ព័ត៌មានអន្ដរជាតិ
ក្រុមប្រដាប់អាវុធក្នុងរដ្ឋការ៉ែនបានបាញ់ទម្លាក់ឧទ្ធម្ភាគចក្រយោធាមីយ៉ាន់ម៉ា បណ្តាលឱ្យស្លាប់ឧត្តមសេនីយ៍ត្រីម្នាក់ និងមន្ត្រីយោធា៤នាក់
ប្រភពព័ត៌មានបានឱ្យដឹងថា នៅថ្ងៃទី២៩ ខែមករា ឧទ្ធម្ភាគចក្រយោធាមីយ៉ាន់ម៉ាមួយគ្រឿងត្រូវបានបាញ់ទម្លាក់ដោយក្រុមប្រដាប់អាវុធជនជាតិភាគតិចការ៉ែន និងកងកម្លាំងប្រឆាំងដែលជាសម្ព័ន្ធមិត្តរបស់ខ្លួននៅក្នុងរដ្ឋការ៉ែន បណ្តាលឱ្យឧត្តមសេនីយ៍ត្រីម្នាក់ និងមន្ត្រីយោធា៤នាក់ផ្សេងទៀតនៅលើយន្តហោះបានស្លាប់។
នេះគឺជាយន្តហោះយោធាទី៣ហើយរបស់របបសឹកយោធាដែលត្រូវបានបាញ់ទម្លាក់ដោយកងកម្លាំងប្រឆាំងក្នុងខែមករានេះ។
ឧទ្ធម្ភាគចក្រ Eurocopter ក្លាយជាគោលដៅវាយប្រហារដោយកងទ័ពរំដោះជាតិការ៉ែន និងកងកម្លាំងការពារប្រជាជនដែលជាសម្ព័ន្ធមិត្តរបស់ខ្លួននៅក្នុងតំបន់ Thinganyinong ក្បែរទីក្រុងមៀវឌី ចាប់តាំងពីរសៀលថ្ងៃច័ន្ទទី២៩ ខែមករា ឆ្នាំ២០២៤មកម្ល៉េះ។
ប្រភពពីទីភ្នាក់ងារ Cobra Column ដែលជាកម្លាំងតស៊ូសម្ព័ន្ធមិត្តជាមួយកងទ័ពការ៉ែនដែលពាក់ព័ន្ធក្នុងការវាយប្រហារនេះបាននិយាយថា “យើងបាញ់វាធ្លាក់ដោយកាំភ្លើងយន្ត និងអាវុធផ្សេងៗទៀត។ បន្ទាប់មកវាក៏បានធ្លាក់ចុះបណ្តាលឱ្យស្លាប់មេបញ្ជាការកងពលតូចថ្មើរជើងម្នាក់ ព្រមទាំងអ្នកបើកយន្តហោះ និងអ្នកដទៃ”។
យោងតាមសេចក្តីរាយការណ៍បឋមពីប្រព័ន្ធផ្សព្វផ្សាយក្នុងស្រុកបាននិយាយថា ឧត្តមសេនីយត្រី Ae Min Nong មេបញ្ជាការកងពលតូចថ្មើរជើងលេខ៤៤ និងនាយទាហានចំនួន ៤នាក់ផ្សេងទៀតត្រូវបានសម្លាប់ក្នុងការបាញ់ប្រហារនេះ។
ចំណែកប្រព័ន្ធផ្សព្វផ្សាយដែលគាំទ្ររបបសឹកយោធាបានរាយការណ៍ថា ឧត្តមសេនីយត្រីចំនួន ២នាក់ត្រូវបានសម្លាប់ និងមន្ត្រីយោធាចំនួន ៣នាក់ផ្សេងទៀតដែលមិនបានបញ្ជាក់ពីតំណែង បានរងរបួសធ្ងន់នៅក្នុងគ្រោះថ្នាក់ធ្លាក់យន្តហោះនេះ។
គួរបញ្ជាក់ថា កាលពីពីរសប្តាហ៍មុន លោកឧត្តមសេនីយត្រី Win Nong Soe មេបញ្ជាការកងពលតូចថ្មើរជើងលេខ៤៤ នៅពេលនោះត្រូវបានផ្ទេរចេញទៅកាន់កងកម្លាំងបម្រុងរបស់កងទ័ពមីយ៉ាន់ម៉ា បន្ទាប់ពីកងកម្លាំងឆ្មាំការពារព្រំដែនរដ្ឋការ៉ែនបានប្រាប់រដ្ឋាភិបាលយោធាថា ពួកគេមិនចង់ប្រយុទ្ធជាមួយក្រុមឧទ្ទាមជនជាតិភាគតិចការ៉ែន និងមិនចង់ក្លាយជាផ្នែកមួយនៃកងទ័ពមីយ៉ាន់ម៉ាតទៅទៀតឡើយ។ បន្ទាប់មក លោកឧត្តមសេនីយ៍ត្រី Ae Min Nong ក៏ត្រូវបានតែងតាំងឱ្យទៅបំពេញមុខតំណែងដែលទំនេរកាលពីពីរសប្តាហ៍មុន ប៉ុន្តែជាអកុសលត្រូវបានទទួលរងគ្រោះថ្នាក់នេះ៕
ប្រភព ៖ Mgronline
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ក្រសួងការងារនាំយកប្រាក់ឈ្នួល និងប្រាក់បំណាច់ជូនកម្មកររោងចក្រ Y&W ដែលកំពុងសម្រាលកូនដល់មន្ទីរពេទ្យ
ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ
ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី
សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)