សន្តិសុខសង្គម
ស្ត្រីឈ្មោះ គង់ ម៉ូលីកា ដែលបង្ហោះសារចោទប្រកាន់ប៉ូលីសចរាចរណ៍នៅស្តុបក្ដាន់ពីរ មិនទាន់ចូលខ្លួនបំភ្លឺនៅឡើយ
បើទោះបីមានការអំពាវនាវពីលោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ឲ្យស្ត្រីឈ្មោះ គង់ ម៉ូលីកកា ដែលបង្ហោះសារចោទប្រកាន់លើមន្ត្រីនគរបាលចរាចរណ៍ និងជនស៊ីវិលនៅគោលដៅស្តុបក្ដាន់ពីរពាក់ព័ន្ធការផាកពិន័យឲ្យចូលខ្លួនមកបំភ្លឺដើម្បីទទួលបានភាពយុត្តិធម៌ តែរហូតមកដល់រសៀលថ្ងៃទី៧កុម្ភៈនេះ ស្រ្តីរូបនោះនៅមិនទាន់ចូលខ្លួនបំភ្លឺតាមការអំពាវនៅឡើយ។ នេះបើតាមការបញ្ចាក់ពីលោកវរសេនីយ៍ឯក សំ វិច្ឆិកា អ្នកនាំពាក្យស្នងការដ្ឋាននគរបាលរាជធានីភ្នំពេញ។
លោកវរសេនីយ៍ឯក សំ វិច្ឆិកា បានឲ្យដឹងថា មកដល់រសៀលថ្ងៃទី៧ ខែកុម្ភៈនេះ ស្ត្រីឈ្មោះ គង់ ម៉ូលីកា មិនទាន់បានចូលខ្លួនមកបំភ្លឺជាមួយសមត្ថកិច្ចនៅស្នងកាដ្ឋាននគរបាលរាជធានីភ្នំពេញនៅឡើយទេ។ លោក សំ វិច្ឆិកា បញ្ចាក់ថា សមត្ថកិច្ចនៅតែបន្តរង់ចាំគាត់ បើសិនជាស្ត្រីរូបនោះបានទទួលព័ត៌មានដែលជាការអំពាវនាវ និងចង់ស្វែងរកយុត្តិធម៌ចំពោះរូបគាត់ គឺសមត្ថកិច្ចនឹងរកយុត្តិធម៌ជូន។
សូមបញ្ចាក់ថា ស្ត្រីឈ្មោះ គង់ ម៉ូលីកា កាលពីពេលថ្មីៗនេះបានសរសេរសារបង្ហោះក្នុងគ្រុប Telegram ឈ្មោះ សុវត្ថិភាពចរាចរណ៍យើង ពាក់ព័ន្ធទៅនឹងនគរបាលចរាចរណ៍ និងជនស៊ីវិល នៅចំណុចភ្លើងស្តុបក្តាន់ពីរ ខណ្ឌដូនពេញ បានផាកពិន័យយកប្រាក់ បង់តាម ABA ទៅឱ្យជនស៊ីវិល ចំនួន២០ដុល្លារពីគាត់ ខណៈគាត់ជូនម្តាយទៅមន្ទីរពេទ្យជាបន្ទាន់។
ជុំវិញការចោទប្រកាន់នេះ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានស្នើឱ្យស្ត្រីឈ្មោះ គង់ ម៉ូលីកា ចូលខ្លួនមកបំភ្លឺចំពោះមុខសមត្ថកិច្ច នៅស្នងការដ្ឋាននគរបាលរាជធានីភ្នំពេញ ដើម្បីសួរនាំព័ត៌មានមួយចំនួន ក្នុងការស្វែងរកយុត្តិធម៌ជូន ដោយសារលេខទូរស័ព្ទរបស់ស្ត្រីឈ្មោះ គង់ ម៉ូលីកា សមត្ថកិច្ចព្យាយាមទំនាក់ទំនងសួរនាំប៉ុន្តែទាក់ទងមិនបាន៕
អត្ថបទ៖ សុខុម
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ