ព័ត៍មានទាន់​ហេតុការណ៏
Search

ក្រុមហ៊ុន Jet Airways របស់​ឥណ្ឌា​ផ្តល់​កាដូ​ជិះ​យន្តហោះ​មួយជីវិត​ ដោយ​ឥតគិតថ្លៃ​ចំពោះ​ទារក​ដែល​កើត​អំឡុងពេល​ហោះហើរ​

​ក្រុមហ៊ុន​អាកាសចរណ៍​ឯកជន​របស់​ឥណ្ឌា Jet Airways បានផ្តល់​អំណោយ​សំបុត្រ​ជិះ​យន្តហោះ​មួយជីវិត​ដោយ​មិន​យកប្រាក់​ចំពោះ​ទារក​ម្នាក់​ដែល​កើត​នៅលើ​ជើងហោះហើរ​មួយ​របស់ខ្លួន​ពី​ប្រទេស​អារ៉ាប៊ីសាអ៊ូឌីត​ទៅ​ឥណ្ឌា​។​

បុគ្គលិក​លើ​យន្តហោះ​ និង​អ្នកដំណើរ​ម្នាក់​ដែល​ទទួលបាន​ការបណ្តុះ​បណ្តាល​គិលានុបដ្ឋាក​បាន​ជួយ​បង្កើតកូន​ស្ត្រី​ម្នាក់​ខណៈ​យន្តហោះ​កំពុងធ្វើដំណើរ​ក្នុង​រយៈកម្ពស់​ ១០,៦៨៨​ម៉ែត្រ​។​
​ម្តាយ ​និង​ទារក​ត្រូវបាន​បញ្ជូនទៅ​មន្ទីរពេទ្យ​បន្ទាប់ពី​យន្តហោះ Boeing 737 ចុះចត​នៅ​ទីក្រុង​ភាគ​ខាងលិច Mumbai ។​



ក្រុមហ៊ុន​អាកាសចរណ៍​នេះ​បាន​ប្រាប់ BBC ថា ទាំង​ទារក​ និង​ម្តាយ​គឺមាន​សុខភាព​ល្អ​។​
​ក្រុមហ៊ុន​នេះ​បាន​ថ្លែងអំណរគុណ​ដល់​បុគ្គលិក​របស់ខ្លួន​និង​គិលានុបដ្ឋាយិកា Mini Wilson សម្រាប់​ការ​ផ្តល់កំណើត​ទទួលបាន​ដោយ​ជោគជ័យ​ដល់​ក្មេងប្រុស​ម្នាក់​។​

ក្រុមហ៊ុន​បាន​និយាយ​ក្នុង​សេចក្តីថ្លែងការណ៍​មួយ​ថា “​ក្រុមហ៊ុន Jet Airways បាន​សរសើរ​ដល់​បុគ្គលិក​របស់ខ្លួន​សម្រាប់​ការឆ្លើយតប​ និង​ភាព​រហ័ស​ដែល​ធ្វើ​ឲ្យ​ពួកគេ​ទទួលបាន​ជោគជ័យ​ក្នុង​សកម្មភាព​ជួយសង្គ្រោះ​ជីវិត​”​។​

ក្រុមហ៊ុន​អាកាសចរណ៍​នេះ​បាន​បន្ថែមថា វា​ជា​លើកដំបូង​ហើយ​ដែល​ទារក​បានកើត​នៅក្នុង​ជើងហោះហើរ​របស់​ក្រុមហ៊ុន​អាកាសចរណ៍​នេះ​។​

ក្រុមហ៊ុន​អាកាសចរណ៍​ផ្សេងទៀត​ក៏​ធ្លាប់​ជួបប្រទះ​ស្ថាន​ភាពស្រដៀងគ្នា​នេះ​ផងដែរ​។​
​កាលពី​ឆ្នាំមុន ក្រុម​អាកាសយានិក​នៅលើ​ជើងហោះហើរ​របស់​ក្រុមហ៊ុន​អាកាសចរណ៍​ប្រទេស​ទួរគី​មួយ​បាន​អបអរ​ចំពោះ​ការមកដល់​នៃ​អ្នកដំណើរ​បន្ថែម​ម្នាក់​នៅពេលដែល​ស្ត្រី​ម្នាក់​ផ្តល់កំណើត​ដល់​ទារិកា​ម្នាក់​៕ BBC