Connect with us

ព័ត៌មានជាតិ

ប.ស.ស. គ្រោងនឹងពង្រីកផ្នែកថែទាំសុខភាពដល់កម្មករសំណង់ និងអ្នកបម្រើការក្នុងសេវាកម្សាន្ត

បានផុស

នៅ

បេឡាជាតិសន្តិសុខសង្គម (ប.ស.ស.) គម្រោងនឹងពង្រីករបបសន្តិសុខសង្គមផ្នែកថែទាំសុខភាពដល់ក្រុមគោលដៅមួយចំនួនបន្ថែមទៀតរួមមានអ្នកបម្រើការងារផ្អែកតាមវេទិកាឌីជីថល អ្នកបម្រើការក្នុងសេវាកម្សាន្ត និងកម្មករនិយោជិតក្នុងវិស័យសំណង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក បណ្ឌិត ហេង សុផាន់ណារិទ្ធ អគ្គនាយករងបេឡាជាតិសន្តិសុខសង្គម (ប.ស.ស.) នៃក្រសួងការងារនិងបណ្តុះបណ្តាលវិជ្ជាជីវៈ បានថ្លែងថាប.ស.ស. មានគម្រោងដែលមានឈ្មោះថា A4Sដែលជាគម្រោងពង្រីករបបសន្តិសុខសង្គមសម្រាប់បុគ្គលស្វ័យនិយោជន៍ ដែលមាន៤ក្រុមគោលដៅសំខាន់ៗខណៈ បច្ចុប្បន្ន ប.ស.ស. បានអនុវត្តចំពោះក្រុមទី១ដែលជាអ្នកលក់ដូរតាមទីផ្សារ និងអ្នកនៅក្នុងបន្ទុកសមាជិក ប.ស.ស. រួចរាល់ហើយ។

លោកបានបន្តថា ចំពោះក្រុមគោលដៅចំនួន៣ក្រុមទៀតរួមមាន៖ ១).អ្នកបម្រើការងារផ្អែកតាមវេទិកាឌីជីថល ២) អ្នកបម្រើការក្នុងសេវាកម្សាន្ត និង៣)កម្មករនិយោជិតក្នុងវិស័យសំណង់ដែលមិនទាន់បានគ្របដណ្តប់ដោយរបបសន្តិសុខសង្គមហើយក្រុមការងារបច្ចេកទេសនឹងសិក្សាសមិទ្ធិលទ្ធភាពលើក្រុមទាំងនេះ ដើម្បីឱ្យពួកគេទទួលបានរបបថែទាំសុខភាពដោយឥតគិតថ្លៃ។

លោកបានបន្ថែមថា ការពង្រីករបបសន្តិសុខសង្គមផ្នែកថែទាំសុខភាពដល់ក្រុមគោលដៅផ្សេងៗទៀតនេះ គឺដើម្បីចូលរួមចំណែកអភិវឌ្ឍប្រព័ន្ធសន្ដិសុខសង្គមកម្ពុជាដែលជាការរួមចំណែកធានាសន្តិសុខប្រាក់ចំណូល រួមចំណែកកាត់បន្ថយភាពក្រីក្រលើក កម្ពស់ស្ថិរភាពសង្គមនិងជីវភាពប្រជាពលរដ្ឋឱ្យបានកាន់តែល្អប្រសើរឡើងប្រកបដោយចីរភាព៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម