ព័ត៌មានអន្ដរជាតិ
ម៉ាឡេស៊ី កាត់ទោសដាក់ពន្ធនាគារអតីតនាយករដ្ឋមន្ត្រី Najib Razak
ប្រទេសម៉ាឡេស៊ីបានកាត់ទោសដាក់ពន្ធនាគារទៅលើអតីតនាយករដ្ឋមន្ត្រី Najib Razak រយៈពេល ១២ ឆ្នាំពីបទពុករលួយ ។ នេះបើយោងតាមការចេញផ្សាយរបស់សារពត៌មាន CNN កាលពីថ្ងៃទី០២ ខែកុម្ភៈកន្លងទៅ ។
លោក Najib ដែលបានកាន់តំណែងជានាយករដ្ឋមន្ត្រីពីឆ្នាំ ២០០៩ ដល់ឆ្នាំ ២០១៨ ត្រូវបានចោទប្រកាន់ថាមានពិរុទ្ធពីបទលាងលុយកខ្វក់ ការរំលោភបំពានអំណាច និងការចោទប្រកាន់ផ្សេងទៀតនៅឆ្នាំ ២០២០ ទាក់ទងនឹងរឿងអាស្រូវមូលនិធិ 1MDB ដែលមានលុយរាប់ពាន់លានដុល្លាររបស់អ្នកជាប់ពន្ធត្រូវបានលួចចេញពីប្រទេសម៉ាឡេស៊ី ។
លោក Najib បានបដិសេធឥតឈប់ឈរ ខណៈព្រះរាជអាជ្ញាចោទប្រកាន់ថាគាត់ និងសម្ព័ន្ធមិត្តរបស់គាត់បានប្រើប្រាស់ជាធនាគារ Piggybank ផ្ទាល់ខ្លួនដើម្បីគាំទ្រដល់ការរស់នៅដ៏ប្រណិតរបស់ខ្លួន ។ ទោះបីជាយ៉ាងណាអតីតនាយករដ្ឋមន្ត្រីរូបនេះបានដាក់ពាក្យស្នើសុំក្រុមប្រឹក្សាលើកលែងទោសរបស់ប្រទេស ដើម្បីកាត់បន្ថយការជាប់ពន្ធនាគាររបស់គាត់មកត្រឹម ៦ ឆ្នាំវិញ ខណៈការផាកពិន័យរបស់លោក ក៏ត្រូវបានកាត់បន្ថយមកត្រឹម ៥០ លានរីងហ្គីត ដែលស្មើនឹង ១០.៦ លានដុល្លារ ប៉ុន្តែការកាត់ទោសរបស់លោកនឹងត្រូវបន្ថែមមួយឆ្នាំ ប្រសិនបើមិនបានបង់ឲ្យពេញលេញមុន ថ្ងៃទី ២៣ ខែសីហា ឆ្នាំ ២០២៨។
គួរបញ្ជាក់ថា មូលនិធិ 1MDB ត្រូវបានបង្កើតឡើងភ្លាមៗ បន្ទាប់ពីលោក Najib ចូលកាន់តំណែងក្នុងឆ្នាំ ២០០៩។ រដ្ឋាភិបាលបានបូមប្រាក់សាធារណៈរាប់ពាន់លានដុល្លារចូលទៅក្នុងមូលនិធិមួយនេះ ដោយមានគោលបំណងដឹកនាំគំនិតផ្តួចផ្តើមជំរុញទីផ្សារដើម្បីជួយរដ្ឋាភិបាលក្នុងការជំរុញប្រទេសម៉ាឡេស៊ីឲ្យក្លាយជាប្រទេសអភិវឌ្ឍន៍ និងមានការប្រកួតប្រជែងខ្ពស់ ៕
អត្ថបទ ៖ ប៊ុន សុភាព
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង