ព័ត៌មានអន្ដរជាតិ
ចាប់ពីពេលនេះតទៅ ភ្ញៀវទេសចរត្រូវតែបង់ពន្ធ បើចង់ទៅលេងនៅកោះបាលី
បាលី គឺជាកោះធំមួយ និងជាផ្នែកសំខាន់ជាងគេបង្អស់ នៃខេត្តបាលី ប្រទេសឥណ្ឌូនេស៊ី ។ លើសពីនេះ កោះបាលី គឺជាគោលដៅទេសចរណ៍ដ៏មានសក្ដានុពលបំផុតមួយរបស់ឥណ្ឌូនេស៊ី និងជាទីពេញនិយមសម្រាប់ភ្ញៀវទេសចរនៅជុំវិញពិភពលោក ដោយកាលពីចន្លោះខែមករា ដល់ខែវិច្ឆិកា ឆ្នាំ ២០២៣ កោះនេះ បានទទួលភ្ញៀវទេសចររហូតចំនួន ៤.៨លាននាក់ ឯនោះ ។
និយាយដល់កោះបាលី ឬខេត្តបាលី ត្រូវបានមនុស្សជាច្រើនដឹងថា វាជាទឹកដីតែមួយគត់នៅឥណ្ឌូនេស៊ី ដែលប្រជាជនចំនួន ៨៦,៩% នៅទីនោះកាន់សាសនា ហិណ្ឌូ ឬអ្នកនៅតំបន់នោះហៅថា ហិណ្ឌូបាលី ។ ដូច្នេះហើយទើបគេសង្កេតឃើញថា បាលី បានខិតខំអភិរក្សប្រពៃណី វប្បធម៌ តែក៏មានការអភិវឌ្ឍន៍ខ្ពស់លើរបាំប្រពៃណី និងសម័យទំនើប ចម្លាក់គំនូរ សិល្បៈស្បែក-ដែក និងតន្ត្រី។ ហើយទៀតសោត សូម្បីតែមហោស្រពភាពយន្តអន្តរជាតិឥណ្ឌូនេស៊ី ក៏តែងតែត្រូវបានគេប្រារព្ធឡើងជារៀងរាល់ឆ្នាំនៅកោះនេះផងដែរ ។
ជាមួយគ្នានេះ បើយោងតាមការផ្សាយពីសារព័ត៌មាន BBC នៅថ្ងៃទី១៤ ខែកុម្ភៈ បានឱ្យដឹងថា ចាប់ពីថ្ងៃទី១៤ នេះ អជ្ញាធរឥណ្ឌូនេស៊ី បានអនុវត្តតម្រូវឱ្យភ្ញៀវទេសចរទាំងអស់ បង់ពន្ធចំនួន ១៥.០០០ រូពី(៩.៦០ដុល្លារ) ក្នុងម្នាក់ នៅពេលមកកម្សាន្តលើកោះបាលី ។ ប្រភពបានឱ្យដឹងទៀតថាច្បាប់បង់ពន្ធនេះ ត្រូវបានអាជ្ញាធរឥណ្ឌូនេស៊ី ប្រកាសកាលពីកំលុងឆ្នាំ ២០២៣ មកម្ល៉េះ គឺក្នុងគោលបំណងការពារបរិស្ថាន និងវប្បធម៌របស់កោះ ។
យោងតាមគេហទំព័រ Love Bali បានឱ្យដឹងថា រាល់ដំណើរកម្សាន្តមកកាន់កោះបាលី គឺតម្រូវឱ្យបង់ពន្ធជាមុន ហើយពន្ធនេះអាចលើកលែងបានតែសម្រាប់អ្នកក្នុងស្រុកប៉ុណ្ណោះ ។ កុំថាឡើយតែភ្ញៀវបរទេស សូម្បីតែជនជាតិឥណ្ឌូនេស៊ីដែលមកពីខេត្តផ្សេង ក៏តម្រូវឱ្យបង់ពន្ធដែរ ។
សូមជម្រាបឱ្យដឹងថា វិស័យទេសចរណ៍បានរួមចំណែកប្រហែល ៦០% ដល់ GDP ប្រចាំឆ្នាំរបស់កោះបាលី មុនពេលរាតត្បាតនៃជំងឺកូវីដ១៩។ យោងតាមការិយាល័យស្ថិតិរបស់ខេត្តបានឱ្យដឹងថា អូស្ត្រាលីគឺជាចំណែកដ៏ធំបំផុតនៃភ្ញៀវទេសចរបរទេសទៅកាន់កោះបាលី កាលពីឆ្នាំ ២០២៣ ដោយមានចំនួន ១០ម៉ឺននាក់ ហើយបន្តបន្ទាប់មកមានដូចជាប្រទេសឥណ្ឌា ចិន និងសិង្ហបុរី ៕
ប្រែសម្រួលដោយ÷ ប៉ោ កុសល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង