ព័ត៌មានជាតិ
សម្ដេច ហ៊ុន ម៉ាណែត៖ អ្នកដែលលូតលាស់លឿន និងជោគជ័យ គឺចេះរៀនពីខ្លួនឯង
សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានណែនាំសិស្ស-និស្សិតទាំងអស់ ត្រូវបន្តរៀនសូត្រ ហើយជាពិសេសត្រូវរៀនសូត្រពីខ្លួនឯង ព្រោះការរៀនសូត្រពីខ្លួនឯង ពិតជាមានសារៈសំខាន់ខ្លាំងណាស់។
ការណែនាំនេះ គ្រាដែលសម្ដេចធិបតី ហ៊ុន ម៉ាណែត អញ្ជើញជាអធិបតីក្នុងពិធីសម្ពោធទីតាំង និងប្រគល់សញ្ញាបត្រ ជូននិស្សិតជ័យលាភីនៃសាកលវិទ្យាល័យជាតិគ្រប់គ្រង សាខាវាលស្បូវ នាព្រឹកថ្ងៃទី ១៥ ខែកុម្ភៈ ឆ្នាំ ២០២៤នេះ។
សម្ដេចធិបតី ហ៊ុន ម៉ាណែត បានណែនាំដល់និស្សិតដែលទទួលបានជ័យលាភីនាពេលនេះ ក៏ដូចជាសិស្ស-និស្សិតដទៃទៀត ត្រូវបន្តការរៀនសូត្របន្ថែមទៀត ដោយត្រូវរៀនពីគ្រប់ទីកន្លែង គ្រប់ពេលវេលា រៀនពីគ្រប់គ្នា និងរៀនពីខ្លួនឯងផងដែរ។ ការរៀនពីខ្លួនឯង គឺពិតជាមានសារៈសំខាន់ខ្លាំងណាស់ ហើយអ្នកដែលជោគជ័យ និងលូតលាស់លឿន គឺជាអ្នកដែលរៀនពីខ្លួនឯង។
«រៀនពីខ្លួនឯងសំខាន់ណាស់ ហេតុអីបានជាខ្ញុំនិយាយអញ្ចឹង ព្រោះខ្ញុំខ្លួនឯងនៅហ្នឹង ខ្ញុំមានអ្នកធ្វើការឲ្យខ្ញុំរាប់រយនាក់ គ្រប់វិស័យ អ្នកដែលលូតលឿន ជោគជ័យ គឺចេះរៀនពីខ្លួនឯង រៀនពីកំហុសខ្លួនឯង ចាំយកពីអ្វីដែលខ្លួនឯងជាចំណុចខ្សោយ ហើយខិតខំស្រាវជ្រាវ កែសម្រួល»។ នេះជាការលើកឡើងរបស់សម្ដេចធិបតី ហ៊ុន ម៉ាណែត។
សម្ដេចនាយករដ្ឋមន្ត្រី បានបន្ថែមថា បើបុគ្គលម្នាក់ៗ មិនមានឆន្ទៈ និងគ្មានការទទួលស្គាល់នូវចំណុចខ្សោយខ្លួនឯងទេ ទោះបីជាមានអ្នកបង្រៀនដល់ណាក៏ដោយ ក៏បុគ្គលនោះមិនចេះដែរ។ ដូច្នេះ ដើម្បីភាពលូតលាស់ និងជោគជ័យ គឺបុគ្គលម្នាក់ៗ ត្រូវហ៊ានទទួលស្គាល់នូវចំណុចខ្វះខាត ត្រង់ផ្នែកណាមួយ ហើយកែតម្រូវ និងរៀនសូត្រ ព្រមទាំងលើកទឹកចិត្តខ្លួនឯង បន្ថែមទៀត៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង