ព័ត៌មានអន្ដរជាតិ
រុស្ស៊ី ចង់ដាក់អាវុធនុយក្លេអ៊ែរ នៅកៀកៗ អាមេរិក ឲ្យហើយ
តាមសេចក្តីរាយការណ៍របស់ RT នៅថ្ងៃអង្គារទី៣០ខែមករា, សមាជិកសភារុស្ស៊ីលោក Aleksey Zhuravlev បានស្នើឡើងថា រដ្ឋាភិបាលទីក្រុងមូស្គូ គួរតែដាក់អាវុធនុយក្លេអ៊ែររបស់ខ្លួន នៅក្នុងបណ្តាប្រទេសជាមិត្ត កៀកៗសហរដ្ឋអាមេរិកឲ្យហើយទៅ ដើម្បីឆ្លើយតបទៅនឹងផែនការបញ្ជូនអាវុធយុទ្ធសាស្រ្តរបស់ទីក្រុងវ៉ាស៊ីនតោន ទៅអឺរ៉ុប។
ការអត្ថាធិប្បាយរបស់គាត់ កើតឡើងបន្ទាប់ពីកាសែត The Telegraph រាយការណ៍កាលពីចុងសប្តាហ៍ថា សហរដ្ឋអាមេរិក កំពុងគិតគូរដាក់ពង្រាយអាវុធនុយក្លេអ៊ែរ នៅចក្រភពអង់គ្លេសជាលើកដំបូងក្នុងរយៈពេល១៥ឆ្នាំ ដើម្បីទប់ទល់នឹងការគំរាមកំហែងពីរុស្ស៊ី។
ក្នុងការបង្ហោះលើឆានែល Telegram, លោក Zhuravlev ដែលកាន់តំណែងជាអនុប្រធានទីមួយ នៃគណៈកម្មាធិការការពារសភារុស្ស៊ី និងក៏ជាមេដឹកនាំគណបក្ស Rodina ផងដែរនោះបានចង្អុលបង្ហាញថា ចក្រភពអង់គ្លេសមានអាវុធនុយក្លេអ៊ែរផ្ទាល់ខ្លួនហើយ ហើយសហរដ្ឋអាមេរិក ក៏បានដាក់ពង្រាយឃ្លាំងបរមាណូរបស់ខ្លួន ទៅកាន់បណ្តាប្រទេសអឺរ៉ុបមួយចំនួននៅជិតរុស្ស៊ីរួចហើយដែរ។ ហេតុដូច្នេះហើយ ការដាក់ពង្រាយអាវុធនុយក្លេអ៊ែរបន្ថែម ទៅកាន់ចក្រភពអង់គ្លេស នឹងមិនមានឥទ្ធិពលអ្វីថ្មីលើទិដ្ឋភាពនយោបាយយោធាទេ។
ទោះបីជាយ៉ាងណាក៏ដោយ អ្នកនយោបាយរូបនេះលើកឡើងថា ទីក្រុងមូស្គូ គួរតែពិចារណាដាក់អាវុធនុយក្លេអ៊ែររបស់ខ្លួនឲ្យកាន់តែជិតសហរដ្ឋអាមេរិក ហើយបញ្ជូនទៅកាន់ប្រទេសជាមិត្តដូចជាគុយបា វ៉េណេស៊ុយអេឡា និងនីការ៉ាហ្គាជាដើម។
លើសពីនេះ រុស្ស៊ីមានអាកាសចរណ៍យុទ្ធសាស្ត្រ ព្រមទាំងឃ្លាំងអាវុធដ៏ធំនៃនាវាមុជទឹកដែលឈរជើងនៅទីតាំងសម្ងាត់ជុំវិញមហាសមុទ្រពិភពលោក ហើយមីស៊ីលលឿនជាងសំឡេងរបស់រុស្ស៊ីដែលបាញ់ចេញពីទឹកដីរបស់ខ្លួនទៅសហរដ្ឋអាមេរិក គឺលឿនជាងមីស៊ីលដែលបាញ់ចេញពីដៃអាមេរិកមកវិញទៅទៀត។
ងាកទៅអតីតកាល ក្រសួងការបរទេសរុស្ស៊ី ធ្លាប់ព្រមានហើយថា ទីក្រុងមូស្គូនឹងបង្ខំចិត្តចាត់វិធានការតបត ក្នុងករណីក្បាលគ្រាប់នុយក្លេអ៊ែររបស់អាមេរិក វិលទៅអង់គ្លេសជាថ្មី។ មិនត្រឹមប៉ុណ្ណឹង រុស្ស៊ីក៏ចោទលោកខាងលិចម្តងហើយម្តងទៀតថា បានបង្កភាពតានតឹងនៅអឺរ៉ុប ហើយលើកឡើងពីការបន្តពង្រីកទៅភាគខាងកើតរបស់អង្គការណាតូ ថាជាមូលហេតុមួយក្នុងចំណោមមូលហេតុនៃជម្លោះអ៊ុយក្រែនផងដែរ។
វោហាសព្ទយ៉ាងក្តៅគគុកនេះ កើតឡើងចំពេលមេទ័ពអង្គការណាតូ ចេញការព្រមានខ្លាំងៗថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន អាចវាយប្រហារគ្រប់គោលដៅទូទាំងទ្វីបអឺរ៉ុប បើសង្គ្រាមជាមួយលោកខាងលិច ផ្ទុះឡើងមែន ហើយប្លុកនេះ សល់ពេលមិនដល់បីឆ្នាំទៀតទេ ដើម្បីត្រៀមខ្លួនសម្រាប់ការវាយលុកដ៏មានសក្តានុពលពីសំណាក់កងទ័ពរុស្ស៊ីនៅលើទឹកដីអឺរ៉ុប៕
អត្ថបទ៖ សុខ សុវណ្ណ
ចុចអាន៖ ណាតូ ថា រុស្ស៊ី អាចវាយប្រហារគ្រប់គោលដៅនៅអឺរ៉ុប បើផ្ទុះសង្គ្រាម ជាមួយលោកខាងលិច
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ