអាស៊ីឆ្នាំ២០២៩។
ពិធីបិទកាលពីរសៀលថ្ងៃទី២៦ ខែមករា ឆ្នាំ២០២៤ ក្រោមអធិបតីភាព លោកឧត្តមនាវីទោ គឹម សាវុធ មេបញ្ជាការរង បញ្ជាការដ្ឋានមូលដ្ឋានសមុទ្រ និងមានការចូលរួមពី លោក សោម សុទ្ធរិទ្ធិពង្ស អគ្គលេខាធិការសហព័ន្ធកីឡាទូកក្តោងកម្ពុជា លោក សេង ម៉ាលី តំណាង តំបន់អភិវឌ្ឍន៍ទីក្រុងរណប Bay of Lights នៅមជ្ឈមណ្ឌលជាតិហ្វឹកហ្វឺនកីឡាទូកក្តោង ខេត្តព្រះសីហនុ៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ